小鬼 ～ 鬼馬 vs 正經

畫班派堂相。  佢真係古靈精怪。

不經不覺小鬼 6 歲了。

Gelish SoAK OFF GeL ～ 間色藍

由於之前實在太忙，浪接浪，所以指甲奉旨休息。  連小鬼見到呢個姑媽媽啲指甲都問點解無幫佢哋化粧嘅？  原來我啲指甲喺佢心目中係化咗粧嘅。

經過差不多三個月休養後，指甲基本上fully recover。  變得硬身不再脆弱。  但始終敵不過要靚，所以去日本前又一次幫佢化返個靚粧。

今日去 hsbc 個女仔見到都話靚。  又有少少沾沾自喜添。

SoNy NeX-F3 ～ 舊機、新鏡

這部機已經係 12 年嘅 model。  一直用著，貪其輕巧。   而之前因為在香港，一直 share 用著細魔入手的一套廣角加魚眼鏡頭。

但現在大家天各一方，無可能 share 了。 而最近因為妹妹出世後他也想用鏡，所以就還了給他。

我想另配，但香港 sony 已經不再有貨。  唯有去淘，因為 model 舊，所以倉底貨也所餘無幾。 唯有趁未完全斷貨見啱就買。

StaUB ～ 京蔥爆羊肉

我用食淨嘅新疆烤羊肉煮。

材料 ：
烤羊肉薄片
京蔥
蒜頭

芡汁：
鹽
糖
生粉
生抽
紹酒
麻油 少許
胡椒粉 少許

做法：
1）將京蔥切片，蒜頭切片。
2）Staub 凍鍋下油，加入蒜片以中大火加熱，然後將燒油3湯匙，爆香蒜片，加入羊肉炒片刻，續加入京蔥及芡汁，炒勻收汁即成。

StaUB ～ 南瓜山藥雞湯

皇太后買了新鮮山藥返嚟又話人哋講可以煲湯。 我夠知啦。 佢都係想我煮啫。  咁我咪上網搵個食譜囉。

參考食譜 ： 多多開伙 ～ 【厚生廚房】南瓜山藥雞湯


材料：
烏雞
南瓜
山藥
薑片
枸杞適量
水

調味料
鹽適量

做法：
1）將雞去除內臟後洗淨，煮一鍋水將雞汆水備用。
2）帶手套處理新鮮山藥。  將山藥和南瓜分別去皮切件備用。  枸杞洗淨備用。
3）將雞和適量熱水加入鍋中，大火煮滾後撈出浮沫，蓋上鍋蓋轉小火煮 1 小時。
4）1 小時後加入南瓜、山藥和枸杞，轉大火燒開後上蓋轉小火煮 20 分鐘。 然後加入適量的鹽即可。

山藥口感就似番薯，都 ok 好食。

BRUNCH @ 意式 VaPiaNO

風和日麗的時候，又係愉愉和肥仔去 brunch 的好時機。

這些天氣當然最好找有室外坐位的。 今次選了一間在浦東濱江上的。

慢煮神棍 AnoVa ～ 蒸魚

昨晚買咗條老虎班仔，又身痕走去試用慢煮。 60 度 60 分鐘, 差少少先熟，所以最後上咗魚碟後翻蒸多一、兩分鐘。 所以覺得麻麻。

我將魚洗淨底、面𠝹數刀，入袋。 然後兩面鋪上薑蔥。

失敗作の什果杏仁豆腐

點解失敗？！  因為原食譜用寒天粉，但屋企無。 所以諗住用魚膠片代替。  但份量較得唔啱。 所以凝固效果如 yogurt。  不過味道就 ok。  下次再試過。

食譜來源 ：超愛精巧小甜點 ～ 水果杏仁豆腐

材料：
杏仁豆腐：
鮮忌廉 200ml
鮮奶     300ml
水           50ml
寒天粉     4g
杏仁霜    25g
砂糖       30g

