日本 pocket wifi

國內用 ctrip 租 pocket wifi 真係平、靚、正到無朋友。

8 日日本無限上網，可連最少 5 部 devices。 收費 155 人仔。 雖則話有公平用量使用，用得多會減速，第二天才恢復。 但係我哋哋煲埋劇，由 2000 - 0000 睇香港啲電視劇都仲得。 只係有時會得聲無話面。

肥仔用嚟連佢部公司腦上網開電話會議都得。

仲要離個 wifi 鬼咁遠都仲收到。  電量又勁。 基本上可以用成 12 小時。

又可以揀機場取／還、快遞、國內部份市區取／還、日本取／還。 真係咩都就晒你。

2 S @ FuRaNO ～ 戰利品

哈哈～ 革命成功。

好鐘意呀！  原本店內有這個咖啡色，仲有個深啡同蝦肉色。  蝦肉色覺得難 carry。 dark brown 適合冬天多啲。 所以選了這個咖啡色。 其實是次想搵 lindy or bolide, 當然例牌無貨啦。 b & k 更加唔洗諗。

裝扮完幾靚。

2 S @ FuRaNO

趁 seasons end 前又出動。 所以其中一個 S 係 Ski。

第二個 S 就係 Shopping。  最初肥仔計劃只去 outlet 就直蹂雪場，不過佢知我呢排見円跌咗，想入手哈蜜瓜，所以就將滑雪行程推遲 2 天。  比我响 N 週年紀年日去 shop 餐飽。 

除了我目標哈蜜瓜外，還買了兩隻型錶。  行去買哈蜜瓜嗰陣其實肥仔行到眼瞓，我叫佢不如搵個地方坐低休息，我自己去。 不過佢一聽到去哈蜜瓜即刻精神返。  話我成日睇少個零，唔跟住去容咩易用架車嘅價錢買個袋返嚟。  哼！

在 bic camera 亦無諗過買錶，但走錯方向去了錶部。  於是就轉一圈吧！  看看大家講最貴嗰隻 seiko gps solar 錶。 超貴！ 成 300,000 円 （約 19,500 港元）。   成兩皮買 seiko....我不如買 H 銀包。  而 H 錶唔貴，但係頂唔住太女人。  肥仔突然睇到隻 Citizen 的太陽能錶，佢好鐘意。 買入 32,200 円 （約 2100 港元）。  我就等佢比錢之際走去 g-shock 睇。 見到有隻又係 gps solar 錶。 好型呀！  88,000 円咋。 約 5700 港元。  我自己鐘意呢個款多過精工。 所以一於入手。

Gelish SoAK OFF GeL ＋ Konad Stamping ～ 春色

開始回暖，令我想起快將春回大地了。  所以調了個粉黃和粉綠色再印上小花來迎合主題。

淘 ～ 帆布旅行袋

肥仔話想搵一個背囊去旅行用。  於是我又出動去淘寶尋找一番。  找到了這個三種背法的袋。

可作背囊和手挽袋。 付有長帶可側揹。  大碼，95 人仔。

淘 ～ Ski HeLMeT

舊的滑雪頭盔表面用久了都變得黏黏的。 大概是啞色的關係吧。  不過這個關係又給我找到籍口買東西了。  嘻嘻～

在天貓的 Decathlon 旗艦店找到這款中價頭盔。

頭盔可調節鬆緊。

淘 ～ 萌萌帶自拍搖控的手機套

打算找一個可以斜揹的手機殻或套，但選擇不算太多。  又不想用那些仿 chanel 手袋或香水的款式。  而 Cliche 的又只有短帶。  最後這款 click click 在眾多之奪穎而出是因為它的倉意設計。

機套上的相機鏡頭位置隱藏了自拍藍牙遙控。  而且套上電話後可穩定站立。  方便外出時不求人。

StaUB ~ 椰菜花炒泡菜年糕

其實一向都唔係好鐘意食椰菜花。 但係皇太后就好鐘意買。 响上海仲幾乎個個星期都買佢。 問佢係唔係好鐘意食，佢又話唔係。 但係見到人啱啱由菜場送出嚟喎......

