沙茶雞翼

易煮。 送酒、party 都啱食。

食譜來源 : 暖DD・食平D ～ 沙茶雞翼

材料 :
雞翼

調味 :
沙茶醬 1 湯匙
紹酒適量
糖適量
生抽適量
蔥花適量

做法 :
1）將雞翼於兩骨之間剪開兩邊，下鑊（不用油），雞皮向下，煎至表面金黃色，蓋上蓋焗片刻。
2）下紹酒再蓋上蓋焗片刻。
3）下沙茶醬及糖拌勻，並撒上蔥花。
4）最後下生抽調味即成。

自家制蝦米腸

身痕，見有工具，學人整蝦米腸。

原來唔係好難。 不過最難係控制粉漿厚薄。

食譜來源 ： 屋企自制蝦米腸粉

材料 ：
粘米粉 1 飯碗
粟粉 2 湯匙
澄麵 1 湯匙
幼鹽 1/2 茶匙
冷水 1 飯碗
熱水 1 飯碗
生油 2 茶匙

養生壺 ～ 鮮奶燉蛋

整包剩了約半隻蛋的蛋汁。 所以加隻蛋燉鬼咗佢嚟食啦。

食材 ：
蛋約 1.5 隻
鮮奶 200 毫升
白糖約 1.5 湯匙

做法 ：
1）雞蛋放至室溫後撥勻加入鮮奶過篩注入燉盅內，加糖再拌勻。 然後用小匙將泡撇走。 蓋上燉盅蓋。
2）壺內加水至最低水位線。 將燉盅安裝好，蓋上外蓋。 按"花果茶"模式，再按"開始"。  程式完成後待 10 分鐘即成。

養生壺 の 水果茶

好鐘意飲水果茶，所以見養生壺有花果茶程式又走去煮吓。

水果方面可以選用一些較甜的.....如蘋果、橙、菠蘿、水蜜桃等。  我就選了蘋果和木瓜，因為咁啱屋企有 XD

材料 ：
蘋果
木瓜
檸檬
冰糖
紅茶包

做法 ：
1）蘋果和檸檬切片，木瓜去皮切小粒備用。
2）將蘋果和木瓜放入養生壺後加水（視乎水果量，我煮一份花茶壺容量，所以我只注了 750 ml）的水。  按"花果茶"程式，再按開始。
3）程式完成後放入冰糖調味和檸檬片，再放入紅茶包。 待茶包泡出味道即可。

滑滑自家制豆腐花

今次用了第二個食譜，好鬼滑呀！  而且今次係用上海超市買一包包即飲的一款豆漿來做。 一款有糖、一款無糖。  每包 245ML。

參考食譜 ： 【自家美味】即撞木桶豆腐花-附詳盡食譜步驟及教學影片

材料 :
無糖和有糖豆漿 245 ml 各一包 （共 490ml）
食用石膏粉 1/2 茶匙
粟粉 1/2 茶匙
乾布一條

Panasonic 麵包機 ～ 好耐無焗超軟麵包

最鐘意見到出爐包 \^0^/

皇太后生日飯 ＠ siMplY ThAi

零下 6 度都要出去為佢慶生嘅。   近近哋去了新天地的的 simply thai。

零下 6 度的上海

昨天 1 月 24 日首次體驗零下 6 度的上海。 好鬼凍呀！！  但因為天氣好，所以無緣落雪，有點失望。  肥仔老是話我又唔係未見過雪.....成日都話想睇雪。  我話係未見過白蒙蒙嘅上海啫。

冒住嚴寒和肥仔走去吃羊肉燒烤。  好大風！  地上的積水都結了冰。  所以出門要一級裝備。 好似去北海道咁。  羽絨仲要打底著多件薄羽絨。  頸巾要圍到包面，如果唔係就要帶口罩。 年紀大了發現口罩在天氣冷的時候真係好有用。 面仔唔會被寒風吹到麻痺，氣管又唔會直接吸冷空氣。  除冷帽外，件羽絨都要有帽。  咁個後尾枕先唔會吹親。

