StaUB ~ 蠔油洋蔥薯仔炆排骨

見雪櫃材料搭配剛好， 而且薯仔同洋蔥都買咗大段時間。 雖然兩種材料依然狀態大勇， 但為免 walking reminder 又嚟。 所以先整為妙。  今次覺得自己撞手神有超水準表現。 好似出街食一樣。  汁撈飯超正

材料
排骨
薯仔中碼 2 個
洋蔥 1 個

排骨醃料
生抽
糖
紹酒
鹽

洋蔥調味
老抽
糖

調味
蠔油
水

做法
1）薯仔去皮切件。
2）洋蔥切瓣。
3）排骨洗淨用厨紙印乾， 下排骨醃料醃最少 30 分鐘。
4）燒熱 Staub， 將洋蔥下鑊炒軟。 加入老抽、糖炒至洋蔥上色盛起備用。 這樣洋蔥又香又好味。
5）原鑊下油大火燒紅， 下排骨。 讓排骨第一面煎至金黃才炒勻。
6）加入薯仔略炒， 再將洋蔥回鑊。
7）下水蓋過食材一半後加蠔油炒勻， 加蓋大火煮滾後轉中細火炆約 20 分鐘或至薯仔腍。
8）開蓋打獻拌勻即成。

以前以為洋蔥炒過就好味。 原來加些老抽同糖味道出好多㗎！

RaSonIC 智能煲 ～ 香濃花生眉豆瘦肉雞腳湯

在超市見到這款湯包， 很久沒煮雞腳湯了。  好想飲呢！

是次除了將廋肉出水外， 其他材料洗淨就掉晒入智能煲。  不過我會幫雞腳剪趾甲先。

做法
1）廋肉出水。
2）雞腳剪趾甲。
3）湯料洗淨連廋肉、雞腳放入智能煲內鍋， 加入適量水， 用蓋蓋好, 按“湯／粥”功能。
4）完成後待自動放氣完成後開蓋稍攪拌後, 再蓋上， 排氣口處於“儲氣”， 再按“湯／粥”功能。
5）完成後待自動放氣完成後再將排氣口轉動去”放氣“來確保煲內完全減壓後才開蓋。 加鹽調味即成。

其實第一次排氣完如果覺得夠味可以唔煲第二次， 又或者開蓋用加熱去煮濃啲。 我做第二次係因為我有時間， 所以由佢煲多次。

冷氣溫度 27 度， 唔成身汗就奇啦！ (@_@)

肥仔阿媽一向怕熱唔怕凍。 冬天除咗最凍嗰幾日用吓暖爐外， 基本上佢都係著件簿褸就算。 有時出街我怕佢凍都會叫佢帶衫。 不過佢好多時都係拎多過著。

擒晚食飯佢問我哋睇開個中醫好唔好， 於是肥仔問佢咩事要睇。 佢話佢唔尋常出汗。 西醫睇過話唔係甲肰線問題， 所以佢想睇中醫。 不過肥仔好多時會問多佢兩句。 因為知佢阿媽有時係自己問題導致。

肥仔問除了日間， 晚間有沒有這個問題。 佢話瞓瞓吓好大汗。 咁肥仔問有冇開冷氣瞓， 佢話有。 不過半夜會熄轉用風扇。 肥仔問點解你咁怕熱會轉用風扇？  佢九唔搭八話我唔使開冷氣成晚。 咁肥仔問咁冷氣你開幾多度....佢望住我， 肥仔話我問你， 你望佢仲咩？  佢先答 27 度。 撞鬼！  我咁怕凍呢幾晚都開 25 度通宵啦！  佢開 27 度仲要蓋冷氣被！  跟住仲半夜熄機用風扇。 唔成身汗就奇啦！

呢幾日咁鬼熱， 又唔係開窗瞓， 仲要熄冷氣， 佢一向咁怕熱就梗係成身汗啦。 有時真係比佢激死。

肥仔聽完同佢講， 阿媽， 冷氣開 27 度基本上部機都唔制冷啦。 梗係熱啦。 於是叫佢試吓將溫度調低至 25／26 度， 再開通宵睇吓有冇問題。  不過， 我好肯定佢唔會開通宵囉。

