不知名品牌 ～ Primeli 小牛皮手袋

星期一那天剪頭後到金百利逛逛， 在一小店看到這個袋。 超喜歡那種自然皮毛。  而且手工及質量不比大牌子遜色。

至於價錢嘛 ～ 4000 個大洋。  不太貴，所以就買入了。  但肥仔卻覺得有點貴呢。

primeli ~

初一 staub 先開齋 ～

去林村行大運前先煮個齋做早餐。

參考食譜 ： 南乳炆粗齋【賀年齋菜】

材料
黃芽白
冬菇 5隻
髮菜 20克
龍口粉絲 1小札（約 34克）
枝竹 2條
豆腐泡（豆泡）4個
雲耳 10隻
木耳 5隻
老薑 3片
南乳 4小磚（用茶匙壓爛）約3湯匙
水 1杯

趕得及團年飯 ～

肥仔在樂天訂了帝王蟹腳賀新年， 原定 29 號送到。  後來接到通知竟然話要 5 號左右先到。  幸好，最終依時送到。  所以做了我們一家三口年三十晚的晚餐。

準備好喇～ 恭喜發財 \^0^/

今年部分利是用上麗麗做封面的利是封，寄語大家可以像麗麗一樣活得快快樂樂、健健康康。

雖然新款又靚的全盒很多很吸引。 但我依舊不捨用其他去取替我這個伴了 16 年的老全盒。  老土就老土啦～  最緊要係我喜歡～

年花特別班 ～祝大家大紅大紫

今年大魔王決定搬盤桔返屋企，而我卻因為學校開辦了年花班所以也懶得到花墟運吉。

XO 醬肉碎蛋炒飯

材料 ：
免治肉碎
蔥粒
蛋 3 隻 （不用撥勻）
xo 醬 （走油）
白飯約 4.5 碗

法式中 LeSSon 11 ～ PiN LeAVe TecHniQue

花材 ：
1) Tulip 鬱金香
2) Ranunculus 洋牡丹
3) Barbatus 石竹梅
4) Hyacinthus 風信子
5) tea leave 茶葉
6) Dracaena 芭西鐵葉

石塘咀熟食中心 ～ 成發海鮮小廚

過年前搞搞個頭先。  今次只係夠時間剪＋set perm。 每次剪頭基本上都要搞足成日， 由十一點半開始弄到五點半。 所以跟肥仔放工時間接上的話都決定到外晚餐。

是夜肥仔決定跟我回到我剛搬出來住的石塘咀區緬懷一番。

選了熟食中心最多人的一家用饍。  出乎意料之外，我們點這三道菜可以媲美大酒樓。 椒鹽九肚魚外脆魚嫩， 入口完全沒有油膩的感覺。 碟底找不到一滴油。

滑蛋蝦仁同樣有水準。 蛋香又滑。 蝦仁大大隻。

紅燒豆腐我就無法評價。  因為實在不曉得這道菜用什麼準則來評審。

三餸＋1 支大生力共 189 大洋。

而且地方寬鬆嫌有乾淨枱布。   環境舒服。

肥仔話個廁所好乾淨。

相信這兒會成為我倆其中一個飯堂。

我們鄰坐是一班日本高中生來嘆港式邊爐。

KoEKie Z fm 大魔

大魔送上一盒她經常幫襯的自家 cookie。

和麗麗第一個團年飯

前個星期天在大魔家中吃團年飯好讓兩腳、三腳和四腳的一齊參與。  是晚三、四腳的先開餐。

麗麗第一次見齊媽媽家中各人，害怕得躲進大佬佬房間、爸爸單車套下。

StAuB ~ 鑄鐵鍋書

在網絡書店找到了這兩本關於鑄鐵鍋的書。  雖然荷蘭鍋那本看似毫不相干，但其同是鑄鐵鍋類。 參考參考也無妨。

看過後兩本內容同是簡單易明。

代用錶帶

因為原廠錶帶的格位不太合手腕，多扣一格有點緊，少扣一格錶身偶爾會鬆至可以在腕上 360 度旋轉。  所以另外買了三條代用錶帶。  但肥仔對代用錶帶有所保留，他覺得還是應該用回原廠的好。

