嘔心瀝血 - 華麗玫瑰

擒日搞咗成日都未完成.  今朝先攪完.....

唔知係唔係太凍關係.  好似好難乾.  同埋因為有D地方做得唔好又或做得太薄....扣鈕時又整崩, 所以要修補.  真係費盡心機......

仲要比我家姐個仔吋....."姨姨, 你整咗一日LU喎....仲未整好呀?".  所以, 我話佢知我雕條龍, 所以要成日.  瞓醒會雕隻鳳

大阪, 和歌山 & 京都之旅 Day 3 - 松屋町, 道頓堀, 南船場 & 天王寺

18 Dec 2007, 晴

為了買 呢個 Hello kitty 人形, 所以特登去o左松屋町條人形街.

先去書上介紹的這間舊屋新商場"練".  前身是間百年老民房, 現經修葺翻新後變成一所綜合商店.  但我倆以為該天是定休日, 所以沒有進去.

大阪, 和歌山 & 京都之旅 Day 2 - 大阪城, 心齋穚 & 梅田空中庭園展望台

17 Dec 2007, 晴

這天睡至零晨五時多, 突然流鼻血.  可能天氣乾燥加上暖氣關係吧!

這天買了一日通行的車票.

先出發到大阪城.  這個地方兒時已經跟家人觀光過.  不過, 肥仔到日本多是出差, 很多觀光地他都未去過.  所以, 再去一次吧!  但係我倆都沒有上天守閣.  第一, 是我去過, 所以可以去可以不去.  第二, 肥仔不是太有興趣歷史, 所以他決定抱著拍張"到此一遊"照片的心態.  拍過照, 走走便到下一個行程.

心齋穚是一個必到的購物熱點.

大阪, 和歌山 & 京都之旅 Day 1 - 出發編

16 Dec 2007, 晴

這次旅程我倆的機票是用里數換取的.  原本換了商務客位的, 但幸運地被 upgrade 到頭等坐位.  真係一個驚喜.

早上10時多起飛, 到大阪約下午2時多.  現今日本開始實施在過海關時要打左右手指模及拍照....同樣地我也因指甲較長電腦未能擷取.  要試了很多次才過關.

今次跟上次一樣都預先在網上 softbank 預定了電話咭.  所以, 先到 softbank 攪租電話咭手續.  再去搵機場巴士.  從機場到大阪梅田的酒店差不多要一個多小時.  在車上, 肥仔好似上身咁.  不停對巴士經過的地方說三道四.  真係比佢激死。  返到酒店就教訓佢.

今次訂了在梅田的business hotel ホテルランドマーク梅田。  房間屬於超小型。不過, 勝在靠近地鐵站, JR站及一所大形電玩店.  地點好, 房租平宜.  還可以免費上網.

在大阪新阪急酒店前下了車.  找錯了方向.  原本5走分鐘變了10多分鐘。 check in 後在酒店歇一歇約5時多才到外邊找找有什麼好看的.  因為這天沒有預先安排行程.

所以決定先到在大型電玩店內的"甜品博物館"逛逛順便找食的.  其實那個所謂甜品博物館是十間左右的甜品食店組成的.  沒什麼特別.  不過, 還是在這裏選了間洋式叫個cake&咖啡餐餐肚。 賣相及味道都不錯。

餐後連隨在電玩店內逛。 出來在附近找到一間餐廳”"贔屭屋"吃 しゃぶしゃぶ

餐後已差不多11時了.  由於酒店是不包早餐, 所以, 途中先到便利店買第二天的早餐才回酒店休息。

斑蘭戚風蛋糕 - 我很醜, 但我很好味!

一向好鐘意食新加坡種斑蘭蛋糕.  所以, 在蔡師奶廚房個blog 到找到食譜後, 昨日托了朋友買了斑蘭葉.  可惜獨欠"椰汁".  由於我係一個懶人, 所以唔會特登走落街買.  見屋企有椰絲...我就用椰絲加水放入攪拌機將佢打成"椰汁"  另外, 食譜話加少許水將斑蘭葉打成汁.....對我嚟講"少許"即係幾多呢.....死O刺

anyway, 又抱住我做人宗旨"有斷估冇痛苦".....最後用同樣時間&火侯去焗.....第一次唔熟.  加多5分鐘再加猛火.  第二次都未得.....第三次, 一不做二不休......焗佢多15分鐘.  搞掂!   可能水份太多.  所以比較難熟.