Oh! NO!!! 懇請勿試！ 九陽豆漿機植物奶牛系列 DJ13B-D08D ～ 紅豆沙

雖然部機有個綠豆沙功能， 其實唔使試都知唔得。 因為部機始終都會攪拌， 將啲豆打碎晒。 不過好奇心驅使下我又想試試喎。

100G 紅豆浸 3 小時 ＋ 百合 （手執一喳） ＋ 1100ML 水 ＋ 適量冰糖

成品完全將紅豆打碎， 無紅豆味。  好似食糊仔咁。 放完入雪櫃一晚後， 杰到好似糕咁。 加返啲紅豆應該可以做紅豆糕。

所以大家無謂嘥料嘥時間。  將呢個綠豆沙功能忘記佢啦！

豆渣唔好嘥！ 豆渣肉餅炒波菜

今次試用豆渣做肉餅然後用 airfryer 烹調。 不過豆渣含水份， 放在 airfryer 的烤網上烹煮時肉餅的汁液流出而令網面被封。 所以還是建議改用煎 pan 較好。

材料
免治豬肉
豆渣 2 湯匙

調味
豉油
紹酒
糖
麻油
鹽

做法
1）將材料混合加入調味搓勻後用力“撻“。
2）燒紅熱平底鑊下油， 取一大湯匙豆渣豬肉放到手心塑型後落鑊煎至兩面金黃色即可撈起放到廚紙上吸油被用。
3）波菜炒好好放入肉餅回鑊拌勻即成。

Ex Co. OutiNG ~ Day 2 HeA 玩廸士尼

昨晚睡得不大好。 整夜沒有入眠。 用了耳塞， 細魔鼻鼾聲影響不到我。  原因不知道。  半夜聽到小鬼喊叫。 又突然聽到小鬼打很多噴嚏， 接著愛妻號喊小鬼流鼻血。  不過我沒有特意起來， 因為幫不了忙反而會弄醒肥仔。