香煎蘿蔔 GO ~

比用麵包機做的硬了一點。 下次落少啲粉又或者加多少少水。 無落雞粉，所以味道略淡。  但總體算不錯 ～

Panasonic 麵包機 ～ 加湯種做黑橄欖麵包

材料 （1斤）
高粉 250G
酵母粉 3G
細砂糖 13G
鹽 3G
牛油 25G
蛋液 25G
奶 150G
黑橄欖 80G

RaSonIC 智能煲 + StaUB CRoSS OveR ~ 蘿蔔 GO、 Go、 GO！！

嘻嘻～第一次做蘿蔔糕用咗 P 仔。  今次想用普通方法整，但係諗起開鑊蒸要成 45 分鐘。 要吓吓睇火嫌加水。 於是唯有做少少，最緊要係搵到一個盆放入智能煲內鍋。 成功了～

白蘿蔔   :     1kg  左右
粘米粉   :     150g
粟粉       :     50g
水           :     480g （蝦米水、蘿蔔水和干貝水）

調味       :     糖、鹽 、 胡椒粉 少許
餡料      ：   臘腸 1 條、膶腸 1 條、干貝、蝦米

法式中 LeSSon 10 ～ WeaVinG TecHniQue

花材 ：
1) Umbrella Plant 風車草
2) Sun Flower 向日葵
3) Ivy 長春籐
4) Asparagus 露筍草
5) 麻繩

作法 ：
1) 將每支風車草莖部剪成三段。  沿著花泥外圍插入。
2) 將麻繩對接圈在其中一支風車草莖上，然後在每支間交替穿上。 由下繞至上。
3) 插入露筍草。
4) 插入向日葵。
5) 在花盆頂繞上長春藤即成。

StaUB ~ 雙冬枝竹羊腩煲

凍凍哋，炆返個羊腩煲食。  用埋個電磁爐上枱，邊食邊加入生菜烚吓烚吓。  第一次整，好成功。

食譜來源 ： Shirley@原味生活

材料:
急凍羊腩
冬菇
冬筍
枝竹
馬蹄
薑
蒜頭
乾葱頭
陳皮
柱侯醬  2湯匙
南乳        1磚
腐乳        2磚 (細）
冰糖    1小粒 (1粒馬蹄大小)

My FirSt PaNErai

好多年前已經想再正正經經買一隻錶。  除了 N 年前買了第一隻 cartier Pasha 外，之後的都是價值不高， 帶玩味的錶。

雖然 rolex 是老牌子又保值，但總覺得不是我杯茶。   IWC 是另一個較為吸引我的品牌。  但卻沒有一隻讓我衝動入手的錶。  記得數年前，有位舊同事跟我提及一個意大利品牌，新冒起的。  但礙於對這品牌毫不認識而不了了之。

直至數天前， 在討論區上看到人家戴這品版帖子。  大錶面加護橋吸引了我的注意。  雖然是男裝， 但我喜歡這類型格款式。 於是又啟動了我個搜尋系統。  上網爬文去了解這品牌的歷史和款式後才正式入手。

選了這款。 喜歡磨沙鋼表殻＋拋光錶圈。 帶日期及第二時區顯示，背面有動力儲存顯示。  雖然專門店買沒有折頭。 但多送一條皮帶。  而且服務超細心。  讚～

StaUB 18cm round ~ XO 醬炒花螺

經常弄白灼花螺，吃得有點悶，所以攪攪新意思。 來個 XO 醬花螺。

參考食譜 ： MOONmoon's Kitchen

材料 ～
花螺
XO醬
蒜茸

紐約芝士餅 "附食譜和做法"