起模時手勢唔好.  搞到佢爛溶溶....  不過, 試味後都好滿意又軟熟.

自制橙味果醬

一個多月前外甥致電嚷著要求給他再做一次橙jam.  可惜自制的又放不了多久.  所以, 答應有機會見面時才做.

明天終於可以跟他見面了.

今天特地煮了兩瓶.  一瓶給他.  一瓶留給自己.

食譜參考蔡師奶廚房

材料： (份量大約300毫升)
橙              2個
橙皮             1個
三溫糖      200克
檸檬汁          半個

做法：
1) 橙洗淨用竹籤在表皮上刺孔，然後放入煲中加水蓋面煮35分鐘倒出，立即浸入凍水內直至降溫
2) 橙皮去走內裡白衣然後切成幼條狀，橙肉切粒，倒入煲中加檸檬汁煮5分鐘，再分4次下三溫糖煮至溶，然後開大火煮至杰身即可.

我第一個戚風蛋糕

見到好多網友都話迷上戚風蛋糕.  今日終於試到佢個威力....超軟熟.

原本想整斑蘭, 但係冇斑蘭葉.  所以, 退而求其次, 在網上找到了這個食譜"香橙戚風蛋糕". 但我覺得橙味唔夠強烈.  可以話食唔出.  不過, 第一次都算幾成功.

出爐的一刻......既興奮又緊張

倒扣中....

我的美甲新寵

今朝10:30就收到朱迪老師代我向惠林行訂的新玩具-電動無線打磨機.  真係O既興奮又緊張.  現在叉電中.

雖然呢部機幾貴.  但係O係朱迪老師度用過就發覺貴得有道理.  仲要呢部係可以無線(拆除電源線).  實在太方便.  當然, 這個比不上老師的新寵.  但對我來說都好滿足.

以前啱啱學玩O個陣唔想投資太多(因為唔知自己係唔係3分鐘熱度), 所以買咗部大陸機.  既然, 依家見自己都 keep 住做, 都係買部好少少.

學"痴"法式甲片

擒日到靚女朱迪上老師家上最後一課 gel 甲.  諗返都真係唔係幾好意思, 懵吓懵吓咁咩都冇帶, 兩手"fing fing" 就走上去.  真係失禮死人.

今堂學"痴"法式甲片.  真係啱晒我呢類懶人.  都幾易 handle.  朱迪老師示範了痴甲片後, 用 gel 及水晶粉完成的程序.  水晶粉的一隻手指還為我示範了如何做出變化.  所以第一幅圖的中指就是朱迪老師的作品.

最後, 朱迪見我完成了左手做右手後還有時間剩.  就幫我好快咁拆晒左手D舊甲.  又等我痴晒甲片後幫我極速用水晶粉完成晒隻左手.  等我返屋企唔使又開壇作法.  佢真係實在太好人.  唔該晒.

去佢度學甲真係獲益良多.  仲要又食又拎真係萬個唔好意思.

多謝晒!  我會記住你教我O既O野.

阿柑正傳 - 一本為阿柑平返的書

個多月前逛過某書局看到了一本書叫"阿柑正傳".  好奇下翻開書看了數頁.  赫然發現這本書講述發狂咬傷主人的金毛尋回犬"阿柑"的事蹟.  只是當時時間有點趕沒有即時買下.  一直耿耿於懷.  在路經的書局又找不到.  所以, 昨日再到該書局馬上決定買回家看看點解一隻咬傷主人的狗會有人為牠出書.

本書的幾編序都由阿柑最後的主人一一為牠寫的.  被咬傷的主人的媽媽"阿太"雖然右手沒有了也堅持用左手為牠寫編序.  序中主人"貓媽"還提及一位義工先生怎樣向傳媒亂說又不讓當事人為阿柑澄清.

