要預約

開戶口要預約, 睇醫生要預約......

肥仔啱啱走入銀行諗住開返個戶口, 點知銀行話要預約......

原來開戶口新客戶免費, 如果唔係就要比 CHF20.  另外仲要比年費.....

依家先知香港服務真係好!

求求其其市內觀光

28 Nov 2010

雪是停了, 但係周圍都在溶雪中, 濕 DE DE。

我倆今日決定去返昨天沒有去的聯合國總部。  今次搵到一條最簡易的路程, 原來在 Coop 對面個站 ~ Louis-Aubert 乘 8 號巴士即可直達。  落車後先看到這一列石碑。

下了第一場大雪

27 Nov 2010

起床看窗外還沒有下雪.  點知洗完個頭出嚟, 花園已鋪上一層簿雪.

從睡房窗外望

開始落雪

今早下了少量的雪.  不過, 好快就停咗.

氣溫約只有 1 度.......開始進入嚴寒了.

買酒比人查身份証

昨日去超市買餸, 順便買樽白酒煮餸用, 比錢O個陣個收銀"渣"住樽酒同我講一輪法文.....我望住佢, 心諗.....唔通又係買一送一叫我拎多支?  (因為之前試過買盒裝 cream 係咁.....最後佢叫個同事拎多包嚟我先知)....

我同佢講 "sorry, i don't understand".  於是佢另轉同隔離個收銀又講一大輪, 最後那個收銀員話 "I.D.!".....哦!  原來要查我身份証睇吓夠唔夠秤.....真係邊諗到佢係要睇我身份証丫!  幾廿歲人.....都未試過買酒要比人查証!

出 sim card

嚟到第一個星期六, 肥仔拿拿冧帶我去出電話。  因為星期日係幾乎百分之九十O既商店都唔開.....包括超市。

選用了 Swisscom, 因為公司用這個網絡。   肥仔方便我打同一個網絡時可以慳少少。

問過職員, 抵用o既無限 plan 要簽約。  最少一年。  所以經佢分析後, 我只可以用 prepaid card。

而 prepaid card o既 plan 都好多......不過對我嚟講唔抵用。

plan a  ~ CHF 55/mth (約 428 港元)
數據 : 1G data, additional CHF0.1/100 kb, max CHF5/day;
通話 (網內) : CHF0.5/call, max 60 mins per call, 其後每小時 CHF0.5
通話 (網外) : CHF0.5/mins
SMS : CHF0.2/each


plan b ~ CHF 35/mth (約 273 港元)
數據 : 250mb, additional CHF0.1/100kb, max CHF5/day
通話 (網內) : CHF0.5/call, max 60 mins per call, 其後每小時 CHF0.5
通話 (網外) : CHF0.5/mins
SMS : CHF0.2/each


plan c ~ CHF 25/mth (約 195 港元)
數據 : 100mb, aditional CHF 0.1/100kb, max CHF5/day
通話 (網內) : CHF0.7/call, max 60 mins per call, 其後每小時 CHF0.7
通話 (網外) : CHF0.6/mins
SMS : CHF0.2/each


plan d ~ CHF 0/mth
數據 : CHF1/mb
通話 (網內) : CHF0.8/call, max 60 mins per call, 其後每小時 CHF0.8
通話 (網外) : CHF0.7/mins
SMS : CHF0.2/each


無限數據計劃

plan a ~ CHF169/mth (約 1316 港元)
數據 + 通話 + SMS: 無限


plan b ~ CHF0/mth
無限數據 : CHF4/day
無限通話 : CHF3/day
無限SMS : CHF1/day

最後我選了 plan d......考慮到電話不多, apartment 有 wifi 之餘又不會經常出外。  再加上香港個號碼依然要自己比, 如果呢邊再比幾百, 咁我咪每個月要比成千蚊!  所以算吧!

這個網殼價錢是 CHF, 但我在香港買都是這個價錢.....不過是港幣而已。

Dock 買原裝都係港紙二百幾, 呢個價折算港紙都要 389!  幾貴!