皇太后在零下 6 度的天氣依舊將衣物和大門口的乾草地毯去清洗。  洗完放在露台上曬。  天啊！  零下 6 度呀！  有太陽都唔乾啦！ 水只會結霜或冰！   真係無語 >.<

afternoon tea @ FloWER KnoWs

年頭曾和肥仔來這間餐廳 high tea。  一年後再到來發現運作模式已經不一樣。 從前是先點後坐。 現在是先坐後點。  而且還有簡餐。

點了份 148 人仔的  2 人下午茶餐。 現在已經變成了餐廳。 除了下午茶還有小食和正餐。  選擇多了但反而人氣少了。  奇怪！  可能因為碰上這天天氣太冷的關係吧！

花知餐廳
地址： 盧灣區 馬當路245號（新天地時尚）B1-137 (近復興中路)
電話： 021-63168051

best friend 飯聚 @ HoMe

星期五上海都好凍。 老馬朋友問晚上出唔出去 dinner。  咁啱我又預備煮梅菜扣肉，所以就索性叫佢嚟食。

不過今次扣肉其實唔算真扣肉，因為皇太后買回來係南條。 而我又唔想整滷水，見自己有梅菜所以夾硬嚟整。 諗住自己人食冇所謂啦。

工具多有樣好，大家可以分工合作。

airfreyer 煮土匪雞翼和香辣雞膸
LC buffet 炒菜
飯煲先煲湯後煮飯
智能煲炆扣肉
養生壺煮腐竹糖水，出場前再轉去 staub
涼拌海帶就普通煲

best friend 又點可以缺酒呢！

隱世歐式茶室 ～ 窩

多得空姐太太是吃貨族，喜愛發掘不同地方試食。  讓我口褔不淺。  不然靠我這個懶鬼就食"風"都無得食。

就好似這間歐式簡餐室，  隱藏在一個小弄堂內。  還要走到弄堂盡頭的一角落內，沒有招牌。  我們連大路的弄堂入口都 miss 了。

老字號雲吞店 ～ 耳光餛飩

曾經車駛過的時候，師傅就說過這家是上海人氣最旺的雲吞店。  可惜店是傍晚六點才開門營業，所以一直苦無機會一試。

剛好那天和肥仔外出散步較晚才走回家，又剛好路經這個店。  終於有機會一試了。

但我們沒有在店吃。 買了新鮮的回家跟皇太后一起嚐。

新疆燒烤

和肥仔無聊兩頭行。  無意中路經這家烤羊肉店。

店外掛著的羊架就令我哋想起新疆的烤羊肉。  見排列整齊，種類又多。  剛好有位客食在挑。  他告訴我們腱子最好味。  所以我哋決定坐底食。

與空姐太太杭州行 ～ Day 3 @ 西湖

14 Jan 2016

西湖......八年前來過一趟......印象已經變得模糊.......所以趁機再去重溫重溫吧！

去西湖前空姐太太挑了在解放路的一間麵店。 於是我們徒步過去。 順便看看四周。

又係老字號，人很多。 要自己搵位兼搭枱。  點了招牌招牌蝦爆鱔麵和片兒川。 鱔麵 48 人仔。 片兒川 13 人仔而已。 兩款都好好味。 仲可以食晒。 又唔會覺得油膩。

奎元馆 (解放路總店)
地址： 上城區 解放路154號 (近中山中路)
電話： 0571-87029012

與空姐太太杭州行 ～ Day 2 @ 西溪濕地公園

13 Jan 2016

第二天雖然酒店包早餐，但係我哋兩個都係瞓覺大過天，所以沒有特意去用餐。

今天空姐太太計劃先去外婆家午飯生（因為預約了 1130） > 西溪濕地公園 > 步行街。

與空姐太太杭州行 ～ Day 1 @ 龍井村 N 宋城

12 Jan 2016

今年第一個 trip 就去了龍井茶聞名之杭州。  舊地重遊。 上次已經是八年前的事了。 當年是肥仔部門搞的外遊活動。

去杭州，如果讓師傅車我們去前後連塞車要三個多小時，所以就這次旅程選乘了高鐵。 車程約 1 小時。

港式餐蛋麵 ^0^

肥仔話好想食餐蛋麵。 當然這裡也有茶餐廳。 但餐蛋麵水準和價錢就一定有所不同。 所以自煮來滿足一吓大家對港式茶餐廳的慾望。

近家隨意走

肥仔病好了，為了一齊運動運動，我捉我跟他到外漫無目的地隨意走。  順道看看家的週邊環境。

無意中走到了近家的新商場 "湖濱道"。  在地庫一層發現了這間像似 etaly 的食店兼超市。  部份入口新鮮蔬菜和食材價錢中肯。

肥仔點了個磨菇湯和檸檬奶香雞肉扁意粉。  麻菇湯唔算合格。 口味怪怪的。 但意粉軟硬度剛好。 而且檸檬好香。  一份足夠我和肥仔吃了！  兩款食品合共 93 人仔。

