花束中 LeSSon 12 ～ 手束花 By SUn FLoWER

有時包裝實在無須花巧，只用 ivy 來綁札也很美。

簡單包裝、簡單花材，清新、簡約。

花材 ：
1）Sun Flower 向日葵
2）Wax Flower 臘梅
3）Pieris "Japanica" 日本杜娟葉
4）Dianthus 美女孆
5）ivy 長春藤

制法 ：
1）將花材加入成圓形花束後用膠紙固定。 再將花腳剪短。
2）包上玻璃紙用膠紙固定。  在手把膠紙位上繞上長春藤長把膠紙遮蓋住即成。

HerMEs ～ 低調的 RoUliS

回港前損友又幫我偷瓜成功。 入手了這個 Roulis。  喜歡這個淺灰色。

肩帶有 3 種長度可調。

養生壺 ～ 泡發海參

上次阿姨比了我一些乾貨海參，咁大個女都未試過自己浸泡。 因為我多數買急凍。 而太后買回來的乾貨一般情況下她會自發泡浸後放到冰格裡。  也因她經常強調很貴，所以不是我出錢的我不敢碰。 免得撞板。  今次終於可以自己試試。

參考了 lionVe煮飯仔和書本明廚坐鎮 07 鮑參翅肚燕的做法。  另外我往後的步驟都用了養生壺做。

做法：
1）乾海參用清水浸泡最少一日一夜（視乎海參大小和厚度）， 讓海參回軟， 中間換水幾次。
2）把回軟的海參跟隨冷水同時下鍋， 再放入數片薑和蔥段，用大火煮滾後， 轉慢火煮30分鐘左右熄火，泡燜30分鐘。
3）倒出變軟的海參，待自然涼透後剖開海參，去其沙嘴(前端白色處就是沙嘴)和腹內腸臟、細沙和雜質。
4）養生壺注入清水， 把海參用燒水功能煮開。 完成後改用花茶功能慢煮約 10 分鐘。  程序完成後不要開蓋讓海參留在壺內泡燜 8 小時。
5）冷卻後把海參重新換清水用燒水功能將水煮沸後，放入海參上蓋，再按一次燒水功能。 程式完成後焗至水冷卻。 然後倒出水分後再重新注入清水。 再重複燒水，放入海參上蓋再燒水再冷卻再換水。  直至海參軟硬度適合食用。

我大概用了三天時間去完成。  乾海參 vs 泡發了的海參。 好肥美呀～ 應該好好味。

泡發後的海參如在一星期內食用可用凍滾水浸漬海參後存放在雪櫃 0-4 度的普通格內。  若長時間儲存則要放到冰格中。 烹調前 4 小時取出浸在清水中解凍後才使用。

溫馨提示 ： 記得所有同海參接觸的架撐，包括自己對手都要一滴油脂也沒有。 不然海參會發霉就嘥晒㗎喇 ^.^

StaUB ～ 泰の夜

肥仔想飲冬陰公，又見自己有不少九層塔收成，所以一於嚟個泰之夜。

冬陰公＋肉片豆角黃咖哩＋九層塔牛肉。  甜品有香芒糯米飯。

My BD DiNNeR ＠ 慧公館

我和肥仔生日天只相差 4 天。  所以剛過去的星期天就是我的大日子。 肥仔決定到安培大樓的慧公館跟我慶祝。

天氣清涼，坐室外是最舒服的。

落雨天 ～

捉晒佢哋去練波。

其實係星期六天氣差，一直落大雨。  朝早陪完太后飲早茶後冇咩好做，所以決定去練吓波啦。

BoSCH 廚師機 MuM5 ～ 厚切餐肉、腿蛋包

有 M5 後打麵團真係大滿足。 依家 P 仔留嚟冇時間做包時待命。

唔知點解我好鐘意食扒房餐包個包底。 所以依家逢做港式包都用佢。

參考 759 麵包工房做蛋件。

材料
蛋 4 隻
砂糖 1 茶匙
奶 10g
橄欖油 1 茶匙

私人限定理想露台ヾ(*´∀｀*)ﾉ

我個夢想露台唔係淨係要嚟晒衫嘅。  可以得閒無事行咗出去坐吓。 邊飲酒、邊上網、睇書、睇風景幾好。

原本是想將這個靠近飯廳和廚房的露台改造。  但這絕對是 mission impossible!   好天又晒！  落雨縮埋一邊都要晒。 又搬埋屋主張櫈出去。 露台長期被佔用。  肥仔已經同佢講咗好多次， 所以我已經死咗條心。