之前成日都係炒番茄，真係食到厭。 原本太魔王、愛妻號給我提議炒臘味、臘腸、肉碎等，不過我見自己有泡菜，又買咗包韓式年糕一排，再唔煮又比皇太后講。 所以就出現咗這道菜式。

同場加影清湯腩。

淘 ～ 模型展示盒

這頭鴼鴕模型在 dubai 買回來後一直藏於盒子中，待尋找適合大小的展示盒。 但在港時找不著。 因為只有小尺寸的。  大的得訂造。 但對這方面無從入手，所以算了。

直至淘東西時，又無意中發現類似的東西，還可以按自己尺寸訂造。 這個 size 30 X 29 X 22CM 的收費 64 人仔。

高清度高。 賣家還附送手襪防指紋。 很滿意。

經過兩年的黑暗生活後，鴼鴕終於得見天日了！

淘 ～ 多功能手寫板老鼠

皇太后話以前學的輸入法忘記了，所以下旨要買手寫板。  早前淘了一個 JT-326 給她。 但在 win 8 中，安裝不成功。  於是一直又在物色另一個給她。

無意中找到了這款 mouse 連手寫板的。 50 人仔。  剛好前天她催促我的時候新老鼠剛到，正打算幫她安裝。  功能強大，可輸入簡、繁體，英文，數字和字符。  而且靈敏度高。

不過到網站下載的 driver 不能用，大概是因為我繁體 win 8 和簡體 driver。 最後賣家另發一個 driver 比我。  成功安裝後試用了一下子，很滿意！  如果不懂／不善於輸入法的人可考慮這個產品。

產品名稱 ： 赛科德7s 多功能手寫無線老鼠

食在上海 の 日本菜 @ 紋兵衛

這家已幫襯了多次。 剛到上海不久老馬朋友已經推介這間正宗日本味的餐廳。  不過，一直沒有相機食先的機會。 昨晚趁人少少，只有他和我們一家三口，所以終於有機會下手了。

這麼多才 1160 人仔。

環境不錯。 是晚被安排到這可變成包相間的房間用饍。  其實這家主打蕎麥麵，但吃得太飽了，所以就放棄了。


紋兵衛 （遠東國際店）
仙霞路 317 號遠東國際廣場 B 棟 1 樓
＋86-21-62197398

PhiliPs AirfrYer ~ 燒魚

成日蒸魚，不如嚟個燒魚吧！

做法超簡單。


參考食譜

1）魚去鱗、去鰓，除內臟， 洗淨後用廚紙吸乾水分。  將兩側𠝹開。
2）用海鹽抺勻魚身，輕微彎曲後用竹籤或焗針固定。
3）airfryer 以 180 度預熱。 以 180 度烤 15 分鐘或至熟。   中途返轉魚身。 之後以 200 度烤至金黃色。

之後串好的大蒜放入以 160 度烤數分鐘。 然後撒少許海鹽、塗少許老抽再入爐以 200 度略烤即成。

食在上海 の 鐵板燒 @ 峯鐵板燒

很久以前上插花堂認識的花友仔到上海開會。 所以相約晚飯。  一直煩惱 2 個人可以跟她到那裡用餐。 因為想著朋友可能想食上海菜。 但又想著兩個女子吃上海菜，份量有限。 後來又想西餐份量會合適一點。  但找著找著，意大利、西班牙都好似份量較多。 於是又找日本菜，但朋友經常去日本，可能佢又諗，上海食日本嘢？！  唔係呱.......

其實，係唔係我諗得太多呢？！ 自己攞嚟煩。

迫到埋身，最終選了鐵板燒。

見到花友仔跟她分享了這頓飯的煩惱後，她表示其實她只不愛吃有芝士和乳酪的東西。 食什麼菜都冇所謂，志在大家吹吹水。

雖然要拼座，但每組客人各佔一邊格角，對著江景，算不錯。

雙人套餐約 1198 人仔，但朋友不吃鵝肝，所以點了每位 398 人仔的雪花套餐。  並以每張 79 人仔買入面值 100 人仔的代金卷。 所以埋單 632 人仔 vs 原價 796 人仔。 約 8 折。

