淘 ～ 按摩披肩

原本打算買張按摩椅，但最後選擇了跑步機。  但係我個慾念仲未完全消滅......又係無意中......你知佢個版面耐唔耐咩雙十一、雙十二都會介紹啲不同種類產品的優惠.....見到按摩器....於是又睇一大輪。

找到了這款平、靚、正的按魔披肩。 仿真人按摩。 139 人仔。  我覺得好似比人推筋咁。 正！  我最鐘意"彈"筋。  啱晒我！

損傷輕微

拆櫃後當然多多少少都搵到啲爛咗嘅嘢。 但係最激氣係個酒櫃拆箱都完好，個工人抬埋位時唔夠力，成個"鋤"咗落地。 個角爆咗！ 不過肥仔話個櫃無壞就算了。

dubai 隻鴼駝無幫我塞紙入盒，所以砸爛咗。

老朋友の上海飯局

湯包唔少得。 師傅推介這家"席永記"。 佢話湯包館最緊要流量大，咁樣料一定新鮮。 原本打算帶佢去佳家，但係一講起師傅話無聽過。

蟹粉小籠包、生煎包和蘇州湯包才 26.5 人仔。  抵食。 皮雖然無鼎泰豐咁簿，但係食到 QQ 的感覺。

席永記蘇州湯包館 （雲南南路店）
雲南南路 51 號 （近小金陵鹽水鴨店）

其中一餐晚餐去咗"蝶園"。  是晚 270 人仔。

地址 ： 太倉路 70 號 （近嵩山路）

點解？！

我都好想知點解同佢溝通唔到。 雖然個櫃到咗，但係明知我有朋友嚟，係都要洗同晾到一屋都係！   洗遲兩日會死㗎？！

露台不特止，仲要响廳啲飾櫃掛到萬國旗咁。  廳中間放埋兩張餐櫈晾被袋。 好彩我同老朋友放低行李就出咗去冇眼睇。 返到嚟廳嗰啲消失咗。

不過第二朝又成個露台迫爆！

帥哥 ～ 小虎虎

註 ： 大魔王照片

小虎虎真係好鬼型。 佢個眼神凌厲到。

唉～ 佢永遠只會乖乖伏响佢最神服嘅大佬佬肚 dump 上。  嫉妒！

終於拆櫃喇 \^0^/

好掛住我啲煲煲、礃礃～

老朋友簡直係貴人。 唔話嚟住隻櫃都唔到。 佢一話嚟住隻櫃就到。  上星期她計劃出差後 stay behind。 星期四過嚟住。  但係星期一突然通知隻櫃已清關。  肥仔問使唔使等佢返先送。  我等咗成兩個半月喇。  加上繼老朋友之後當晚新加坡阿姐嚟開會又係要食飯。 所以唔等喇.....嚟就嚟啦。

原來海關真係有做嘢。 開咗我哋好多箱。 尤其是書、 光碟和酒。 被沒收了一些千年番梘。

幸好我的包包逃過一劫。

淘 ～ 智利帝王蟹

唔好問我點解淘.....因為淘實在太方便。  加上這款蟹品種應該中國無。 所以應該點都係入口貨。  係唔係真係由智利入就唔肯定啦。

睇落都唔錯。

淘 ～ 跑步機

見客廳中那個大而無當的窗台實在浪費之極。  所以一直想將這個位置利用一下。 曾想過買按摩椅。 但係又覺得大大張將窗外景色都遮住了。 後來研究起放上跑步機。 因為我係一個懶人， 連行去會所做 gym 我都懶。

淘東西時無意中看到這款跑步機才 1688 人仔。  而且評價甚高。 給肥仔過目後申請被獲得通過。

淘 ～ 95% 羽絨被

老朋友嚟出差，諗住多留兩日同我聚舊。 兩日就當然嚟我度孖鋪啦。

但係個貨櫃等極都唔知幾時到，所以拿拿林平平哋淘張返嚟頂住先。

淘實在花多眼亂，肥仔最初屬意駝毛、羊毛，但係見啲 comment 麻麻。 一係又好貴，所以又轉呔去返羽絨。

時間緊迫。 看到這張評價不錯。 228 人仔。 10 斤重。 含絨 95%。 size 220 x 240cm。

飲香蕉醋減肥 ～ 附食譜和做法

上網見到介紹話一個月可瘦 9 斤喎！  見唔難整，所以 DIY 咗一小瓶試吓先。   沒有其他密實空瓶了。 只有這個淘大蒜蓉豆豉醬的吉樽。

來源 ： life 生活網

材料 ：
香蕉 1 條
紅糖（最好黑糖）
水果醋或米醋
密封玻璃瓶

我家有個差評王

註 ： 賣家照片

這個稱號或"百彈齋主"皇太后當之無愧。  事情要由這個袋講起.....