糖漿：
砂糖 60g
水     150ml
檸檬皮   1/3 個
檸檬汁    10ml
個人喜好水果 >> 我用罐頭什果

慢煮神棍 AnoVa ～ 順便瑤柱

整豉油雞那天咁啱又想整蘿蔔糕。 所以慢煮雞之時之順便掉埋啲瑤柱入去慢煮。

原粒瑤柱連水入袋。  水壓封口後以 75 度慢煮一小時。

慢煮神棍 AnoVa ～ 豉油雞

最近神棍 fb 個 group 幾乎被豉油雞洗版，所以我又煮 😚

1.2kg 冰鮮雞。 75 度 2.5hrs. 脾位有少少血水。下次試吓低溫少少， 然後又加返長少少時間先 😊

雞汁食譜來源 by fb Pauline Wong

材料 ：
雞

見光即逝

在地產 app 找到舊屋個盤開價 2200 萬。 估唔到兩日後就下架了。 聽聞已經賣出。  好彩我哋搬走咗。 如果唔係臨急臨忙都唔知搬去邊。

告別舊居的點點、滴滴

這個黃昏景已不復再。

日與夜

HoUse HunTing の 教我如何不選它

老爸出事前就是忙於睇樓。  因為六月尾的時候，收到前業主通知將物業出售，所以十月約滿後將不再續租。

於是就密密睇。  Agent 首先帶我們看同一屋苑，但對面座新裝修 190 m2 (2045 尺）的單位。   廚房面積比舊屋大一倍多， 甚至兩倍。 雖然廚房沒有做裝修。 但大廚房這個已經夠吸引了。

慢煮神棍 AnoVa ～ 東坡肉

因為貪心想煮東坡肉，又想整燒肉，所以將舊肉一分為二。  一次過滿足晒兩個願望。

跟 fb 慢煮 group jm 個食譜。 不過佢煮 53 小時。 我就煮了廿四小時。 都夠入味。 但就未至入口即溶。

材料 ：
豬腩肉

汁料 ：
酒      半杯
片糖  1  片
生抽  4 湯匙
老抽  6 湯匙
水      1 杯


做法 ：
1）用刀把五花腩的表皮刮去垢物，用火槍去毛（如有的話）。 用水沖洗乾淨。 用薑蔥酒出水至六、七成熟。  撈起清洗。
2）將豬腩肉連同汁料放入密實袋或高溫煮食袋後放落滾水中以 70 度慢煮 24 小時。  （下次試試加至 36)。

慢煮神棍 AnoVa ＋ philips airfryer ～ 自家制脆皮燒肉

今次因為咁啱神棍在工作，所以索性將佢慢煮至 6、 7 成熟。

材料:
五花腩
紹酒
粗鹽

醃料:
幼鹽
砂糖
五香粉


做法:
1）把醃料拌勻備用。

2）用刀把五花腩的表皮刮去垢物，用火槍去毛（如有的話）。 用水沖洗乾淨。 放入密實袋或高溫煮食袋後放落滾水中以 70 度慢煮 2 小時煮至六、七成熟。  撈起放涼。

3）豬皮向上，用針在豬皮上插透，翻轉，用尖刀在肉面上刺數刀。
4）返轉肉向上， 搽上紹酒待一會。  再將拌勻的醃料塗在肉面和側面。 醃料因有五香粉，所以不可塗在豬皮上。 否則豬皮會變黑。
5）包鍚紙呈“兜”形， 皮向上露出。（不用蓋保鮮紙）放入雪櫃雪最少 12 小時或過夜。
6）取出待回室溫。  再在皮上用肉針刺洞。
7）在皮面搽上白醋
8）鋪上海鹽至完全覆蓋皮面
9）airfryer 180 度預熱 3 分鐘

亂煮一通意大利餐 ～ 意粉 + pizza

有鮮茄大蝦意粉，帶子配四季豆、甜椒和薯角。

帶子用了慢煮神棍烹調。 急凍帶子洗淨後抺乾水份。 撒上鹽和黑椒。  入袋後淋入橄欖油。  以60 度煮 30 分鐘。   再將底面煎香即成。

甜椒放入 airfryer 將外皮烤焦，然後脫去外皮切條上碟。

薯仔去皮切件後撒上鹽和黑椒，再淋上橄欖油拌勻後放在錫紙上或真接放入烤盆/網籃。  airfryer 預以 180 度預熱。 烤 15 分鐘或至腍。 再以 200 度烤至金黃色。

