濕水前的小鬼乖乖的坐著看書。
可是, 那天小鬼午睡後, 按媽媽規定, 最遲傍晚五時半一定要叫醒他。 否則, 這隻小鬼晚上又不肯去睡了。
不過, 這隻小鬼若不是自然醒的話, 起身就會扭計。 這次如是。 起來哭哭啼啼, 嚷著要嫲嫲抱抱。 但嫲嫲忙於弄她的晚餐。 因為我這家怪人是分開煮食的。 嫲嫲弄完就到爺爺。 所以小鬼硬要扭計要嫲嫲抱當然不成了。 於是他又哭又爬閘要入廚房。 就算我抱他, 也不成。 開電視又不成。 搞到最愛𠲖𠲖哦哦的爺爺又借題發揮說工人姐姐的不是。
嫲嫲弄好準備開餐之際, 隻小鬼係都要爬到嫲嫲身上去。 爺爺已經看準又𠲖哦𠲖哦。
於是我熊抱式要他跟我坐在梳化上。 他當然沒有罷休了。
所謂佛都有火, 我“啲”佢上三樓房間玩困獸鬥。
我俟著房門就是不讓他自己開門出去, 因為這隻小鬼懂得自己開門了。 我上了鎖也被他弄開了。 所以只好“俟”著房門。 由他自己在房間內哭鬧。 其間他指著自己又指著下面表示要到樓下去, 我問佢“收聲未?“, 他又繼續哭。 所以我跟他說”你一日喊, 一日都唔使出去。“ 於是他繼續發佢少爺脾氣。 我就睇住佢發自己老脾。 又很努力去開門鎖。
過了十幾廿分鐘.....我好大聲叫佢”收聲!”。 這次很有效.....雖然佢偏著咀, 含住包眼淚, 吊住條鼻涕.......但係....無晒聲。 我問佢係唔係要出去? 佢點點頭。 我話我要收晒聲先可以出去, 知唔知? 佢點點頭。 我話我係要一粒聲都無, 知唔知? 佢又點點頭。 我話如果我聽到一粒聲都要返上嚟, 知唔知? 佢又點點頭。
既然問佢咁多知唔知, 佢都點頭, 當然放佢出去啦! 走了兩級樓梯, 佢又想哭, 我話收唔收聲? 唔收聲返上去。 即刻收晒。 到了二樓又有少少.....不過一講都冇晒聲。
到地吓又有少少, 一講又收聲了。 抵步後又想一支箭颷去正在用餐的嫲嫲, 我同佢講, 你行近嫲嫲範圍都要返上去。 我跟他說只可以坐在自己那張學習枱等嫲嫲。 於是佢偏著咀坐在自己的枱, 飲著自己那杯水。
唉! 有時細路真係拿他沒法子。