睇完以上O既 plan or 物價, 我真係覺得生活在香港實在是很幸福的!

D.I.Y. IpHoNe CaR Kit ^.^

肥仔用紙皮自制咗個 stand for 個 iphone 導航時用, 咁都比佢諗到

衣服 for 阿 Be

來到這邊每縫星期四就是我的指定購物日。  因為 cleaning lady 會嚟打掃, 費事坐喺度阻住人辦事, 所以我每個星期四都會出外走走。

之前在井內的 C & A 看到很多 BB 套裝, 覺得蠻抵買的。  只是不知細魔及愛妻號的心頭好。  幸好 C & A 原來有網頁, 所以讓他倆在網上先挑選, 我再到 shop 買。

上星期買了這些回來。  可惜的是他們選的在店只找到一套。

這套就是愛妻號喜歡的。  有條呔仔, 夠 smart look 喎 ^.^  我買咗啱 12 個月大著的。

由這款式開始都係我自作主張選購的。  這套減價後才 30 元瑞士法朗。  都係啱 12 個月大穿, 所以買入。

這套 CHF35 左右。  我買了兩歲合穿的......因為怕他們收朋友送的禮物中有太多 12 個月的。

這套其實是散賣的, 只係我將兩件襯成一套。  6 個月合穿。  相信我到時都返到香港了。  牛仔褲 CHF 18 元左右。  衫仔 CHF 13 元左右。

仲有 CHF 9.9 有五對襪仔。

2 days TrIP to Luzern & ZuRicH ~ day 2

21 Nov 2010

酒店都幾特別。  除o左每間房都會有獨特o既璧畫外, 連一個好似天井o既中空地方都畫到好似有其他單位咁。

酒店包早餐。  歐洲式早餐當然無亞洲咁豐富啦!  有 cold cut & yogut 都好好o架o刺。

2 days TrIP to Luzern & ZuRicH ~ day 1

20 Nov 2010


由 geneva 開了兩個半小時的車前往 Luzern。  記得以前跟家人參加旅行團, 瑞士就只有停 Luzern。

這條橋 ~ KPELLBRUECKE可以話係這裡的地標。

據資料這條木橋是建於14世紀 的木制廊橋。 廊頂上約有 110 幅彩繪畫。  彩繪畫曾被大火燒毀後再被修復。

橋中間的八角形水塔是以前的哨站。

2 days TrIP Day 2 ~ JungFRAUjoch & Bern

14 Nov 2010

今早乘坐八點的班次上 top of Europe ~ Jungfraujoch。 同車有不少同胞。

座位要同人面對面。  對面有人坐O個陣對腳冇得伸都幾辛苦。

2 days TrIP Day 1 ~ InterLaken

13 Nov 2010

由 Geneva 去 Interlaken 約兩個多小時。  是日打算去少女峰。  到步後, 先去找 Tourist Information Center 做資料搜集。  可惜碰上裝修。

於是先去醫肚, 順便研究吓旅遊書上的資料。  路經此地, 選了這間酒店的餐廳, 肥仔順便問問酒店職員前往少女峰的資料。  浪費了一餐的 quota......唔好味!

不過職員很友善解答我們問題。  原來住返少女峰要用上五個小時, 所以今日去是絕對不可能了!  這樣即表示我們必須住一晚, 第二天再前往。

於是肥仔要求職員給我們看看房間質素。

Gel 甲 @ GenEvA ~ 秋紫

對上套甲係去上海前將舊翻新, 嚟到呢到其實已經忍無可忍。  但係搵咗好耐都搵唔到火酒, 淨係有洗手液。  加上文盲 (唔識法文 、德文)。

後來我真係拎咗我喺香港帶嚟O既洗手液試, 又得喎!  於是就用洗手液嚟做。

自資補給品 ~ >.<

Apartment 塊"針"板嚟個陣得番半塊, 仲要四分五裂。  四日後斷埋。

肥仔話買返比佢......所以, 星期六去  Annecy 嗰陣經過 ikea, "拿拿林"入去買, 仲買埋筲箕、湯碗、企身鏡。  不過唔記得買防滑墊, 個浴缸滑到死。

其實 service apartment 實在應該提供埋企身鏡、風筒。  這個 service apartment 仲要吋到話住超過兩個月者, 被單要自己洗......真係唔係幾明咩叫 service apartment!?

