StaUB 22cm rOunD ～ 九肚魚餅

今晚試用 staub 去煎。  好成功！  不過同阿姨做的相比，就始終未及她做的脆口。  另外，煎蠔餅或九肚魚餅都真係用好多油㗎。

因為成日擔心痴底，所以時不時都去攪吓佢。  但係慢慢知道真係要比耐性，唔好攪。 煎好就會自動唔痴底。

食譜和做法

StaUB 14cm round ~ 蒸蕃薯

又試了用這個煲仔蒸蕃薯。

做法 ： 在煲仔加入水 （建議最少0.5 cm)，因為我只加了剛蓋過煲底表面。 最後有點痴底。 先以中火蒸 1 分鐘。 再以勁細火 45 分鐘即成。  時間視乎蕃薯大小調整。 以我這個例子，我覺得可以減短至 30-35 分鐘。

成功！ 但痴底因為唔夠水。

依家就算痴底都不太擔心，因為好易清洗。  只要倒入熱水浸一段時間，再用百潔布輕輕擦掉污漬即可。  又靚仔返了！

StaUB 14cm round ~ 逼到爆清湯蘿蔔牛仔腩煲

好想再炆牛腩，但係昨日得我和肥仔阿媽兩個人， 份量不可能用智能煲， 加上佢阿媽成日都講"煮咁多呀？ 咁多餸呀？".....所以只買咗少量牛仔腩。  決定改用 staub 14cm bb 煲去炆。

其實炆牛腩都好夠空間。 只係加咗一條稍肥，又長有 15 cm 的蘿蔔後就有點開始爆滿。

最後見佢阿媽買咗早兩日買咗一大兜豬（雞）紅，唔煮埋佢又可能問我睇唔䏲到。 所以試味時偷食兩舊蘿蔔後加入數粒豬紅。

漫無目標曼谷遊 ～ Day 3

Day 3 ~ 15 Nov 2013

是日等肥仔做完 presentation 後就搬到香格里拉酒店。  所以早餐後就回去收捨行李乖乖地等。

搬過後他抽時間跟我午餐才會合同事去見客。

由於昨晚跟男同事一起逛又下大雨，實在不爽。 是晚我決定自己逛而不隨肥仔參加他部門的飯聚。 雖然我曾經是這公司的人， 但怎樣也是過去， 不應該老是跟肥仔一起出席他部門自家的聚會。  除非應聚會本身可以㩗眷出席。 否則不想做壞規矩。

下午獨個兒走到附近的 Wat Yannawa "龍船寺"。

漫無目標曼谷遊 ～ Day 1 & 2

Day 1 ~ 13 Nov 2013

是次旅程是因肥仔出差去為其他 team 演講而隨行。

由於肥仔要工作，我一個人當然 hea 住遊。

第一天到步已經差不多下午 2 時。  Check in 後跟肥仔在酒店其中一間 coffee shop 吃過午飯，他就出外見客去。  我就隨意走走後回房間上網去。

晚上肥仔要出席演講團隊所安排的酒會。 而他泰國部門的同事就載我和另一位香港同事去晚飯。

這位泰國同事可以話係食家之一，好識食。 是次載我們去到一家靠在河邊的飯店。 若不是識途老馬，開車去一定找不到。 因為大街上完全看不到招牌。 車轉入一條佈滿住家的小路。  一路向河邊方向駛進才看到這家極度隱蔽的餐廳。

餐廳環境非常舒服。  而且越夜越多人。  有機會要再去。

飯後回到酒店肥仔已回到房間了。

小手信 fm 大魔

兩樣都係我心頭好～

左邊 ： 甘薯

StaUB ~ 柚子蜜炆黃花魚

真係好鬼鐘意柚子蜜啲味道。  擒日整咗個柚子蜜瑞士卷，忽發其想用柚子蜜炆黃花魚。 其實做法同用豆醬一樣。 酸酸尾尾又幾好食喎。

是次用 23cm oval，將魚分開兩段。

材料 ：
黃花魚一條
葱條

StAuB ~ 鹹蛋蒸肉餅 ＋西蘭花炒鮮魷

14 cm bb 煲真係幾好用。 上次試過蒸肉餅，不過覺得唔夠 juicy。 昨晚再度挑戰。 好成功！ 肉汁多到.....嘩嘩聲！

材料 ：
肉碎
咸蛋

醃肉調味料 ：
豉油
糖
鹽
紹酒
生粉
胡椒粉 （隨意）

做法
1）將肉碎用廚紙印水後加入調味料醃最少 1 小時。
2）咸蛋白、黃分開備用。
3）放入 stuab 前將肉“餵”水， 再將咸蛋白拌入， 然後慢慢倒入 14cm round 後造型 （學阿蘇整山型）。  完成後將咸黃放在山頂上。
3）加蓋後用中火 5 分鐘。 再用勁細火 15 分鐘或至豬肉熟透。