養生壺 の 鮮奶燉木瓜

材料 ：
木瓜
牛奶

做法 ：
1）木瓜去籽去皮切件放入燉盅。 注入鮮奶。
2）將燉盅裝上燉盅架後放入已注 750 ML 水的壺身內。  然後按"花果茶"，再按開始。

老馬朋友生日飯 @ The Terrace

由老馬朋友自選，日式意大利餐廳。 食物 OK。 wine list 上的酒品很多，但我選了最少 3 支都沒有。  所以感覺不大好。

但係海鮮湯好好味。 跟在意大利飲過的差不多。 但這湯收費一點都不平宜，約 100 人仔。 所以兩位男仕只食是日餐湯。  其實食品是不錯的， 甜品拼盤最棒。 只是氣氛欠了點什麼似的......

The TERRACE (黄金城道)  
地址： 長寧區 黄金城道693號 (近銀珠路)
電话： 021-52832766

養生壺 の 簡單午餐

有滷水食剩，所以午餐就用養生壺的花茶功能煮了少許片裝乾烏冬，但程式設定為 10 分鐘。 所以我煮了五分鐘左右就落菜，然後加埋滷水雞翼尖。 盛碗後就放上滷蛋即成。

philips airfryer ～ 小雲吞

用子灣仔碼頭急凍的小雲吞。  但是次試了先待雲吞溶化至軟身才焗。 試試口感會唔會好似炸雲吞。

今次冇落油亦無噴油，靠內裡的豬肉出油。 但唔記得中間噴吓水。 氣炸完只係似薄 pizza 皮餃子。 脆脆，但乾乾的。

1） 以 180 度預熱 3 分鐘。
2） 入爐以 180 度焗 8 分鐘。
3） 途中拉出返返。重覆兩、三次。
4） 接著以 200 度焗 2 分鐘。

Vitantonio Waffle ～ crêpe

用了日本買的預拌粉。

終於比以前做得較得心應手。  我將 V 仔預熱至綠燈亮起，在熱碟上噴少許油。 注入約 1 湯匙麵糊。 待表面開始凝固後反轉再上蓋烤約 2 分鐘或至金黃色即成。

可以即上 cream 配上水果和果 jam 等享用。

我的巨人病倒了 T^T

冇陰公，第一次我個肥仔病到要求睇醫生。

自阿姨佢哋離開之後的第二個晚上開始發病，又痾，又發燒，又發冷。  發燒至 103 度。 比佢食咗醫生朋友啲退燒藥、止瀉和肚痛藥後時退燒時發燒。 時好時壞。

最後決定睇醫生。 第一次決定在上海睇醫生......所以要上返公司網睇邊度有公司保險的醫務所。

打去 parkway health hotline，客服安排了在上海商城的香港醫生 ～ Harry Ho Tsui。 有香港醫生咁就安心得多了。  最少用廣東話溝通夠直接。

醫生聽取肥仔食過嘅嘢，而又知道食嘅嘢同我一樣，而我又無事。 於是叫他趟上床上按肚。  再看過眼仔吃過的藥。 然後安排他即時便便再化驗。

化驗結果找到少量細菌。 開了一款藥給他，然後叫他繼續食香港朋友的藥物。 3 天後如無好轉回來覆診。

診費約 1500元。 化驗費約 800＋元。 藥費 9 元。 合共 2400 人仔左右。

雖然好貴，但起碼安心。

另外同事話復旦大學下的華山醫院也很多外籍人仕看病。 問了一下師傅，他說華山是國內排名三甲的醫院。 專科很有名。 但人超多，所以小病就別去那裡看了。

淘 ～ 搖搖椅

身痕好想坐搖搖椅，見價錢合理，所以淘了一張放在房間裡。

自己安裝也很容易。