洗衣工房只有一台洗衣機及一台乾衣機。 每戶都有一個固定時段。
洗衣工房位於地下一間大密室。 內裡除了每座的獨立洗衣房外還有每戶的儲物室。 而進入大密室後會先經過儲物室及看到這條又長又黑的走廊才進入洗衣室。 由於這裡安裝自動感應亮燈系統, 開門的時候都是黑漆漆的.....除非有人在內走動。 其實我很害怕獨個兒走進來。 因為這裡讓我有種叫天不應、 叫地不聞的不安感。
而共用洗衣房還帶來了和鄰居的磨擦及生活上的不便。
除了上一次肥仔跟人吵架外, 上星期又發生另一件洗衣事件......
話說那天早上, 我和肥仔早在七時已經起床, 所以打算將衣服趕在人家單位 E32 使用時段八時前洗好。
當肥仔將衫塞進去把門關上後, 按慣常插入付款咭打開電源, 可惜個收費機亳無反應。 死啦! 張咭唔得, 部機就無電過.....連門都開唔到。 變咗堆衫就鎖住咗O係部機裡面。 要等同事返工先可以換過另一張咭去開機。
八點幾肥仔去公司拎咭, 不過返到嚟發現O的衫已經比人拎咗出嚟。 原本肥仔同我講話人家還有十五分鐘就洗完, 叫我一陣落去洗。 我話"咪搞! 這個時段是人家用的, 點知人家會唔會有其他東西要洗。 我等到下午 1 點會先拎去洗。"
於是我 1255 hrs 落去, 見到一位叔叔, 我問佢 "finish?" 於是佢同我講一大堆法文, 我當然同佢講我唔明啦! 於是佢帶我去睇門後個時間表, 大概表示 8am - 1pm 是他的時段, 跟住我指住隻錶問佢話 1pm 我咪可以洗O羅? 佢跟住又指住個時間表上其他單位時間, 可能佢想話我知那些時間我唔可以用。 不過, 佢講完都知大家溝通謹限於此。 於是佢又走返入去收衫。 我就跟尾又問佢 "finish? may i use?" 跟住佢話 "OK"。
返到屋企我回心諗吓, 可能叔叔同我 complain 朝早我堆衫佔用住部機。 所以我用 google 網上翻譯用英文轉法文寫了一封信掉到佢單位信箱去解釋早上的事件。 因為我唔想人家誤會。
唉......真係麻煩!