每道菜都好滿意。 南極冰魚和魚骨最好味。

只是可觀性不及以前在尖沙咀的秋田。

其間又由於朋友嚷著要上網幫她完成上 team buidling 的功課，所以也沒時間跟廚師交流。 只知她是江西人。

至於服務是可以的，但可以做得更好。 如上蒜蓉包時可以將有牛油的一面向上，弄得我最初以為是法包一件而已。 另外有時吃完一道菜時不來端上收器皿然後端上另一道新菜等。

峯鐵板燒 （老碼頭 VIP 店）
外馬路 579 號 2 號庫 3 樓 302 室
電話 ： 63152302, 63182302

KiMCHi PanCakE 韓式泡菜餅 "附食譜"

較早前在上海一家燒肉店吃過最好味（啱我口味）的泡菜餅後，一直想自己試整。

在超市找不到 all purpose flour，卻買到了韓國煎餅預拌粉。  做法簡單。

白汁大蝦長條通

材料 ：
大蝦
蜆肉
長條通

意粉 ：
長條通
洋蔥碎
蒜蓉
白餐酒
淡忌廉
牛油

做法 ：
1）蜆肉清洗後瀝乾備用。 大蝦去腸洗淨，用廚紙吸乾水份備用。
2）平底鑊下少許橄欖油將牛油溶化。 下部份蒜蓉炒香。 下大蝦煎至兩面金黃色取起備用 。
3）烹煮 2）期間將意粉放入已加鹽的滾水中煮 12 分鐘撈起備用。
4）開鑊以中火加熱，下少許橄欖油將牛油溶化。 然後以小火將餘下的蒜蓉和洋蔥碎慢炒香，加入白餐酒略煮後將淡忌廉和少量餘下的意粉水加入拌勻。 再加入蜆肉煮 30 秒左右。 然後將 3）拌入。
5）將 4）上盆後再將大蝦放上，淋上汁撒上少許 Parsley 即成。

百忙中的 CEO ~ OnCE 仔

大魔又發來 once 仔照片。  CEO 即係 CEO，無時無刻都會讀報去留意社會動態發展，尋求商機。  媽媽，你唔好騷擾我得唔得？

既然我有粉絲要求上載玉照，我就擺返個 pose 比你影啦！

註 ： 照片由大魔提供

StaUB ~ 紅燒豬腩肉

唔知點解，我都有落冰糖，但係硬係做唔到"拎立立"個效果。

紅燒豬肉 基絲汀@簡易食譜

材料 ：
豬腩肉連皮
蒜頭（切片）
蔥（切段）
紹酒
冰糖
生抽
老抽
水 1杯
熟雞蛋（剝殼）

尋找家鄉的味道 ~ 港式點心 @ 稻香

是次帶同皇太后去飲茶。 選了稻香一試。

還境和味道都跟香港的一樣。

除了這些還有豆苖鮮蝦餃、山竹牛肉、金錢肚和流沙包等。  埋單若 200 人仔。  很滿意。

稻香 （靜香店）
愚園路 68 號晶品購物廣場 6 樓 （近常德路）
+86-21-62778880

韓國 PockET WiFi

是次出遊韓國經 ctrip 租用了 pocket wifi。

平靚正。 出遊前經 apps 預定。 第一天收費 1 元人仔。 隨後每天 22 人仔。  8 天才 155 人仔 4G 任用。  每台 pocket wifi 可連最少 5 部 devices。  信號超強。  好好用。

鬼鬼竄竄偷返薯 XD

韓國飛回上海第二天即飛深圳。 主要到球會換球包。 再順便返香港剪頭和跟家人見見面。 但狀態其差。

大魔王和阿姨分別用心煮了一頓愛心餐給我們，但我實在病到冇晒胃口。 浪費了他們的心意。

探了五凱 ＋ 埋 ceo once 仔。 once 仔大概是第一次見面。 真身真係好有 ceo 風範。 嚴肅，處變不驚。

big 麗豬玩自閉，跟住小肥柔家姐躲在移動城堡中。 小虎就有咁高跳咁高。 至於傻瞳和小武就不知躲到那兒去了。

首爾購物滑雪一剔過 ～ 戰利品

愛上著 new balance。 一次過買入兩對。

去年在樂天 outlet 裡這個品牌 Shesmiss 買了不少。 今年款式更多合心意的， 所以選購了不少。 羽絨淢至 79000 Won (約 560 港元）。  猄皮褸減至 125100 won （約 927 港元）。  綠色絨褸 134100 won （約 993 港元）。 灰色絨褸 152100 won （約 1127 港元）。

