PanaSoniC 麵包機 ＋ 焗爐 ～ 腸仔包

好掛住呀！  出門前整機食吓先。

用了脆皮腸。 焗到爆埋！

StaUB ~ 炒牛肉心得

一直以來用 staub 炒肉都係幻得幻失，時得時唔得。  今次整沙茶牛肉炒青豆角又好得喎。

先凍鍋下油，以中大火加熱至油見淚痕就熄火下牛肉快炒，不要停，炒又好，撥又好，攪又好，總之唔好停。  用餘溫炒至想要熟透程度。  由於我要回鍋，所以我 7 成左右就撈起了。

之後原煱下已用水煮至九成熟的青豆， 以中火加熱，炒至乾身，下糖、酒和鹽調味，熄火將牛肉拌入即可。

Panasonic 麵包機 ～ 又一機超軟麵包

參考食譜 ：我愛麵包機

湯種
高粉 12G ＋水 50ML 攪勻後加熱煮杰放涼備用

Gelish SoAK OFF GeL ～ 紅運當頭、 花開富貴

就快過年了，係時候著過件衫。

調了一個淺粉紅。 而紅色就用日本買回來的 led gel + red carpet 個紅透明 gel。

goLf @ 湖洲溫泉高爾夫俱樂部

老馬朋友相約一班球友到湖洲打波，邀請我和肥仔一同參與。  從上海往湖洲開車約 2.5 小時。

天寒地凍，開波前食返碗雪菜肉絲麵條儲返啲熱能先。

My 男神 ~ 小虎虎

大魔王太了解我。  得閒又發幾張小虎虎嘅相比我。

小虎前面多隻小馬，萌死人了！

不過萌還萌，依然不減虎威。 仲係好 man 呀！

註 ： 照片由大魔王提供

用麵包機幫手整芹菜香荽豬肉餃 "附食譜和做法"

身痕學人玩包餃。  膽粗粗自己操刀整我最愛的芹菜餃。  成品好滿意。 夠 juicy 呀！  麵包機真係好幫手，除咗做麵包外，原來包餃嗰陣要嚟將肉碎攪到起膠都好掂！

賣相還不錯吧！ 自我陶醉中～

其實餃子一向係皇太后的 signature dish，不過我不太喜歡吃韮菜，所以久而久之就變得獨孤一味只有 "白菜豬肉餃"，白菜係津白，加上她愛少肉多菜，餃子的味道很清淡。 吃久了就覺得沒味道了。  而且最近她的調味實在太淡，淡得幾乎吃不到味道。

提早賀壽

太后生日又點可以唔記得慶祝。 昨晚趁肥仔在上海提前為她慶祝舊曆生日。

特意到新天地 cova 買個生日蛋糕給她。

Panasonic 麵包機 ～ 大頭怪嬰麵包

雖然高大威，但係其實係唔合格㗎！

因為係減水減得唔夠，所以會出大頭怪嬰包。    出包時中間比我對隔熱手套襟扁咁添。

不過都食得嘅。

StaUB ~ 南乳筍乾炆豬尾

超市買了條斬件豬尾回來，又要諗諗新意思點整好。

找到了阿蘇筍乾食譜。 太好了，朋友比的筍乾又可以清掉一些了。

參考食譜 ： 阿蘇 ～ 南乳筍乾炆豬尾

材料:
豬尾
筍乾
蒜蓉
乾蔥碎
南乳
柱侯醬

做法:
1）豬尾燒毛洗淨斬件後以薑、蔥和紹酒出水。
2）筍乾隔晚浸水，期間要清洗兩、三次。
3）浸過的筍乾用冰糖水煮，去除澀味。 煮出黃色水後取出，過冷水再擠乾剪短。
4）南乳加少許油拌成醬，再加水調稀。
5）staub 下油以中火加熱，下乾蔥和蒜蓉炒至有香味，再下豬尾，贊紹酒，加筍乾拌炒。  轉細火加入南乳醬兜勻。 下水或雞湯至蓋過 2/3 食材。 加少許冰糖和老抽拌勻後上蓋炆 2 小時或至腍即可。  開蓋後撒上芫荽即成。