公司 outing 之食在濠江 @ Day 1

15 May 2010

早上十時半船, 相約好大魔及大魔王到我家樓下集合一起出發去.

例行公事, 先去吃個早餐.

公司為了遷就住在不同區份的同事及家人, 分別安排了兩個出發點.  大家可選擇在信德或尖沙咀兩個碼頭出發.  我當然係老尖啦.  所以, 過到澳門後兩班人再合拼.

過到澳門後直接乘坐旅遊車到餐館"聚龍酒家"午膳.

2010 帶耆英們到日本東北追櫻 ~ 戰利品編

這個貓巴士吊飾是這次旅程第一個買入的東西.  其實這個吊飾大大話話我己經買咗三至四個.  每次去日本都會買一個後備回來.

在宮城縣護國神社買入一個平安符給快要當母親的愛妻號.

逛購物街只買到襪套及襪子而已.

在 outlet 的戰利品.  對 corcs 2980 yen.  個貓貓袋係買給大魔的.  因為好似阿女.  lesportsac 袋, 7455yen.  肥仔買咗三件黑 jacket for 佢&兩個細佬.  三件紅色球衣就買給兩個細佬三個仔.  大不良都有份....pampers 一條, 1000 yen.  諗住佢著咗可以入屋.  點知老父話唔啱著....  肥仔對波鞋先至 3990 yen.....超抵.  另外, 最大收獲就係高球服飾.

在松島買入了這些紀念品.

在秋田買入的紀念品.

角館買入超抵紙巾盒.  1500 yen 而已.

銀山溫泉的紀念品

在老父買記憶咭那間電器店 Yamada-denki 找到合部 LX3 的套.  貪其夠貼身.

在庄內倉庫買入的紀念品

在上山城的 かかし茶屋買入這對幸運雙虎, 890yen

送給朋友的

在郡山高柴デコ屋敷買入婆婆剛剛做好的振首虎.

除了振首虎, 還選購了一些小擺設.  好似不倒翁的公仔是幸運之神, 不同顏色代表不同運情.  藍色是學業, 所以肥仔阿媽買給她三個孫兒.

在機場最後衝刺買入.

2010 帶耆英們到日本東北追櫻 ~ Day 11 @ 郡山高柴 デコ 屋敷

27 Apr 2010, 雨天

這間酒店的早餐比東橫 inn 選擇多好多.  值得推介.  吃過早餐準備去完廁所到附近一帶逛逛.....點之發生了廁所事件....

話說兩位阿媽級去咗酒店 lobby 一男一女廁所, 突然之間櫃檯的警報響起.  職員走出來看看廁所發生咩事.  肥仔阿媽從女廁出嚟好似若無其事.  我阿媽O係男廁出嚟之後我問佢係唔係襟過個制, 佢話冇呀!  咁就出事O刺......我老豆即刻一句"黑狗偷食、白狗當災"......出事......所以, 我叮囑肥仔唔好比佢阿媽接近我老豆....因為老父實會為這些小事攪事.

跟住我入去女廁, 入面有個呼叫制.  肥仔去完男廁, 我問佢有冇呼叫制, 佢話冇.....咁即係肥仔阿媽慒盛盛所為.....

2010 帶耆英們到日本東北追櫻 ~ Day 10 @ 山形 > 上山 > 郡山

26 Apr 2010, 天晴

是日首站是霞城公園

這裡的櫻花開得超級燦爛.  在這條櫻道上已某殺了不少 memory card 儲存量.  幸好昨天給老父找到了賣 CF card 的店. 他忍痛買下了一張咭來替換壞的咭.

2010 帶耆英們到日本東北追櫻 ~ Day 9 @ 藏王雪山 > 銀山溫泉

25 Apr 2010, 天晴

這天天氣好得很.  出門前, 叮囑各人帶上羽絨服.  因為今天將加入原不在行程內的藏王雪山.