StaUB ～ 日式汁浸雞

早前個日式鴨胸汁就好似滷水汁咁，可以循環使用 滷完收起又滷過。

用浸雞法。  將雞用薑汁、紹酒做 massage 再醃一小時左右備用。

汁滾後放入雞大火待雞汁再次滾起加蓋熄火浸 10 分鐘。 然後將雞反轉大火待雞汁再次滾起加蓋熄火浸 10 分鐘撈起待汁變涼後才將雞放入浸一晚。  其間可反轉等汁料平均入味和上色。

吃前將雞取出，將汁煮滾後將雞放回浸暖後才切件上碟。   淋上熱汁配上薑蔥油就好好味了！

汁料食譜 ：
豉油 約 93ML
日本清酒 125ml
紹酒 約 30ML
味醂 93 ml
糖 1 湯匙

薑蔥油食譜和做法 ：
蒜蓉
薑蓉
蔥粒
鹽
油

將所有材料拌勻後入微波爐叮 20 秒又或者最後燒熱滾油灒到材料裡。

DIY 澆水器測試中

最近種了不少香草，但每每出門都要心掛掛佢哋有冇水飲。  我又唔想假手於皇太后，主要唔再任由佢出入我房間。 所以唯有自己諗辦法解決。

參考了不少網上做法。 最終決定用膠水樽上下開邊，然後蓋子刺穿一洞。 將棉繩穿過。 棉繩長度要上藏在泥中，下垂至樽底讓棉繩吸水送至泥中。   其實可以多刺洞、穿棉繩平均分佈，讓泥土平均吸收水份。

anyway, 即管看看十多日唔加水如何。

CanOn 相片打印機 ～ 開 ❤ 印

依家話印就印。  簡單易用。 手機相直接 print 又得。 電腦、插咭都得。  細緻度也好。 睇吓溫時五佬佬啲毛毛同鬚就知啦～

除咗明信片 size，仲可以印咭片 size。  曬相數量少嘅人真係啱晒 ❤(◕‿◕✿)

平淡生日飯 @ The PumP

肥仔生日飯，難得他可以安排在這天回到上海可以跟他一起慶祝。 在點評上找到這家剛在 6 月 16 日才開始試營的餐廳用餐。  結果沒有令我們失望。

但可能試營和店的位置縮在小弄一角裡的關係，店中稍為冷清。

環境 ：簡約、優雅。 氣氛不錯。 如果能將音樂聲量再調低一點點就更 perfect！
食物 ：質量不錯。 新鮮。
味道 ：正宗西餐
服務 ：很好

其他評價 ～

海鮮湯超濃龍蝦湯底。 超好味。 海鮮也夠新鮮。 美中不足是湯不夠熱。

BoSCH 廚師機 MuM5 ～ 又做港式包

B 仔開工密密做。  有日式咖哩肉碎包、沙律芝士腸仔包和餐肉蛋包。

BoSCH 廚師機 MuM5 ～ 紅蘿蔔木耳白菜豬肉餃

由 M5 一手包辦的餃子。

饀料有紅蘿蔔絲、木耳碎、娃娃菜和肉碎。

BoSCH 廚師機 MuM5 ～ 自制餃皮

有埋壓麵機，連餃皮都可以自制 ～

材料 ：
餃子粉 （如果冇就用中粉）
鹽
水

做法 ：
1）所有材料倒入廚師機鋼盆內，裝上麵團鈎。 開 1 度將材料拌勻。  繼而用 3 度打至麵團光滑成團後取出蓋上保鮮紙靜置 10 - 20 分鐘。
2）將廚師機裝上壓麵機。  取小份麵團，撒上適量手粉以掌心壓扁。 繼而由 3 度開始壓麵。 一直壓至 0  度。
3）將壓出的麵皮用餃皮模具裁出一片片備用。
4）重覆 2 - 3 直至達到包餃數量為止。

每片餃皮叠加時一定要有足夠手粉呀！  如果唔係會痴埋一齊㗎！

BoSCH 廚師機 MuM5 ～ 蜜味豬肉乾

見到 FB Bosch Group 個谷友整得好鬼吸引。 睇完佢 share 個食譜係跟德國佬光波爐食譜。 於是又身痕。

即刻要豬肉佬開工先。

參考食譜 ～ 德國寶光波爐の黑椒豬肉乾 － 食譜提供 by FB bosch group Fong Fong

材料 :
梅頭豬肉 (攪碎)  360 g
蜜糖 1 湯匙

今日我要食藍莓乳酪雪糕 By BoSCH 廚師機 MuM5 ＆Panasonic BH941

夏日炎炎，又响廚房陪住部 B 仔。 真係熱到發瘟。  整返杯雪榚降降溫先。

今次除咗 B 仔功勞，舊嘅 P 仔雪糕機都有㗎。  雖然 B 仔 MUM 5 都有得配雪糕機。 但係諗吓我都係貪得意耐唔耐整吓，所以要 hkd900 我就應該唔會入手 LU。

