材料 ：
豬手一隻， 枝竹適量， 大南乳 2.5 磚， 柱侯醬 2 湯匙， 乾䓤蓉 2 茶匙， 蒜蓉隨個人喜好， 紹酒適量
調味 ：
鹽約 1 茶匙 （我沒有落鹽， 因為南乳磚夠咸味）， 老抽 2 茶匙， 片糖約半塊
預備 ：
1） 豬手洗淨出水約 5 分鐘， 過冷河備用。
2） 南乳“顏”爛 ＋ 柱侯醬拌勻
做法 ：
1）燒熱 staub 鍋， 下油， 炒香乾䓤蓉及蒜蓉。
2）下豬手同炒一會， 下醬略炒， 贊酒， 加水至蓋過豬手面， 水滾後調至慢火蓋蓋， 炆 1 小時熄火， 不要開蓋。 燜約最少一小時。 吃前原鍋翻熱後加入調味料及枝竹。 以慢火煮約廿分鐘或至淋身即成。
温馨提示 ：
1） 買豬手時可以要求肉檔師父燒豬毛及斬件。
注 ：
1） 原食譜炒香乾䓤蓉及蒜蓉後即加入南乳柱侯醬爆香。 但我一下鍋就出現“痴”底， 所以少少後馬上先下豬手再下醬。
2） 原食譜在加水後即下調味， 我改在翻炆才下調味。
用這個 staub 鍋炆1 小時後熄火燜焗後再翻熱豬手已經好淋....不過， 肥仔阿媽話佢平時用普通煲炆半個鐘左右而已。 佢話佢唔要咁淋， 口感好啲喎！ 但係半個鐘就得.....咁咪好勁！