這道菜又超簡單。

材料 ：
西蘭花
鮮魷
蒜蓉

做法 ：
1) 將西蘭花切成小朵後洗淨，燒一鍋水下鹽將西蘭花焯燙後過冷河後瀝乾備用。
2) 鮮魷𠝹花切片，燒一鍋水焯 30 秒後過冷河備用。
3) 蜂巢下油開中細火後才下蒜蓉待慢慢爆香後才下西蘭花炒勻，下糖、鹽調味。 再將鮮魷加入炒勻。 將焯過鮮魷的水取少許加生粉用作埋獻。

為小鬼補祝 3 歲生日 \^0^/

因為小鬼生日碰巧肥仔要到泰國為第二條 team 演講，接著又要留下來出席契媽為業界安排在泰國傳統節日 "放水燈" 的船河派對。  所以無法為他慶生。

剛過去的星期日細魔和我倆的時間都能配合，所以帶了小禮物，買了一個蛋糕到小鬼家為他補祝。

StaUB ~ 普寧豆醬炆黃立䱽

材料 ：
黃立䱽一條
薑絲
葱條

調味 ：
普寧豆醬 2 ﹣ 3 匙 ＋水
糖

做法
1）魚洗淨抺乾水，下油鍋前才將魚身撲上生粉備用。
2）燒熱 Staub 蜂巢下油，出煙後下魚轉中火煎至魚皮離鍋才反身煎另一面。
3）煎好後轉勁細火，加入已和糖拌勻的普寧豆醬水將兩邊魚身略煮。  加蓋炆 3 - 4 分鐘或至魚熟開蓋灑薑絲、蔥、芫茜稍焗即成。

跟外甥「三腳貓 ～ 麗麗」 首次見面 \^o^/

星期五那天首次跟大魔家裡的新成員接觸。

由於她曾經有過相當慘痛的經歷， 對人類起了戒心。  所以當看到我這個陌生人進屋時都顯得緊張起來瑟縮到餐枱後。  大魔引導我伏在地上跟她保持一定距離才向她 say hi。

我倆耐心地伏在地上跟她說話了好一陣子就遠離她讓她放鬆一下。

這時候當然去跟其他外甥 say Hi 啦!  貓中老三 ～瞳瞳。

老四 ～小武。

十分鐘後發現她躲到大魔王用來遮蓋單車的軟布下， 我拿著貓玩具慢慢爬近，輕輕地將軟布掀起少許。 然後嘗試用貓玩具逗她玩。

她依然不敢妄動。 只用眼睛追著看。  於是我又放下先行看看大魔她倆旅行的照片。

其間大魔王給他們小吃。 但麗麗沒有現身。

過了一會發現她伏在書枱椅上，我開始嘗試用手指去撫摸她的手仔。 最初有點抗拒。 但也沒有跑開。 只是感覺到她的身體開始有點崩緊，但不久又感覺到她放鬆了。  於是再讓她休息。

再過了半小時，因為快要跟大魔王他們去接剛做完身體檢查的老大和老二，所以再一次跟走到餐椅上的她來一次接觸。

這次感到真正得到她的信任。  任由我觸摸。  慢慢地連頸仔都伸長了。

大魔表示我是次跟她的接觸很成功。 希望麗麗可以快點忘記過去，重新生活。

接下來到 spca 接老大和老二。  老二被脫掉牙齒而鬧情緒拒絕入籠回家。

終於出發回家去了！

在車上打開了頂閘後，老二好似雞一樣探頭到籠外。

Panasonic 麵包機 ～ 柚子蜜麵包

大魔跟我分享了朋友給她的柚子蜜麵包食譜。  覺得幾特別，所以一試。

出機後急不及待被我用手撕下吃掉。  真係好好味呀！ 熱食超正！

StaUB ~ 洋蔥湯

那天晚上做了個 rosemary chicken， 當然想配返個西湯先似樣。  但係屋企又好似冇咩西湯配料。 唯獨洋蔥。  所以上 youtube 睇完一輪後膽粗粗學人煮。