申領行街紙

今朝一早肥仔帶我去入境處報到兼申請行街紙。

喺瑞士唔係食芝士火鍋, 而係港式打邊爐 v (^.^) v

星期六去完 Annecy, 晚餐返屋企打邊爐。

星期五那天我已經在超市搜羅了一少堆像樣的食品。  牛肉、 牛肚絲、黃芽白、唐生菜、鮮菇類、芽菜、豬腰等。

買了一大舊看似肥牛的牛肉, 由肥仔操刀。  豬腰也是由肥仔洗切。

湯底由日本買回來的昆布造。  而椒絲則由香港帶來的。

在這裡可以打邊爐, 多得大魔以前換了一個小型電磁爐給我。  在香港返而用不著, 但一諗住要在這裡過冬, 我同肥仔都好想耐不耐打吓邊爐, 好正呀!  真係多謝晒!

過去一星期煮過咩???

除咗幅相裡面的炒飯, 肉骨茶 (湯飯), 洋蔥蕃茄薯仔湯 (湯飯), 西蘭花炒牛肉等, 仲有蕃茄炒鹿肉 (仲係幫聖誕老人拉車O個種鹿)、 荷蘭豆炒牛肉、 煲過猴頭菇湯、白酒煮青口長條通。

其實我唔知買咗鹿肉, 第一日去超市, 唔識睇法文, 以為牛肉, 但係肥仔食落話好似 "so so" 地, 以為羊肉, 點知再去超市O個陣見到同櫃有些貼住"鹿"標貼, 所以我諗係鹿肉.  原來這裡還有兔肉賣。

得呢四件!!

Apartment 個廚房內只提供了兩個煲 & 兩隻平底鑊。  死唔死!  仲要 D 煲係冇蓋, 好在肥仔回港時跟我提及, 所以在日本旅遊時在 toyoku hands 買了些矽膠蓋來撐住。

過去一個星期, 我就要用盡我個小宇宙來煮飯比我個肥仔食。

OnE daY TrIP to AnnEcY, EviAn @ FRanCE + MoNTreUx @ SwisS

7 Nov 2010

這天天氣差得很!  但肥仔又唔想浪費咗個週未, 加上又攞咗車.  所以照出去.

目的地正下著雨。  從停車場走出來有一座教堂 ~ Eglise Saint Maurice 。

但係實在太大雨, 所以我哋躲咗入個商場內避雨。  但係個商場咩都冇開。  等咗一陣都冇轉弱的蹟像, 所以都係穿著雨褸出去走走。

OnE daY TrIP to LausANNe

6 Nov 2010

這天是星期六, 所以肥仔先行捉我去出電話咭。  車就停在這座特色泊車後不知道是否需要入錶, 幸好有位識英語男仕路過, 肥仔請教過後, 是需要的.  首先去到咪錶前, 輸入自己車牌號碼, 再入錢, 拎票後將票放在車廂內的擋風玻璃前即可。  不過, 緊記預備零錢, 不設找續。

攪掂晒就出發去 Lausanne。  車程約一個小時。

停車場走出來有一個廣場。

第一次出井

剛到步第三日, 是 cleaning lady 嚟的日子, 為免妨礙人工作, 所以趁機出外走走。  選定了去市中心個購物區。    沒有諗過乘搭交通工具, 因為親身走走對環境加深一點認識。

出門後穿過 ParcAlfred Bertrand 公園。  公園內的樹木都換上黃葉了。

沿途見到蠻有特色的大廈。  這座被植物攀滿了外牆。  葉變了紅色, 好搶鏡。

到步

於十一月一日乘坐夜機離港。  在二號的早上到達 Geneve。

乘的士到家。

肥仔沖涼、梳洗及稍事休息後就返工去了。  而我第一項務就係去超市入貨。  路上都遍地黃葉。