早上小鬼手多多將床單劃花了。 捱眾人責罵。

外出早餐時， 小鬼跟 housekeeping say hi。 其中一位阿姨話好少見咁靚仔 BB。 好想捉住佢鍚。  當然無法得呈.....因為小鬼已跑到老遠。

早餐依舊跟卡通人物共進。  但小鬼肚仔餓時， 話知你什麼人物。 他只管吃。

小鬼被“拮拮”姑丈戲弄。 著他合上眼。 他多聽話。 不過這照片出來效果就好像“問米”一樣。

Ex Co. OutiNG ~ Day 1 HeA 玩廸士尼 Part 2

晚餐開始了。

媽媽教識小鬼手握小雞槌。  吃得多滋味！

媽媽給他吃甚麼弄出這個表情來？

小鬼自己到外面選包包回來吃。

這些都是小鬼自己吃而掉到地上的食品。

席間爸爸將豉油弄瀉， 我們叫 "喔噢“。 小鬼又鬼馬地叫 “喔噢”。

enjoying 阿 Pooh 布甸。

其間遇上的卡通人物合照。

米奇給了一個 big kiss 給小鬼。

其實小鬼要有向他們回禮。

Goofy 一走小鬼第一時間就是取回正在吃的軟雪糕。

忘記了小鬼在扭甚麼而要 minnie 出手。

幫另一席大合照的同事們拍下。

哈哈！  食到生鬚！  食後又到 team building 時間。

其實嘉賓們最落力參與。

mission 2。

小朋友們同樣落力。

老外同事應為站在櫈上拍出來的 mission 照片較符會要求。

得奬隊伍派出小朋友前來領奬。

同事制造氣氛。

小鬼親親紅鼻哥媽媽。

小鬼跟其他小朋友一樣， 周圍走。 玩個不亦樂乎。

老外三位小朋友玩人肉遷秋。

小鬼又要爸媽跟他玩。

散會後我們先回房。 小鬼換過片片後到故事室聽故仔才歸來。  而我和肥仔則洗白白休息去。

Ex Co. OutiNG ~ Day 1 HeA 玩廸士尼 Part 1

雖然自己已離開了公司， 但只要肥仔一日繼續留守， 我依然可以“掹衫尾”去參加公司 outing。

今年廸士尼又再一次禪聯舉辦地點。  因為公司考慮到越洋旅程會為有家庭的同事帶來不便， 而且一家同行費用高昂。  另一個主因是公司不明文規定全公司同事不可以乘搭同一班航班或船。  所以選地點確實受到不少限制。

去廸士尼好處是大家可以自由安排扺達酒店及入園時間。  公司費用已包括一晚廸士尼酒店房間 （可讓四人同時入住）、兩張 2 天樂園入場卷、兩位翠樂庭餐廳自助晚餐及早餐卷。 而且每房間均包括一免費車位。  一家大細的同事們很多小朋友已經有通行証， 所以各人只要多付用餐費用就可以一齊出動。

房間既然可以容納 4 人， 上次邀請了小魔怪及大魔， 今年考慮到小鬼還未夠 3 歲， 入園及飲食都免費， 而且父母本身已經有 pass。 只是他們要將原本的升級到星期六、日都可以用。  升級後他們用餐還可以減 10%。  所以細魔一家不二之選。

雖然星期六那天是黃雨及酒店只可以三點後 check in， 但無減我們興致， 我們兩家一早就各自駕車到酒店。 想著試試早 check in。 不可以的話也跟小鬼拍拍照走走。  不過當肥仔 check in 時， 呢隻小鬼就在旁邊的電視室做電視精。 小鬼有個壞手勢就是當佢覺得唔鐘意又或者有人擋著他睇電視， 他不會說“NO“， 而是出手狀似拍打人。 這個壞習慣實在要戒掉。

check in 後未能成功取得房間， 只拿到入場卷， 考慮到天氣問題， 所以決定駕車到機場附近的高球場內泰國餐廳用膳， 可惜細魔一問朋友下才知沒預訂的話有空位的話機會較微。 所以最後決定求其駛去東涌東薈城逛逛， 吃點東西。  去到小鬼叫 "VV"。 細魔抱著佢找廁所。 沒想到廁所近在咫尺， 按著指示走到老遠， 細果到步後小鬼說沒有 "VV"。  但從廁所走出來不久就又叫 "VV"。 細魔又急不及待抱著他跑回廁所以， 這次可不是假的。  很多呢！

”VV“ 解決後呢隻小鬼又不停叫 "hungry"。 一見食店就想撲入去。 後來我們去了 foodmall。  愛妻號馬上買食物細小鬼。  因為小鬼一肚餓或一到他的感覺， 你用任何東西都誘惑不了他， 他會直接 say no。 然後話 "hungry" 又或者 ”我要瞓覺“ 等。

愛妻號弄好後小鬼乖乖自已食。 不過有點慢。 最後阿媽食完出手餵。

法式花藝 LeSSon 15

這款看似在歐洲人家在門前或露台擺放正夕盛放的花卉。   好靚。

1）Dog Wood 紅瑞木
2）Hydrangea 繡球花
3）Ivy 長春滕
4）Spray Rose 小玫瑰
5）Rose 玫瑰
6）Chrysantheum "ping Pong" 乒乓菊
7）Eucalyptus 油加利葉
8）Tea Leaves  森樹葉

做法
1）先在其中一邊泥面畫個小圈。
2）將紅瑞木剪至同一長度在畫好的小圈插入。
3）將長春滕一端入泥後在紅瑞木中穿插編織。
4）用森樹葉遮泥。
5）將2朵大玫瑰插入中間位置。
6）加入小玫瑰。
7）加入乒乓菊。
8）加入油加利葉。
9）加入一些大片的長春滕葉。
10）在紅瑞木圍欄內中心點插入繡球花。