話說我淘了一堆東西回來，而其中一個就是這個方便袋是買給她的。

因為之前她以前看上肥仔這個，但因為我們經常用，所以以沒有給她。

於是今年三月去滑雪時買了這款給她。 回來後得到她的評價 "太大，繩子太幼唔好揹"。

註 ： 賣家照片

所以我淘東西時看到這個繩子較粗又輕巧於是買回來給她。 最後得到評價係 "咁細個可以裝咩？" 你話滾唔滾？

所以肥仔在超市買保溫杯給他時，店員開櫃讓我們左揀右揀，我倆不停研究邊個好啲。 店員看到我們這樣就跟我們說"你媽媽一定很高興。" 我回她 "那你就錯了。 這麼多年買東西給她從來只有負面評價。 幾乎 99% 無一幸免。"。

誰知回家後先應驗了我這個方便袋。 於是肥仔好嬲，話佢阿媽，你真係冇錯，只有彈、冇讚。 你唔啱用就比返我哋。  所以唔鐘意幫你買嘢就係咁解。 我啱啱買個杯，我唔知你又會講啲咩。

有時咩叫越描越黑？  就係佢阿媽聽完肥仔咁講佢就答話"你唔好介意，我個人好直，我真係覺得咁細可以裝咩？"。 所以肥仔都唔客氣同佢講，阿媽我好介意。 因為咁多年你都係咁。

其實我都幾想話 "你都唔好介意，你呢啲人咪直到冇朋友囉。 同埋其實我好介意。"

淘 ～ 四葉草小夜燈

由於書房跟睡房一頭一尾。 雖然距離唔係好遠，但都要摸黑回去。  所以一直都想買一盞無需插電的夜光燈。

  終於比我淘到了。  28.5 人仔。  只需要 3 粒 3A  電蕊。

I'M TaOBaO QUeeN #^0^#

我終於當上 QUeen 了。 哈哈～  肥仔灌稱我這個稱號，因為日淘夜淘。 而且 so far 佢都覺得我淘啲嘢都唔錯。

冇人同你講嘢唔好問點解

昨日見到 FB 有 blog 友仔寫咗呢句嘢發洩。  看罷實在有感而發。 因為這句話跟皇太后簡直絕配。

九陽電飯煲 の 冬菇羊腩煲

於 city super 買入羊腩，用飯煲個蒸煮功能炆咗兩個鐘。 好腍呀！ 肥仔話下次個半鐘好喇。  由於唔係好記得之前個食譜，所以只係記得用柱侯醬。 於是亂咁嚟落咗麵豉醬＋月桂葉。 又估唔到 OK 喎。 唔係好大分別咋喎。

材料:
急凍羊腩
冬菇
薑
蒜頭
月桂葉
柱侯醬
麵豉醬
腐乳
冰糖

淘 ～ 智能插座

淘寶實在太多嘢喇。 又淘了個定時開關插座（左）給門口盞大光燈。  另外兩個無線遙控插座比電視櫃組櫃燈＆梳化後面兩盞地燈。  咁就唔使去逐樣去開關。 超方便。

先講這個定時插座。  可輪入 16 組時間。 我現在 set 第一組星期一至日，1730 hrs 開 - 2130 hrs 關。  第二組係肥仔逢星期一 0530 - 0600。  仲可以 set 1, 3, 5、 2, 4, 6 或任何自選日和時間。  每個 26.9 人仔。