第一章"空白的歷史".

寫了阿柑自出娘胎被無良商人從澳洲賣到香港的往蹟.  被第一個主人遺棄到一個簡陋的狗場.

第二章"揮柑如土"

在狗場怎樣被其牠同類圍攻及人類的棒打.  被木棒打得頭破血流.  沒有一餐溫包.

第三章"苦盡柑來"

阿柑第二住位主人講述與阿柑相遇及相處的生洛點滴.  原來主人曾在狗展中用了20分鐘來測試阿柑的耐力.  給阿柑說了一句"等待"的指令便躲到遠遠去.  結果阿柑不負眾望.  一直坐在那裡至主人回來.

可惜阿柑每每為了保護小狗而害得自己流離失所.  女主人知道阿柑會因為小狗吠叫而不安, 正想用手去隔開小狗時, 阿柑以為小狗被欺負.  所以出口咬傷了女主人.  但主人被沒有怪牠.  只是敵不過村內不喜歡狗的人而為阿柑另覓新主人.

第四章"貓仔與阿柑"

由第三個主人記述與阿柑怎樣健立感情, 互相扶持.  令她在抑鬱病中好過來.

第五章"阿太與阿柑"

主人的媽媽"事主"與阿柑的感情.  喪子時阿柑怎樣為她療傷.  事件真相及對阿柑如生的祝福.

最後, 牠雖逃過被人道毁滅的命運卻被證實患上了隱睪症.....

阿柑希望你可以在這個最後的家安享晚年.  病魔請遠離這頭好狗吧.

每頁都叫人心酸流淚  大家不妨買本看看.

咖啡曲奇

心血來潮想學人焗曲奇.  從BLOG友 "Angel's home" 找來食譜.

材料：
牛油125克
糖粉/霜60克
低筋粉40克
鷹粟粉45克
高筋粉75克
咖啡粉10克
蛋白30克

做法：
1.粉類過篩。預熱焗爐180度
2.牛油和糖混合。
3.加入蛋白混合。
4.加入粉類混合。
5.入唧袋，唧出自己喜歡的形狀。
6.入爐焗15-20分鐘。熄火放10分鐘。出爐放涼。

新鮮出爐 - lemon muffin *附食譜

啱啱焗好!!

食譜參考自書"Delicious!! Baked cakes 蛋糕. 餅乾. 小點心"

(直徑6cm的 muffin 紙杯4 個)

材料
低筋麵粉 100 克
泡打粉 1 荼匙
砂糖 70 克 (我用 60 克)
無鹽牛油 60 克
蛋 1 隻
檸檬汁 1.5 湯匙
檸檬皮 1/4 個
檸檬輪切片 2 片

做法
1. 牛油和蛋在作業前1小時移到室溫中
2. 牛油用微波爐加熱30秒使其溶化.
3. 低筋麵粉, 泡打粉一起混合過篩.
4. 焗爐以190度預熱.
5. 將蛋放入容器打散, 分3次加入砂糖用打蛋器打發至起泡.
6. 打發到變白又濃稠之後, 慢慢加入溶解的牛油, 再用打蛋器攪勻.
7. 混合均勻後加入檸汁各磨泥的檸檬皮後繼續用打蛋器混合.
8. 篩入已過篩的粉類, 用打蛋器迅速攪拌.
9. 用湯匙把麵糊倒入Muffin 紙杯內.  將模具拿離作業枱約10cm高捽下, 去除多餘的空氣.  上面擺放半片的檸檬.
10. 將焗爐溫度調回180度, 放入焗約25分鐘.  用竹籤刺入中心拔出毫無沾粘時表示完成.
11. 喜歡的話, 食用時灑些糖粉也不錯.

幫指甲著新衫

上個星期本來做一套新衫比d指甲.  可惜, 選錯款又成日做兩o野就要擺低出o左街。

本來用黑色閃粉做法式再痴兩塊閃片就算。 出o黎法式邊做得唔好畢特止，  又有d死實實感覺。 所以, 前晚趁肥仔有約， 把幾火將佢拆晒再做。

口臭之人!