扺達山腳後, 碰到前來滑雪的日本人.  肥仔諗住問吓佢我哋係唔係可以在這裡乘坐纜車.  誰知, 打開閘子後他就沒有停下來了.  日本人實在有點奇怪.......有些人一聽見講英文就雞咁腳走.  有些人明明唔識講, 又知道你唔明都好佢都會用日文講過不停......經過一輪"哦"、"唔"後.....終於找到機會脫身了.

不過, 還是在纜車站內重遇.  他熱情地向我們講解掛在牆上的照片內的樹冰由來.  他加插了少少英文, 再加上身體語言.  還好, 都大概明白他在說什麼.

2010 帶耆英們到日本東北追櫻 ~ Day 8 @ 秋田、 南極公園、 酒田、 庄內

24 Apr 2010, 天晴

離開秋田市前去了秋田市民市場.

這個市場就好似我哋街市咁.  但係人家乾淨得多.  地下沒有積水.  貨品都排得整整齊齊.

2010 帶耆英們到日本東北追櫻 ~ Day 7 @ 秋田 > 角館 > 田沢湖

23 Apr 2010, 雨天

是日安排大家去角館檜木內川堤賞櫻.  另一個選這地點的原因是這裡又被稱為"小京都".  既是賞櫻又是賞楓的好地方.

天氣比之前幾天更寒冷.  要改穿羽絨服及戴上冷帽.  還要下著雨.  真掃興!

到步後找到了在石黑家旁的臨時停車場.  所以順理成章先到武家屋敷 "石黑家"

石黑家是現存 6 間武士住宅中最高規格的府邸.  這屋反映了 200 年前武士家生活.  佐竹北家當時是擔任與財政相關的職務.

水晶甲 ~ 淡紫 + STAMPING + 閃片

幾忙都要換甲.  因為之前一套已經斷到不似人形.

今次印花時有 D 倒瀉羅蟹.  因為支白色甲油開始"杰".  上極都只係正中心個花.  幼線全部上唔到.  最後用顏料, 手震震咁補返 D 斷線.  所以......醜樣

2010 帶耆英們到日本東北追櫻 ~ Day 6 @ 松島 > 秋田

22 Apr 2010, 天陰有雨

 by LX3

雖然酒店早餐照吃, 但來到松島, 點可以不親身到市場試一試即買即食的新鮮海產呢?!  於是, 在我們往秋田之前, 帶各人去了松島最大的海鮮市場 ~  松島さかdな市場.

2010 帶耆英們到日本東北追櫻 ~ Day 5 @ 松島

21 apr 2010, 天晴

這天在松島活動.  由於景點都很靠近酒店, 所以車都可以不用.

原本我沒打算到松島一遊, 因為覺得只是遊船河, 所以諗住悶遊.  不去也罷.  但來日本前, 大魔王曾叮囑我們一定要去松島.  所以, 再次從新加入行程內.

今早九時出發......

先徒步到五大堂

要前往五大堂, 必須走過兩條象徵清淨心靈的紅樺木橋.  木穚是中空設計.  所以對我這種要腳踏實地的人, 就好鬼驚.  合埋雙眼, 拿拿冧走過對岸.

賀壽

昨夜為大魔的二少慶祝 六十 大壽.

為隆重其事, 佢父母為佢準備咗貓罐頭及蛋糕慶祝.

2010 帶耆英們到日本東北追櫻 ~ Day 4 @ 血拼仙台人氣 outlet

20 Apr 2010, 天晴

今天安排了各團友到仙台兩大人氣 outlet 來瘋狂 shopping.

離開酒店時發生了小插曲. 話說租車時, 師父已經將後坐其中一邊坐位收起方便我們放行李. 但昨日我們將該坐位放下來放便放衣物, 誰知這個早上 check out 後想將坐位再次收起竟然無人攪得掂. 連停車場職員幫忙都唔掂. 在車上我找到了說明書, 給停車場職員讀也搞唔掂.....眾人雞手鴨腳之時又被我這個盲毛看著坐位背上的指示搞掂咗....哈哈.....