身痕做了個 new york cheesecake。

全相 ～


參考食譜 ： 歐倩儀情迷蛋糕

My seCoND MooN BooTS

對 Moon Boots 情有獨鐘。  愛它那個"鈍鈍"的款。 但香港找到的款式不多又貴。 看到 moon boots 網頁提供郵購，所以索性直接越洋訂購。

Moon boots 個鞋底有些吸盆，作用防滑。  所以在冰面走時感覺不會太滑。 另外，moon boots 外的物料較防水，所以踏入雪地也不怕雪溶了而滲進鞋內。

StaUB FiSh Hot PLaTe with LiD ～ 蒸鯇魚

超方便～

明天麗麗東張西望～ 》》 讓路給長軰六叔先

** 註 ： 照片 by 大魔王

請支持／關注毛孩子 ～

九陽豆漿機植物奶牛系列 DJ13B-D08D ～ 栗子糊

因為成品比較杰，所以叫栗子糊。

材料
栗子去殻 250G
白飯 1/4 碗 >>  成品有點杰。 可以酙量減少
冰糖 適量
水 900ML >>  若飯的份量不改就將水加至 1000ML

做法
1）先將去殻栗子放入滾水煮 20 分鐘左右後撈起放入另一鍋冷水中去皮。
2）將去皮栗子切細。
3）將栗子粒連飯、冰糖及水放入九陽豆漿機， 再按選擇至“五穀”功能即可。

天氣凍？! 麗麗無有怕～

因為麗麗已經有個溫暖的家！  希望其他毛孩子也找得到。

跟家姐、阿哥靠在一起取暖。  獨欠鬼鬼竄竄準備去偷番薯的二佬。

雖然我有個大喇叭，但係大家都唔介意呢！

二佬小虎虎諗住扮火雞去偷食。

註 ： 相片由大魔王提供

StaUB 18cm round ~ 花膠海參炆冬菇

早一晚有少許鮑魚汁剩餘，所以加份量後將 18cm 開齋。

今次將之前用過的食譜稍改。

材料 :

冬菇 （細）

急凍海參 （百佳）

花膠 （99 已發放在冰格）

瑤柱 2 粒 >> 唔記得落

薑片

蒽

調味 :

餘下的鮑魚汁  >> 若份量不夠再加入以下調味料 ：

蠔油

老抽

冰糖少許

浸菇水

浸瑤柱水

做法:

1）將冬菇用熱水浸至淋身。 冬菇撈起用落砂糖及生粉拌洗後用水沖乾淨。 

2）急凍海參解凍後去腸用水清洗。  燒一鍋水加薑、蒽， 放入海參汆水， 瀝乾備用。

3）Staub 18cm 以中火燒熱， 落 2 匙油， 放入薑片及冬菇炒至釋放出香味， 加倒入浸菇水，鮑魚汁 （及其他調味料）後拌勻以大火煮滾後轉極小火炆 30分鐘後熄火焗 40 分鐘。

4）食前以中火煮滾後加入海參及花膠， 以極小火炆 30 分。  燜 10 分鐘。 開蓋後如太多汁可以開大火不停攪拌（以免痴底）至收汁。  繼而加生粉水埋獻即成。

StaUB ~ 18cm RouND

期待已久的 18cm round 終於到貨了。 原本買了 2 個的， 但收貨時兩個煲都有點瑕疵。

綠色的煲蓋邊搪瓷不均。   當然我知道不影響使用。  所以勉強將綠色收貨了。  但紅色的卻在表面有個一毫米針孔， 清晰見到一個黑洞仔。  真係接受不了。

StaUB FiSh Hot PLaTe with LiD ～ 蒸魚

買魚碟都係想用嚟蒸魚。  昨晚開齋了～

魚太長就分開兩段好了。

RaSonIC 智能煲 + StaUB CRoSS OveR ~ 炆乾鮑魚 ＋海參

第一次學人整乾鮑魚.....只因被迫。

其實一直無諗過學人整乾鮑魚。 因為知道工序多又唔識買。  而且現今罐頭鮑超方便。

之但係話說肥仔阿媽失驚無神買咗一堆"迷你"乾鮑返嚟。  跟手她取了部分煮.....但係工序只做了一半。 之後死都要我用我啲煲接手。  我已經話我未試過＋你講到咁貴嚟碗拒。  但係佢堅持話"我都幫你整咗，點解你唔幫我煮埋佢"。  幾想講我無叫你幫我整，  我亦無打算整！

其實我最鬼討厭就係人家煮一半要我跟手。  加上未整過， 講到"好貴㗎！" 更加唔想攞嚟"較飛"。  再者唔想給她養成壞習。  鐘意鐘意就煮一半......