雖然今次張相唔係影得咁好。 但係味道絕對不受影響。 哈哈～

烹調工具 ： staub 22cm round
上枱轉用 stuab 14 cm round 或 stoneware

參考食譜 ～Best French Onion Soup Recipe

材料 ：
洋蔥 1.5 個 （預計每人半個洋蔥份量）
牛油
橄欖油
紅酒
牛高湯 （我用雞湯代替）
水
麵粉

做法 ：
1) 洋蔥切條備用。

2) 凍 staub 下牛油和橄欖油才開細火加熱至牛油溶化後下洋蔥。  耐性地將洋蔥炒至變金黃色。 鍋底開始"痴"有洋蔥釋放的糖份。 （不過我覺得我炒得未夠）。  灑少許黑椒和鹽。
3) 下一湯匙麵粉拌炒。 麵粉可以平衡洋蔥的辣。
4) 下少許高湯繼續拌炒。  然後將餘下的高湯和水倒入。
5) 再加入 1/3 杯的紅酒拌勻後開中火煮滾至湯表面浮泡後轉細火加蓋煮半小時。
6)  煮好後轉到 14 cm round，然後將芝士碎灑在湯面放入己預熱焗爐焗至芝士溶掉即成。

StaUB ~ RosEMaRy ChiCkEN

第一次整全雞。 參考 youtube 這個 video ~ Dutch oVen Camp Cooking : Rosemary Chicken。

Staub 真係好鎖水。 我只用了醃雞剩低啲汁 ＋加 3 - 4 湯匙水， 蒸咗 30 分鐘左右就已經熟透，重要煮出咁多汁。

好 juicy。

一隻芝麻雞加埋其他食材，要用 27cm oval。

材料 ：
冰鮮芝麻雞一隻
洋蔥
乾蔥
蒜頭

番薯 >> 多手加入， 隨意
新鮮 Rosemary

調味料 ：

紹酒、鹽麴、檸檬汁、黑椒

1) 將雞洗淨用廚紙吸乾水後抺上紹酒、鹽麴、檸檬汁、黑椒醃最少 1 小時或過夜。
2) 將洋蔥切塊。
3) 取部份乾蔥切片。
4) 蒜頭去皮後原粒用。
5) 番薯切件。

6) 凍鍋下牛油以細火煮溶。  加入洋蔥繼續以細火耐性炒至金黃色。 加入乾蔥、蒜頭略炒。  加少許糖、鹽調味。

7) 再將雞放上後倒入醃雞汁再加三湯匙水， 再將rosemary分別放在每邊雞翼至背。  加蓋後以中火煮三分鐘， 然後以細火煮三十分鐘或至雞煮熟。

雖然只落 3 湯匙水＋醃雞汁， 但煮起後成品好多汁。  雞好滑不過嫌唔夠味， 因為第一次用鹽麴唔敢落太多。  下次可以重手少少或者醃過夜。

法式中 LeSSon 4 ~ SeWinG TecHniquE

織織復織織.....做咗織女添～

花材
1）Cat's tail 水竹草
2）Hydrangea 繡球
3）Rose 玫瑰
4）Barbatus 石竹梅
5）米籽蘭

做法
1) 將水竹草剪至每邊比花盆長出 1 寸的長度。  然後先在其中一邊 （邊 1) 那兩條鐵線插入。  再取第二支相同方法在對面 （邊 3) 插入。  第三支在邊 2 插入。 第四支在邊 4 插入。  然後重覆直至高度及花盆的一半為止。
2) 將水竹草的頭／尾端斜入裁剪。
3) 花泥面加入米籽蘭。
4) 加入玫瑰
5) 加入繡球
6) 加入石竹梅
7) 將麻繩撕成絲"攝"在花叢間
8) 四角鐵線用圖片右下角的小粒插上。

StaUB ~ 八味排骨

這道是我阿媽（可以講話唯一）最耍家的菜式。  兒時我們都很愛吃。

我最初用 23cm oval 煮， 但炆起後覺得煲有點大，所以我就轉到 14cm round。

食譜來源 ： 阿媽剪下多年的報紙

材料 ：
腩排 3-4吋一段 約 700g
薑片 數片
乾葱 （切片） 隨意

現今父母不易當 （>.<）

昨天受小鬼父母委託遞交幼兒班入學申請表。 

我比指定時間早了一點點到逹，但已看到一條看不到龍尾的人龍。  沿著外圍一路走，要走到入中學部的籃球場才找到龍尾位置。

肥仔 nEw ToY ~ IpHonE5S

自從轉用智能電話後，我由 iphone 4 轉 4S 後肥仔一直都用著我部舊電話。  加上公司給他一部 blackberry 來處理公司電郵，帶著部 4 仔只為了個人使用，而他用來用去都是為了 whatsapp/tango/personal eamil/gps 等等。  加上用了 iphone 這麼久都沒有遇到難解決的問題。  而且他是那種不追求花巧的人，所以對他來說 4 仔很夠用而一直用著。  他想等待我換新機時才接收我的 4S。

