泰式粉絲蝦煲 ～ 附食譜及做法

這個菜式其實唔係第一次煮。 不過煮極都唔夠好， 一係水汪汪， 一係粉絲唔夠乾身。 直至最近終於有位網友煮得似模似樣，於是參考了 blog 友的做法外我還找回多年前從泰國買回來的泰國菜烹飪書出來， 發現其中一個菜式跟我們極度相似， 所以， 我決定嚐試一下泰式做法。

當然肥仔阿媽又意見多多啦！  上至用邊個煲、 幾時煮， 下至幾時落粉絲佢都有意見。 我都費事啋佢！




材料
海蝦 12 隻 （其實我係用 taste 急凍海蝦）
1 杯 （乾身約 100G）粉絲.....我隨意拉了幾多出來就用幾多
3 ﹣ 4 片薑
5 個芫茜根部切碎
1 個洋葱， 切條

汁料
1 湯匙白胡椒粒 ＜＜不過我無胡椒粒， 所以我用胡叔粉。 但係我落半湯匙都覺得幾辣。 所以大家可以再自行調整。
1／4 茶匙鹽
1 湯匙糖
2 湯匙鼓油
1 湯匙 seasoning sauce (即美極那種東西）， 不過我冇落
1 湯匙蠔油
1 湯匙威士忌 ＞＞我用日本煮食清酒
1 茶匙麻油
2 湯匙食油


做法 ：
1）將蝦洗淨， 修剪。
2）開鑊將蝦略炒或“走油”撈起備用。 ＜＜ 這步驟是我自加的。
3）原鑊， 油熱後加入芫茜根碎、薑、胡椒粒及洋蔥少至發出香味熄火倒入另一個大碗內。 （我自己就先以細火慢炒洋蔥至軟身才加入其他）
4）加入粉絲及汁料拌勻。 再加入蝦（原食譜是將生蝦這個時候才加入）拌勻。
5）倒入小瓦煲內以細火煮廿分鐘左右至熟。
6）以芫茜或葱段裝飾即成。

溫馨提示 ：
換了瓦煲後雖然我用細火， 都有點燶底。 所以我諗煮十零分鐘好攪攪個底以免痴底。