法式中 LeSSon 9 ～ CouNtrY StyLE

課堂主要教如何運用大葉片。

花材 ：
1) Rain Forest Leaves 熱帶雨林葉
2) Alstroemeria 水仙百合
3) Spray Rose 小玫瑰
4) 鮮草皮
5) tea leaves 森樹葉
6) Dogwood 紅木

StaUB FiSh Hot PLaTe with LiD ～ 剪綵

原打算蒸魚。 但係皇太后一早已經同我講話今晚可以煮咩煮咩......即係已經幫我計劃好晒。  唉！ 算啦！ 費事又逆佢意。

所以用魚碟蒸酸梅麵豉排骨。

另外叫我煮菜。 我揀欖菜炒青豆。

得我倆， 食到一半佢諗住食唔晒。  叫我聽日將排骨同豆一齊炆，我聽完即時 "O" 咀。  酸梅麵豉同欖菜又可以住埋一齊?!  唔係呱......所以死都食晒佢。

話時話，魚碟用嚟蒸餸都好好用。  可能有啲人會覺得唔夠深，但係我覺得適中。 不過深多 0.5 cm 應該較完美。

StaUB ~ 31cm OvaL FiSh Hot PLaTe with LiD

等咗成 2 個月，今日終於收貨了！

Walkie talkie 滑雪必備

以前去旅行都會帶備對講機。 但那個時候所用的都是一般貨式。 任何人都會收聽到大家的對話。 但自從滑雪後那種已經不敷應用。  於是決定去鴨記再買一個。

可惜去年 2 月買的同樣差勁。 我在山腳，肥仔在山上， 相距七百多米已經"喳喳嚓嚓"。  唉！

於是又去再買。  是次遇上不錯的售貨哥仔。 他講解完一輪，索性取一部他應為合適的叫肥仔有咁遠行咁遠去試機。  肥仔從鴨記走到黃金腦場也接收清晰。  所以七百多元一台也買下。

是次滑雪旅程經測試後非常滿意。  肥仔在別的雪道山上也收到。 在留壽都，我在東山吊車站，肥仔返回西山的北冀酒店房間取東西也接收到。 只是他在酒店內訊號有點差。

麗麗主場新聞報導有片睇

主場新聞有片睇啦! 

北海道滑雪渡聖誕 ～ 收穫編

是次最大收穫是買了這雙 Atomic 新雪 boots。  我並沒有見異思遷。  只是去年朋友陪同買的一雙男裝實在有點大。  我穿上兩雙襪子也覺得有空間。  滑的時候總未能得心應手。

肥仔決定無論如何也要去買一雙女裝的給我。  幸好無意中在富良野市找到一家運動店。  於是入內看看有沒有合適的。  款式不太多。 店員挑了兩款給我選擇。  最後選了這雙兩扣的。 18800 円 （約 1500 港元)。  穿起來貼腳多了。

而我舊的一雙肥仔發現比他的一雙尺碼更合適。  所以索性拿到店裡細店員調較後使用。 調整滑雪用具收費 650 円。

儍瞳再現 ～

老三好難先現身。  連大魔們也只在食飯時候才見上一面。  昨晚大魔王難得拍到她的照片。

老樣子經常將脷伸出，一副儍樣。

StaUB 忙於出勤 ～ 洋蔥湯 ＋焗青口 ＋鮮蝦五色意粉

簡簡單單。 最花時間反而係洋蔥湯。

可能我怕易燶，所以用細火慢慢炒。  炒成粒鐘先逹到金黃色。 不過今次確實比上次更濃味。  好正。