昨日鐘點到來打掃.  一向同佢冇兩句.  因為佢嚟我就去返工.  但係今次放長假, 梗會O係屋企.  所以, 先發現佢都係一個口多之人.

第一次, 佢一入門口肥仔阿媽同佢講我醒咗.  佢即刻大大聲話"梗係啦!  佢唔驚我嘈醒佢呀!".....佢以為我O係房.  其實我係飯廳.  所以, 入晒我耳囉.....

今次咁啱我出街行去著鞋.....都唔知係我飄出去所以佢唔知定係點......佢又同肥仔阿媽講"你個深抱D高踭鞋咁鬼高, 仆死佢呀!".....跟住我拎鞋佢先為意到我出咗嚟.  幾想話比佢聽, 我著住追巴士都仲得呀!

開罐頭事件

相信好多人都開過豬仔牌午餐肉.

話說前晚肥仔阿媽諗住將我喺東歐買返嚟嗰罐鵝肝漿開嚟做餸.  入到廚房見佢未開諗住玩吓幫佢開咗佢.  見罐上只剩下鎖匙燒焊的部分.  一問下原來佢阿媽以為整斷咗所以掉咗落垃圾桶....

正好肥仔剛踏入家門.  見我在垃圾桶找那條鎖匙.  其實我係想執返嚟比佢阿媽睇條鎖匙係有個洞並唔係燒焊的部分.  等她以後不會將她扔掉.

但最過癮就是她堅稱從未開過這類型罐頭.  後來肥仔問她那以前的午餐肉罐頭也是這樣開的.....她馬上又轉口她很少開這類型罐頭.  見她這個答案, 我俩都懶得再和她爭辯下去.....

新加坡自由行 - Day 5 回程編

這天雖然是星期六, 但肥仔的堂還要在早上八點繼續一個上午.  所以, 他出門後我又繼續睡了.  醒來已是上午的十一時許了.

由於要在下午三時左右退房, 所以我用了餘下的時間收拾行李後等肥仔回來午餐.

但在餐廳內都遇上了跟他一起上堂的同事, 那"撐檯腳"的念頭又被破滅了.  跟來自不同國家的同事一起午餐, 所以也不好意思邊吃邊拍照.  我是頭一天享用這酒店的自助餐, 味道相當不錯.  邊吃邊聊又將時間用完了.  原想早點跟肥仔吃完和他到附近走走才離開的.....又泡湯了.  那只好直接往機場.

原想多留一天, 但我用里數換的機票在星期日已全部爆滿.  所以, 只好歸家....

最後只在機場買了最出名的香蘭蛋糕給大、細魔.

再買了些小甜點給自己.

今次乘坐國泰已更新坐位的747-400型號飛機, 坐位的椅背向後傾斜時再不會像從前的會影響他人.  以前安裝在椅背上的電視及餐檯會因前面乘客將椅背向後調時而受影響.  而新坐位都被安裝在一個固定的背板前.  它採用了由坐板向前滑出帶動椅背一併向前傾出斜度.  所以, 這新式的坐位較為寬敞而又不會影響他人.  若下次坐長途機時能再遇上它那就最好不過了

新加坡自由行 - Day 4

今天日間什麼也沒做......因為, 今天肥仔將電腦留給我用.  我一有電腦可以說什麼地方都不想去.  還加上外邊有點熱.

待至差不多五時才出門.  約了同事7點在靠近Orchard road 的 文華東方酒店dinner.  所以想提早一點點在那邊的百貨公司逛逛後才付約.  誰知將近到 orchard road 時我在地圖上找不到那酒店.  返而在地圖另一端找到.  所以, 馬上叫司機再到那邊去.  開到一半跟司機聊起說我以前好似記得文華東方酒店是在orchard road的.  他馬上跟我說現在還是有.  只是另一邊多了一間而已.  所以, 我再問清楚同事後原來真的是去orchard road 的那一間.......就是這樣車子都在路上轉來轉去.

最後, 付了差不多兩倍的車資.  還賠上時間.  到後, 剩下一小時左右逛....所以, 什麼都沒看不到了.