可惜等到出了 5 後，我又覺得未有急切需要換機。  到出了 5S，我又覺得既冇新意的話就暫時不想換機。  哈哈...

而近年公司將 iphone 納入可被使用的名單中， 所以他將 4 仔取代那部超廢的黑莓。  用得頻繁了，4 仔的開關鍵開始出問題。 而且要處理公司大量電郵及用作私人業務，4 仔速度略嫌不夠。  畢竟用了 3 年了。

既然肥仔是那種一部可以用多年的人，而且現在變成搵食工具之一，就這些原因於是直接訂了台 5S 給他了。

不過幫他將舊的資料轉到新機時的確發生了問題。  我為他的新電話用 mac 機上的 itune 升級軟體時 crash 了，無論怎樣做也無法回復。 嘩！ 讓我瘋掉了！ 馬上致電蘋果求救。 幸好找到客服救命。  雖然其間已過了下班時間， 但哥哥仔說不要緊，我的問題應該不難解決，待我解決問題才走。 直至我告訴他電話正在匯入舊 app，應該沒有太大問題了，我著他先行下班他才掛線。  很負責任啊！

肥仔終於可以用新機了！

唉～ 又一新作

繼上次將鍚紙放入微波爐叮後，我個肥仔阿媽又一新作。  真係比佢一得閒兼我哋出門就大鑊。 今次返到嚟懶醒同肥仔講話所有電池已經充滿。 夠膽死連唔可以充電嘅佢都拎去充。 真係冇發生火災算執返身彩。

唉～真係要神秘祐先得....

泰國遊必買 PrepAid SiM by DtaC

我這個網精又點可以跟網絡世界失去聯絡， 所以頭先一落機就跑去網友推介的 DTAC 電訊公司買了這張 299 baht （約港幣 72元）的 happy prepaid sim。  咭內包含 100 baht 通話費及開通 7 日內無限上網。 真係超抵用。

過了曼谷機場海關後往 7 號出口走就找到 DTAC 了。   最好係一條龍服務。 這樣就避免了客人在搞開通時遇上困難又跑回來問長問短。 最重要係好多人都擔心插另一張咭會唔會影响收 whatsapp 等等。 所以職員會要求客人當面交出電話， 他們會連隨替客人手機換咭及開通新咭。

以後到泰國就不用再為數據而煩惱了。

敗咗 ～ ChaNeL BaG & EarrinGs

拎個潻皮 tote bag 去整， 等開單又點會唔順便打個白鴿轉。  一眼已經看上這個麵包款。  最重要係我一直想找的顏色。

這個比 classic 實用少少。 因為內袋空間比 classic 較濶落。

同時購入這對耳環。

反沙芋頭

肥仔阿媽買完 expect 我整， 但係我見冇可配搭的食材，加上我同肥仔基本上都會買咗成個星期餸， 所以就由得佢。  最麻煩係佢阿媽一出街又話見新鮮買咗嘜、買咗物。  要我先用那些食材。  唉！ 但係我哋又鬼咁細食， 所以堆吓堆吓就好多。 有時諗住煮多樣清走啲，佢又話 "咁多呀？"。   真係神又佢、鬼又佢。

芋頭一直冇煮係因為佢個腸胃唔舒服咗成個星期。 肥仔出完差又話個胃唔舒服，所以我就由得佢放响雪櫃。

法式中 LeSSon 3 ~ Sculpture DeSign

今次課題係雕塑， 過程中，我覺得似扎髻多點。

花材
1）Aspidistra 獨腳青
2）Dracaena 芭西鐵葉
3）Ranunculus 洋牡丹
4）Steel grass 鐵線草

淘 ～ 汽車黑盒 "附夜間拍攝短片"

細魔有車友用後給其他車友推介， 所以細魔組織代為淘回港， 同時也給我淘一部。 約 400 人仔。

最初看照片擔心有點大，但原來真身非常纖巧。