食譜係參考 ～ e-zone 個 post ～ 消暑！5 步 DIY 健康雪糕 【試玩】Bosch MUM54020 廚師機玩法多變


材料（4 人份）：
藍莓 10粒 ＞＞ 冇.....因為比皇太后食咗 >.<
鮮忌廉 250g
藍莓乳酪 100g  ＞ ＞ 嘻嘻 ～ 好彩有藍莓乳酪。 原食譜是原味乳酪
鮮奶 100g ＞＞ 又係皇太后......我改用 100ml 水開 2.5 匙奶粉
糖霜 50g ＞＞ 我減至 40G

做法：
1）先將 P 仔雪糕碗入冰格。
2）將 B 仔個鋼盆放入普通格冷凍。
3）將水果放入 B 仔攪拌杯後再裝上廚師機上。 用最高速度 7 度，打成果蓉備用。  如果無即跳去 4）。

4）取出 B 仔鋼盆，將鮮忌廉加糖霜用打蛋器開至 7 度打發，打至 6 分發泡，忌廉仍是流質但開始杰身便可。
5）將乳酪同鮮奶加入 4）中，用 6 度繼續攪拌，再將果蓉加入混合即可。

6）取出 P 仔雪糕碗，將 5）倒入後上蓋開機後隨即放入雪櫃冰格。 約 3 小時或至硬身即可。

食用前將雪糕放在雪櫃普通格回溫一陣即可。

如果想換其他口味，將果蓉換成其他即可。

StaUB ～ 日式鴨胸糖心蛋和豬手

今次個鴨胸真係好 juicy 呀！  終於知道箇中奧妙喇。  記低先 ψ(｀∇´)ψ

材料 ：
鴨胸 1 件
雞蛋

BoSCH 廚師機 MuM5 ～ 切粒、粉漿、湯圓團冇有怕

其實切粒真係好方便。  講到清洗，因為食材唔係油膩，所以我只係用熱水擦甩啲廚餘就算。 係多嘢沖。

咁當然會有碎唔晒嘅嘢留低。  呢啲我就自己求其搵把刀切埋佢。

BoSCH 廚師機 MuM5 瘋狂談戀愛 ❤ 做包、做包、做包

點解話瘋狂？！  因為無時無刻都諗住用佢嚟整咩好。 出咗門咁多日，返嚟一食完就整。

這次麵團打得靚了但上面蛋漿開稀咗，所以色水又差啲。  今次有 4 個日式咖哩肉碎包、2 個沙律芝士熱狗腸包、 2 個小椰絲卷和 1 個朱古力扭紋包。 朱古力扭紋包比較麻煩。 啲朱古力醬邊扭邊漏。  所以做一個算了。

對上一次成品都係偏硬。  但賣相比今次好。

BoSCH 廚師機 MuM5 ～ 打出傳說中的薄膜麵團

好掛住我部新玩具呀！  呢排一直要出門，連同佢傾吓計嘅時間都冇。 經過三次同佢徹底溝通後，佢開始聽話鳥。  打出傳說中可拉出薄膜的麵團。  所以是有史以來最軟熟的一盆包。  不過，我覺得仍有進步空間。

今次依然用扒房餐包仔食譜。 直接用勾打。  但除了牛油外，先將其他材料用低速（1 度）混合，然後才下牛油。  再以中速（2 度）拌成團後才轉高速（3 度）打至見膜。 我今次見麵團好似唔係好夠潤滑時再另加 10 ml 奶。

BrUncH @ AurACoolZey

忙碌終於過去， 一切回復正常了 ❤(◕‿◕✿)

所以星期六就陪了皇太后飲茶兼食 thai food 晚餐。 昨日趁星期日和肥仔兩口子去食 Brunch 撐枱腳。

店在一個小庭院內。  到步時露天坐位已滿座。 室內剛好餘下是我們的二人枱。

在港期間的小收穫 \^0^/

3 號難得老朋友請假，有人一起 shop， 特別買得開心。