WiNes for HoMe VISitiNG

肥仔老闆在家中設宴款待，實在唔知送咩好。 所以，穩陣起見，都係買兩瓶酒去。 幸好之前帶來諗住練習包花束的包裝紙可以派上用場。

袐書小姐和警察老公除了送酒，還送上花束。 下次又學吓先。

同場另一位同事和太太都係 pan 迷。  不約而同 4 隻 pan 仔。 而我和男同事是同款的。

老闆家隻 7 歲金毛尋回犬好鬼痴人。 自己咬住個波過來找人跟牠玩。 看到我們食 cheese 就係咁 "chi check" 咁轉。 見我哋冇反應就吠。 原來女兒告訴我們 cheese 是牠最愛。 所以女兒要牠做完所有指定動作後就給牠一小塊作奬勵。  之後，有時趁各人不為意就伸個頭上枱偷食。 最搞笑就係佢自己咬住個飯兜去廚房後掉在地上。 我們以為牠提醒晚飯時間已到。 原來女主人告知這是牠的水兜，水飲完了要添加。 晚餐其間，牠又在枱底偷餐巾紙。  真係好鬼鐘意佢。

講開食 cheese，鬼佬 cheese platter 唔少得。 是次看到人家除了配餅外，還配上無花果醬。 意想不到，真係好味！ 另一位太太教我 pama cheese 配蜜糖同樣好味。  這個有機會試吓先。

人家個 table setting 好簡單，但係又好睇。 用了兩張長枱布墊，每張打對的放置。 中間放些花。 而中間打對兩個位就放單墊。 這樣中間空位可以放點麵包，有汽和無汽飲用水。  每個位都有一藤碟墊。 水杯和酒杯各一。

是晚搞到成 1 點先回家.....去到尾聲，真係眼瞓到咩英文都聽唔入腦。