四季豆洗淨切段後同樣以鹽和黑椒，再淋上橄欖油拌勻入 airfryer 烤軟。

pizza 用 m5 去做 pizza 麵糰。  不過今次做得麻麻哋。 所以今次就唔寫食譜喇。

鹹蛋炒苦瓜

成日去鹿港小鎮食這道菜式，不如自己都試吓煮。  其實我都係當佢黃金蝦咁煮。

材料 ：
苦瓜
蒸熟鹹蛋 2 隻
牛油
鹽

做法 ：
1）把苦瓜洗凈，去囊，切片。 用鹽醃片刻，放入滾水中汆水，撈起備用。
2）將蒸熟咸蛋黃壓成泥。 蛋白切碎備用。
3）Staub 凍鍋下牛油， 中火至牛油溶掉後下咸蛋黃泥煮至起泡。
4）加入苦瓜與咸蛋黃泥拌勻熄火，再拌入鹹蛋白即成。
5）放上少許乾番茜作裝飾。

慢煮神棍 AnoVa 第二煮 ～ 花膠海參炆冬菇

用神棍試吓蚊。  當然海參都係要泡發嘅。 我又未至有個勇字去用神棍泡發海參。

海參依然用養生壺泡發。  今次（上圖）身痕，比上次重覆煮、焗動作多幾次，所以比上次（下圖）發得更大。  泡發海參做法 ： 養生壺 ～ 泡發海參

慢煮神棍 AnoVa 開光第一煮 ～ 羊架

神棍到手， 當然慰勞一吓我個私人快遞（細佬）。 用羊架開光。 58℃ 2小時。 不過多手加咗少少溫度和時間， 果然多咗啲，老咗少少。 繼續努力😚💪💪💪


材料 ：
羊架
Rosemary
橄欖油
鹽
黑椒

做法 ：

1）羊架反轉用刀將底部簿膜撕掉。
2）用叉在底、面刺些洞讓其更易吸味。

新玩具 ～ 慢煮神棍 AnoVa 開箱

早前見 fb 廣告做 summer sale。 入手了減至 hkd999 bt+wifi 。 仲 Free shipping（香港）。 覺得係入手嘅時候。

其實有兩款，淨 bt hkd849。  不過，入手一定要買 wifi 版。 出咗街都可以 remote control start/stop n set temperature，方便得多 😏

今次麻煩了細魔出差順便帶來給我。

三人行 @ 慧公館

星期六帶埋皇太后去食 brunch。

將之前 join 做會員送的周未午市 Burnch 368 雙人餐卷用掉。   這是套餐中的菜式。 每樣兩份。 漏拍了牛枊和湯。

StaUB ～ 炒米粉

晚餐有時不用千篇一律食餸加飯。 偶爾食吓炒米粉都不錯吖。

其實係肥仔想食蘿蔔糕做晚餐，所以才想起配炒米粉。

炒米粉食譜 ～

材料：
山竹乾米粉（浸軟切數下）
熱水少量

StaUB ～ 蒜蓉粉絲蒸扇貝

買咗魚碟咁耐都未有試過無水蒸扇貝，今次雖然只買到了急凍，也來試試。

材料 ：
扇貝
蒜蓉
粉絲

生抽
麻油

做法 ：
1）扇貝解凍後洗乾淨及去除內臟。
2）粉絲浸軟、瀝乾。 然後加生抽和麻油拌勻備用。
3）將扇貝排在魚碟上。 然後每隻放上蒜蓉及粉絲。  注入少許清水上蓋以中大火加熱至見煙後轉細火蒸 5 - 8 分鐘左右 （自己執生）。
4）熄火後撒上蔥花、芫荽（不過我用晒），然後再淋上滾油即可。

StaUB ～ 胡椒鹹酸菜豬肚湯

以前成日聽話洗新鮮豬肚好煩， 但在上海找新鮮豬肚很困難，只買到了急凍的。  不過，用急凍的就省了很多清洗工夫。

不過安全起見，我都跟人家教的用鹽和生粉將豬肚反轉洗。


材料:

咸酸菜
豬肚 1 個
豬筒骨
白胡椒粒
生熟薏米
薑
水
紹酒
蔥