第一站 ~ 三井 outlet Park 仙台港

 by LX3

由於不是 weekend, 所以整個 outlet 都冷冷清清.

2010 帶耆英們到日本東北追櫻 ~ Day 3 @ 仙台

19 Apr 2010, 天晴

早上先帶大家觀光.  下午才返回仙台給大家自由購物.

第一個去的景點是仙台藩主伊達政宗之墓 ~ 瑞鳳殿.

由停車場先經過瑞鳳寺.

寺旁有一間幼稚園.  日本仔連架校車都花心思.  幾可愛!!  坐著佢都開心 d.

瑞鳳殿 1931 年被日本政府例為國寶之一.  但這殿在二次世界大戰期間遭到空襲而被燒毀.  現時的瑞鳳殿是在 1979 年重建.

好精緻龍頭出水口.

豪華絢麗的桃山式建築.

整個範圍由瑞鳳殿、感仙殿、善應殿、妙雲界廟、御子樣御廟及資料館組成.  參觀須時約 40 - 60 分鐘.

在資料館門外有棵櫻花樹也正在開花.

接著到青葉城址.  城址範圍有一座護國神社.  在這所神社買了一個護身符給家人.

小狗也喝神社前的水.

畫得好靚的祈福牌.

伊達政宗公騎馬像屹立在展望台範圍.

從這裡可以一眺仙台市內全景.

返到仙台市後, 肥仔見累, 所以泊車後先躲在車上睡一覺.

我則之前受朋友所托在日本代買 GF1.  因為價錢比香港平 2000 港元左右.  所以第一件事先去一站式電器百貨 ~ Labi, 因為這天是唯一一天在大城市內的購物日.

走了第一轉時, 行遍整間百貨店都找不到.  所以, 帶著耆英們到車站附近的商場逛.  老父則選擇到書店看書.

和肥仔取得聯絡後, 我們到停車場旁的烏冬店來吃個輕膳.

肥仔未有跟我們聯絡上時, 走到附近的市場買了兩盒士多啤梨.  300 yen 一盒, 都算幾平.  好香, 甜味一般.

飯後驅車到東北最長購物大街 ~ 一番町商店街及中央通.  但連我咁鐘意 shopping 都覺得冇咩好買.

大家逛累了, 在 starbucks 歇歇.

之後繼續逛中央通, 閒逛之際, 離遠見到 Labi 個牌, 諗住有另外一間.  所以諗住去多次幫朋友找 GF1.  但走到去原來係同一間.  不過, 肥仔覺得既然嚟到, 不如問吓人啦.....但係你知同日本人溝通真係雞同鴨講.  但係, 我最後都硬著頭皮用我"有限公司"的日文去問.  哈!  售貨員明我問咩喎.....哈哈......三樓......不過, 我明明行過見唔到o架.  Anyway, 原來係o係轉角.

找到後, 賣相機的職員英文又唔叻.  最後他找來一個英文較好的同事過來幫忙.  問好價錢, sms 了朋友.

定焦套裝 71800 yen - 5% tax refund = 68210 yen.  之後肥仔問唔要積分, 可唔可以再平 d.  職員再給我一個優惠價 64800 yen - 5% = 5150 hkd.  個價錢真的很吸引.  實在太興奮了.  朋友正打算買入時問我什麼顏色好及有沒有英文菜單時, 我馬上拎部 demo 機襟襟襟....找不到英文菜單.  以為我眼花.  最後請職員確認一次.  確實除了日文就沒有其他語言支援......通知朋友後她決定放棄, 因為她不會看日文.  雖然大家都很失望, 但總好過買鬼咗先發現.

是夜安排了大家品嚐仙台名物炭燒牛舌 ~ 旨味太助.

選這間店是因為這間其貌不揚的小店據說是燒牛舌的起源.  我們點了套餐.

這天的行程到此為止