假日一般一行三人到渡船街吃早餐. 例行公事就係跟手車肥仔阿媽去油麻地街市買餸.
剛過去的星期六在火辣辣的太陽下等肥仔阿媽買餸之時郤遇上牠.
這隻貓咪是一間水晶店的舖貓. 牠在舖外乘涼. 肥仔在牠前面行來行去兼扮貓叫. 點知佢好似大魔的女兒....有反應! 你"咪"一聲、佢又"咪".
肥仔企回車則跟後用手示意牠過來, 牠即刻一支箭咁走到肥仔跟前. 咁肥仔當然唔會待簿佢啦. 摸返夠皮. 我一直在車上透過舖頭的玻璃反射來看. 最後肥仔索性打開車門給我看. 個傻豬即刻跳咗上車.
肥仔趕緊把牠抱回車外, 免得人家以為我們拐帶. 見到這樣, 我忍不住走下車去摸摸牠. 佢真係好鬼嗲.
仲瞓埋係地上任摸.
之後仲表演"碌地沙". 自己係地上碌來碌去.
在我跟牠玩之際, 有一位十三、四歲的少年拿著電話跑過來要將貓咪拍下. 但他的動作絕不禮貌. 為免牠再一次受人不禮貌對待, 我將牠引回舖頭前去.
all photos by LX3