皇太后見我買了這麼多，也不執輸選購了 3 件大褸。  經理分別送了兩條頸巾給我和皇太后。

首爾購物滑雪一剔過 ～ Day 4 － 7 Ski Days

終於進入滑雪行程表了。  這運動安排在行程後半部只因碰上韓國過農曆年。  shop 咗 3 整日， 真係都幾攰。  好彩隻小鬼有能量糖下乖乖跟著走。

開始滑雪就唯有拋下皇太后，讓她留在房間煲劇。  午餐才相約到餐廳一起用餐。

是次選擇了 high 1 這個雪場主要是這次韓國之旅很遲才決定，又碰上韓國小黃金週，所以可以選擇雪場的酒店不多。  龍平已滿。  phonix 無回音。   最後狂追下只有 high 1 有回覆。

由首爾前往要差不多 4 小時。 加上我和肥仔成套 gear。 另外所有人大包小包行李和戰利品，有老有嫩，拖著到指定地點乘酒店接駁車實在 mission impossible。  所以肥仔索性跟韓國旅行社租用一台 9 座位客車連司機從首爾酒店到 high 1。 離開那天由 high 1 到機場附近的酒店。

high 1 雪場有 18 條不同級別的雪道。  適合不同程度滑雪人仕。  而雪道兩側都有欄網，指示清晰。 安全性比留寿都和富良野的做得還要好。 雪道夠平又夠闊。 而且雪壓得很平，很適合初學者。

另外雪道上有不少 patrol，只要你停在一個位置時間過長的時候就會來看看你發生什麼事。  他們確保雪道保持暢通和安全。

肥仔玩了這條 V1 高級雪道，他說雪有點硬，所以滑得較攰。實地比相片的要斜得多了

這裡天氣比北海道較好，所以看到藍天的機會很多。 但變相補充的雪就不及北海道的多了。 所以 powder snow 還是北海道較強。

至於 ski house locker area 跟日本的方式也不一樣。 日本酒店是不會讓客人著雪 boot 上房，所以會給住客提供 ski locker。  但係 high 1 啲 ski locker 只係給長期租客租用。 住客可以將 gear 帶上房。  我就 prefer 有 locker 了。 唔使日日抬嚟抬去。

細魔一家是新手，所以一開始先讓他們了解在雪場上的大概流程。 如著衫、租 gear、買 ski pass 等。

雖然我和肥仔總算識滑，但還是讓他們先上基礎班會好一點。 細魔以 300,000 won （約 2千多港元）報讀了一個給 family group （3 人）約 4 小時的課程。

不過上午課程已滿，所以我和肥仔先帶他們到練習場講解一下如著了 ski 後如何走路。

租 gear 時肥仔已教識小鬼如何穿和脫 ski 了。

小鬼上課中。

趁他們上課，我和肥仔上山劈番兩轉先。 雪道夠晒長。 劈一轉都要點時間。

約一小時後我去探班。  老師見我識滑就提議帶他們上山。 我最初諗住去條短短哋，點知"錠"住一件識識哋停嘅細魔＋連停都未曉嘅愛妻號，老師就帶住隻小鬼上咗條 beginners run。  老師見小鬼、我有 pass 以為佢哋兩件都有 ski pass。 但係細魔諗住上堂，所以冇買 pass ，上到去先知要用 pass 入，最後老師要叫工作人員開路讓他們進入雪道。

細魔還可以自己照顧自己，我就 take care 愛妻號。 讓老師帶著小鬼先走。  領著愛妻號滑了一小段肥仔終於到來接班了。  還是留給他教導好了。

我就帶細魔落山。 雖然細魔有跌，但總算順利。  而且雪道較闊，輕微的斜度，讓細魔增強了不少信心。 也領了悟了不少。

我們站在這裡等著肥仔和愛妻號的歸來。 這裡多了兩座石像......望夫和望妻石。  同時又找不著老師和小鬼。 後來另一位導師抱著小鬼走出來，原來課程先上兩小時，晚上再上兩小時。 頭兩小時已過了，老師要取回臂章。 聯絡肥仔後，知道愛妻號仍在努力中，老師得悉後決定先讓她保管著。