文華東方是我的香港同事推介吃海南雞飯的.  多年前吃過一次.  今次又想再試.  所以提議同事們帶我到這裡吃.  好味!

新加坡自由行 - Day 3

這天沒有安排節目.  因為想過得閑暇一點.

為了讓人家收拾房間, 只好自己帶著相機四圍找找景點來拍.  最後去了在聖淘沙島上的"獅頭魚"

當我在更換鏡頭時, 這頭孔雀突然現身.  還大搖大擺的走近我腳邊.  當時真擔心時不是我的挑紅T-shirt 開罪了牠.  當我轉個身專心拍花花草草的時候.  牠突然在我身後開屏.  走近一看才見牠身旁多了一個同類.  不曉得是否驅逐外來侵略者而開屏.  還是要吸引異性的舉動.

新加坡自由行 - Day 2

今天在這邊的舊同事請了半天的假陪我行街街.

十二時許先到她公司附近的商場會合她.  吃過我最愛的新加坡魚蛋粉後就開始我們的重點節目 "SHOPPING".

每次到新加坡我都多數會買鞋.  最多一次買了五雙回家.   因為香港已經入冬了, 所以, 今次只買了一雙.  其他收穫還算不錯

還去嘆咖啡, 吃當地的

芒果雪糕西米露作我俩的 high tea.

晚餐去了china town 的地茂館吃中國菜.

新加坡自由行 - Day 1

昨日上完日文堂之後搭四點幾機去了新加坡會合在那邊上堂的肥仔.

到酒店後差不多八時多九時了.  匆匆到房間放下行李就到酒店的餐廳醫肚.  由於在航班上吃過東西, 所以, 不太餓.  我們隨便點了冬陰公湯及星洲米算了.

水晶甲雕花劣作

差不多在一年前學了雕五瓣花.  但一直都冇再碰它.  因為對我o黎講只可以右手做左手.  咁左手咪一朵都冇o羅!?  咁咪索性唔玩囉.  當然, 可以練習多啲都應該做到o既....不過, 我懶丫o罵.....

今日突然心血來潮.....拎出o黎搞o左一大輪.  雖然, 好醜但係我好用心做o架!

Gel 甲功課 - 法式甲

昨天一早起床, 早、午餐都沒有吃, 一直埋頭苦幹地做這雙手來交功課.  還因對自己上堂做的其中兩隻不太滿意拆掉了重做.  所以, 差唔多一對手要做.
最重要係法式看似最簡單, 但真的是最難做.  要把那條 smile line 平均地勾畫出來實在很難.  真係做到人都癲

這是我嘔心瀝血的作品

第一次做, 所以還有待改善.  但出奇地覺得右手比左手做得好.  可能一開始由左做右手.  所以, 較有心機地做....

第一次自己做 Gel 甲

老父入院那個早上去了學 gel 甲.  好幾天只有在上堂弄的三隻手指甲見人.  終於在上星期五完成餘下的指甲.


這邊是我自己第一次完成的 gel 甲.

gel 甲確實快, 無味.  但講到靚甲型還是水晶甲會弄得好!

這是師父幫我畫的!

東歐之旅 - 戰利品編

手袋編

食品編

甜品酒, 咖啡可樂 (只有在捷克才有售), 鵝肝 eur20/can, 溫泉餅.


紀念品編

溫泉杯在寄行李內碎了!


護膚品編

老朋友極力推薦的產品.  只有在多哈機場才找到.  導遊答應將來代我們購買.

東歐之旅 Day 12 - 維也納自由活動編

這個上午是自由活動.  老朋友只是嚷著要買gucci.  所以, 導遊說這裡名店較集中.  團友們大可以一次過將血噴完.

解散後, 我倆便第一時間在名店門前等待開門的時刻.

最終我倆都找到共同的心頭好.  看了我們都拿了這個大袋定以為我們買了很多東西.  其實, 我們各自買了一個袋而巳.  只是店內較小的購物袋都用完了.

拿著這個紙袋實在太似在賣廣告了!  所以, 我們又捉導遊跟我們一起coffee & cake免得在街上招搖.

在集合地點旁有這座st. stephen's cathedral.

接下來就是往機場返港lu!