睇嚟 MaMiROboT 得到肥仔阿媽認同 \(^o^)/

上次啱啱用肥仔阿媽問我“咁我點知佢邊度吸咗， 邊度抺咗呀？  啲角佢咪吸唔到囉？“  我索性叫佢”你跟住佢咪知佢邊度做咗囉！  佢冇做嗰度你咪跟住佢抺囉！“ 。 跟住又話唔用嗰陣唔好插電， 用先叉電， 我話”咁啫用親都要等佢再叉電先用得？！  咁咩叫隨時可以用呀？“  有陣時真係要咁對佢。

九陽豆漿機植物奶牛系列 DJ13B-D08D ～ 自家即磨黑黃豆漿

那天浸完黃豆發覺濕豆份量落機的話太多， 所以扣起約 50G 干豆（已浸）份量。 今日加 1 跟機杯的黑豆用干豆功能打。  這杯沒有刻意過篩.....因為懶

事前記得要將黑豆烘熱除寒氣。

不過， 後來身痕又走去過篩。 因為發覺這個大篩配家中最少的長柄煲一流。 所以求求其其過咗一次。

唔講唔知咁鬼重 (@_@)

大魔告知輪到小武打針了。  但係呢個衰仔成日玩快閃， 所以真係唔記得佢有幾重。

直至大魔發來針紙才知“佢一日、一日長大”。 已經差不多係兩台 macbook pro 13" 的重量。 真係好鬼重手

九陽豆漿機植物奶牛系列 DJ13B-D08D ～ 自家即磨紅棗豆漿

材料
黃豆 100G
紅棗大碼 4 粒
水1100ml
冰糖 隨意

做法﹕
1）將黃豆洗淨用水浸 4 小時後將浸豆水倒掉。
2）將紅棗洗淨用熱水浸軟去核。
3）將豆、紅棗連冰糖及水倒入 9 仔。
4）蓋好按選擇至 ”濕豆“ 功能後按“啓動”即可。
5）煮起後熄機重新開動選擇”果汁“功能再打才倒出過煲湯魚袋。

之前網友教用 3 個篩過濾。 不過， 自己試用後都係覺得一個篩一個魚袋啱我多啲。

新玩具 ～ Atocare 除蟎吸塵機

呢部小型噴射機咩嚟？  嘻嘻 ～ 除蟎吸塵機。

由於鼻敏感蠻嚴重， 弄致經常用口呼吸。 其中一個原因大概是塵蟎問題。  蟎蟲是肉眼看不見的。  而且洗滌也不能完全解決問題。   晾曬也不能完全殺掉。  加上香港濕度高， 細菌易滋生。 所以突然心血來潮在網上看看除蟎吸塵機的介紹。  最出名又最貴的就是經常到客人家中示範一大輪的 "Rainbow"。 但我自從用過 osim 那台 H2O 蒸氣吸塵機後我發誓不會再買大台的東西。 收納麻煩、又重。 清洗也麻煩。 煩得久而久之不再用下去。  加上肉眼無法定奪效用時， 平平哋買部嚟用就可以。 所以 2 萬元的 rainbow 絕不考慮。

驚死我無得飲 （>_<）

肥仔依家一睇啱就會買啲返嚟。 究竟係驚我無得飲，定係驚比我飲鬼晒呢

南瓜洋蔥濃味長條通

那天用 9 仔煮完南瓜洋蔥濃湯飲唔晒。 所以今日用嚟煮意粉汁。

材料
南瓜洋蔥湯 1 湯勺
忌廉 隨意
番茄意粉醬 2 湯匙

做法
1）燒滾一鍋水下鹽放入長條通按包裝時間煮。
2）當意粉烹調時間餘下 5 分鐘時燒熱鑊下油， 將南瓜洋蔥湯及番茄意粉醬下鑊拌勻。 慢火煮至收水。
3）加入忌廉拌勻。
4）加入隔水長條通拌勻。
5）加少許意粉水作調味， 然後煮至收汁。
6）上碟灑上少許 Parsley 即成。