上海 ～ 元世袓涮羊肉火鍋

天氣凍當然諗起打邊爐啦！ 不過我個貨櫃依然未到。 邊有爐烚吓烚吓呢！ 唯有出街食啦。  老馬朋友推介這間有優惠的靚靚特色店。

這店以涮羊肉為主打。 使用色彩繽紛的景泰藍鍋的鍋具。

上海 ～ 不錯的湯包店

老馬朋友帶我們吃他家附近這家不錯的湯包連鎖店。  店內普通裝修，但算整潔。 起碼比港式荼餐廳更整潔。 廚房傳菜小窗可在門外看到。  看到包餃的小妹沒有帶上口罩和髮罩，只簡單札條馬尾就低著頭密密包。

我們點了全家褔 3 份。  即叫即包即蒸。

上海海鮮市場 ～ 銅川水產市場

皇太后投訴街市只有淡水魚，而且活魚種類不多。 沒有海鮮。 所以跟老馬班港產朋友查問後推介我們去銅川路的水產市場。  星期六特意帶皇太后出巡。

龍蝦、瀨尿蝦、聖子、飽魚、蟓蛂蚌、墨魚、八爪魚、海班都有。  不過，名符其實海鮮價。  呃稱就一定㗎喇。  不過你精肥仔都唔笨，走埋去睇磅再狂壓價。  叫比佢呃少咗咁啦。

淘 ～ 冬日家居拖鞋

穿著開踭拖上落樓梯不太方便，而且冬天了，找對有毛毛兼包踭的。

防滑膠底。 20 人仔有交易。  仲要送到上門。  你話點可以唔淘！

腳背可翻起。  更冷時就更溫暖了。 質量一般啦。 鞋籠內毛毛不算太豐滿。 不過都舒服嘅。

小米電視 2

人生第一台 49" 電視呀！  以前因為個飾櫃限制個電視尺寸，依家換了櫃就可以買個大少少。 嚟到熊貓國發現我最支持的國產品牌“小米"出了部 49" 電視。

有 4K 超高清芒、 3D。   內置 MIUI TV 系统。 可收看高清電影和電視劇。 藍光、3D 電影專區。 部份免費。

一人 LunCh @ Wagas

去家樂褔 do Shopping 前先食個 lunch 先。 選了地下這間有 pasta 的。    這個 Penne chicken Pesto 要 52 人仔。 一點也不平宜喎！ 不過估唔到幾好食。 好味到成碗食晒。  嘩！ 肥死我！

加埋杯 22 人仔齋啡。  消費了 74 人仔。

淘 ～ 英倫式禮帽

淘嚟仲咩呢？！ 唔知呀！  見到唔貴，comment 又幾好。 所以買入。  全部 258 人仔。

你能相信這是上海嗎？

發展迅速的上海，好多重點發展地方已經改頭換面。 有時代感，設計新穎。

全城熱捧 ～ 番茄飯

人整我又整。

我個番茄飯加入少許胡蘿葡碎、洋蔥碎和肉片。  撒了少許鹽和意大利雜香草煮。

大閘蟹，我嚟喇！！

嚟到上海已經第二次在家吃大閘蟹了！ Yummy！

街市買，每隻 32 人仔。  好抵食。

淘 ～ 自拍神器

我都神器咗喇！ 你神咗未？  近兩年都非常流行這個東西。 不過最初發現大多使用者都係來自熊貓國。 但無可否認這是一個非常好的發明。  漸漸地都產生了興趣。  不過當時沒有遙控，所以就一直抱著觀望態度。

直至蘇州之行，老馬朋友用上他在鴨記買來的影大合照，嘩！ 超方便。 不求人外又可以高拍景。  於是搞到我返嚟身痕，即刻上淘寶搵。

淘 ～ 九陽 One CuP 隨飲機

到咗熊貓國後最大鑊莫過於淘東西.....太方便了.....足不出戶可以日淘夜淘。  今次淘了部 "隨飲機"。

其實發現這部機是在小米商城上。 那次是對小米那台小蚁 WiFi 高清攝像機有興趣，不過還沒正式開售。 所以順手又去睇睇其他商品。 發現了這台九陽隨飲機在發售。  價錢才 499  人仔。 見啲人 comment 都話咖啡唔錯。  只係 caplusal 要返九陽訂。 於是我索性上淘寶 onecup 個官方旗艦店訂貨。

499 人仔送 3 盒不同口味 caplusals 及一隻咖啡杯。