在等候的一個小時，我帶著小鬼砌了個小雪人。  小鬼說要為雪人加上耳朵。

作品完成後小鬼主動地找旁邊兩位來自香港的小朋友邀他們跟他一起玩。  雖然最初兩位小朋友不太願意，畢竟互不相識。 但小鬼不怕吃地球一樣大的檸檬，主動地一次又一次介紹自己，一次又一次要求他們跟他一起玩。 最終兩位小朋友不敵他的厚顏，跟他玩了一會兒，直至媽媽歸來。

第二天愛妻號要放棄了。 因為昨天的課程弄得周身骨痛。  是日她決定休息休息。 陪我們坐吊車登山後再乘吊車下山去。

小鬼跟姑丈上課去。

姑丈帶著小鬼滑下。

小鬼還未領略到如何停下來。

帶細魔到山上的 beginner run 一試。

細魔心野了。 速度太快而跌倒了，有點扭傷。 肥仔在旁等待他稍事休息再站起來。

滑多兩轉掌握好了。

是日休息的愛妻號帶著小鬼到練習場去。  為了小鬼進入預定軌道， 準確地向目標方向衝去，愛妻號不惜用兩樽水加一包果汁 set up 一個龍門。 然後將小鬼拖至小山坡上，推他一把！ 小鬼還未學懂停，所以就好似射龍門一樣！  靠個網撈住。 不過，小鬼冇喊喎。 淨係伸手叫救命。  真搞笑。

後來肥仔接手。 推他上小山丘後小鬼認真地跟肥仔說 "辛苦你喇，姑丈"。  哈～ 冇錯！ 他也曾經對我說"辛苦你喇姑媽媽"。  有一天他話媽媽肥，我說媽媽因為生你所以變肥了。 他即刻對愛妻號說"辛苦你喇，媽咪"。  有時對著這隻小鬼實在又愛又恨。

這天最後教小鬼如何自己拿 ski。  他很努力，不過看來唔夠力。 所以都係由爸爸接手。

最後一天了，因為細魔第二天早機返港，所以我們要早一晚搬到機場附近啲酒店住。 肥仔安排了車傍晚六點才來接我們。 這樣我們可以再去滑才離開。 上午小鬼懶床中，所以我跟肥仔先 check out，然後劈住先。

各方 ready 後，我叫肥仔順便帶皇太后去坐一轉 gondola 上山。

兩姊弟去劈返轉。  滑到三點半就收檔了。 我和肥仔各自去 sauna 室比 7000 won 沖涼。 順便泡了 3 溫池。 但不禁又同日本比一比。  派比我個 locker 細到......其實無 locker 唔緊要，好似日本咁比個籃我丫！ 又無。  要求換個大 locker 又唔比。  最後我淨係鎖個電話， walkie talkie。 袋衫搵個牆角就放抵。

細魔他們買個 pizza 醫肚。

上車後大家倒頭睡。 途中司機慢駛突然被後車撞尾。  後備車軩都撞到跌咗出嚟。 幸好各人都無事。 小鬼仲繼續瞓。

沒有報警，只要等保險公司車嚟影相先離開。  今次租車連司機經 package korea 安排。  該公司還有其他韓國旅遊產品。

旅程由小鬼這張戴完冷帽後就電咗個韓 look 出嚟作結束。


另外總結一下這幾天在 high 1 這個 resort 和小區的飯餐 ～

午餐在雪場選擇不多。

晚餐其中兩餐落井食。

職員推介這間吃豬手的。 唔錯。 雖然唔見有飯提供，但係小鬼要食飯。  老闆就將私家五谷飯比小鬼食。  仲送埋紫菜。 後來另一枱港人嚟到，話見到小鬼有紫菜，個仔想食，幸好老闆好好人，即刻拎多幾包出嚟派。  真係唔係幾好意思添。

而另外這餐燒肉，因為係大年初一，井中食店開門營業聊聊可數。 選了這間。 但店員內鬨，遲遲沒給我們安排坐位。 最後跟在我們後面的強國人（我就覺得係台灣人）自己搵枱就坐底。 氣得細魔著火。

卒之男店員見狀即刻安排我們坐下，連番 sorry。

這份是機場附近間酒店的早餐。 算唔錯了。

由於我初一開始病，發燒＋咳，所以冇晒胃口，去到機場搞晒退稅後求其搵啲嘢醫肚。