5 Aug 2014, Tue
今日近近哋帶佢哋去 LauSannE。
我們到步先去午飯。 位置在這猶太教堂附近。
找到車位就求求其其選了附近的餐廳 Restaurant le Lyrique 。 在門外看過餐牌，不過睇唔明。 是但啦！
飯後到旁邊的公園為小鬼叉電。
這個小公園有障外挑戰。 愛妻號教小鬼如何走過重重障礙。
這班小朋友見小鬼玩得咁開心，又玩埋一份。
經過來回數圈後小鬼已經自己走上走落了。
見到哥哥、姐姐爬樹，小鬼又爬埋一份。
雖然爬極都係咁高，但總算勇敢地往上爬過。
車位夠鐘。 捉小鬼離開。
車駛往山上教堂，在 Rue Charles-Vuillermet 的舊書院等了一會就等到了停車位，以為好幸運。 誰知泊入後剛離開的車倒後告訴我們這個是私人車位（黃線即私人車位）。 噢......失望！ 不過，駛出後在路邊找到白色線的車位。 即係入錶買票可泊。
書院建於 1579 - 1587 年間。
下車後在旁邊的小店買了一個木制扭扭變形機械人。
先往上走，去到 Château Saint-Maire。 城堡建於 1397 - 1427 年期間。 Abraham Davel 雕像。
現在是議會地點。 是民族遺產之一。
小鬼在此留影。
從 Sentier des Colombes 走，看到山下的 Musée d'Archéologie et d'Histoire.
朝著教堂進發。
小鬼在教堂前的空地看到白鴿就好似"吉吉"姑丈一樣，追住佢哋。
小鬼一鍚媽咪就好鬼肉緊。 整個臉和頸都鍚勻。 真係媽咪個心肝寶貝。
小鬼對兩位哥哥捉棋好有興趣。 好想參與。 不過，我們都不明白這個遊戲，所以著小鬼站在旁邊觀戰好了。
從前這裡是主教的宮殿。 現在已經成為 Musée Historique de Lausanne。
一隻甩繩馬騮四圍走。
入教堂前又要同小鬼洗腦。
The Cathedral of Lausanne 施工開始於1150。 約 1275 完成。
這教堂光度十足。
教堂內主要欣賞彩窗和拱頂彩繪。
大型風琴同樣值得留意。 據介紹有近 7000 支管，重達 40 噸。 用了 150,000 小時去建造。
內部角落。
無法令小鬼停下來。
最後爸爸要他坐定定後細細聲嚴肅地將他訓示一番。
細魔從這裡走下舊城區探路看看應否取車離開。
最後還是決定將車駛到 Palais de Rumine。 Palace 內包括了大學、圖書館、美術博物館和科學博物館。
停車場出口的餐廳有一個小型遊樂場。 雖然唔知係咪對外開放，但小鬼二話不說已經飛奔去玩過不亦樂乎。
沿著這條路往下走。
City Hall，建於1673 - 1675年。
跟他們匯合後，去了之前跟肥仔吃過的那間 cafe。
小鬼在選擇他心儀的蛋糕。
不過到手後永遠都係隔離飯焦香。 小鬼看上我的芒果 mosses cake。
蛋糕店對面有間玩具店。 小鬼和這位小男孩對門外這台八爪魚噴水機很有興趣。
最後一站去到必到景點之一 Chateau de Chillion @ Montreux。
到步時以為已經到了閉館時間，誰知夏天延長了一小時。
趁小鬼在夢中，著他倆自行入堡參觀。
我留守車上。
等侯其間在旁邊拍拍照。
偷看小鬼啲長長眼睫毛。
其間有個中東男子＋其女朋友走前來問我車可否停在這裡。 我表示他要用那個在車上藍色轉盆紙咭，將時間轉到到達時間，由那刻開始算 4 小時。 上圖白色底小四方框內個圓形圖即表示使用藍色轉盆紙咭。 "max. 4H" 即最多 4 小時。 7j/7j 即一星期七天。 de 08h00 a 20h00 即 8 點 - 20 點。
之後又有位國內女人和兒子走到我窗邊，問我識唔識講普通話。 知道我可以，就問我這裡可否泊車，我將教中東男子手法重覆一遍。 之後她又取出手機問我相中黃格可否泊車，我表示相片中的黃格印有 "police" 的字，黃格是私人車位，而加上有這個字應該只有警車才能停泊。 她表示謝意後安心地離開去參觀。
睡醒了之後就是困獸鬥之開始。 小鬼哭著要趕我走，叫佢飲水又唔啱，開門又唔比，開窗又唔比。 仲話，我唔鐘意你，你走開。 佢話搵阿媽，我同佢講你等一陣媽媽返都唔得，仲搵紙掟我。 真係好想一腳伸佢出車。
我同佢講你收聲我帶你去搵媽咪，佢都唔得。 費事啋佢。 嗦性你有你喊。 我有我玩電話。
見到佢阿媽，真係有種耶穌得救的感覺。
是肥仔放工後幫我準備食材。 待我回家後煮晚飯一起聚餐。
回家後肥仔得知小鬼"蝦"我，即捉住佢訓示....."你知唔知姑丈最鍚邊個？ 你激嬲邊個？ 咁係唔係你唔啱？ 等等....."
回魂了，當然表示知錯啦。 不過那刻真係想掉佢落湖。
關於瑞士道路守則，可以到這裡一看 ：
http://www.swissvistas.com/driving-in-switzerland.html#.VBxKTUtcZmE
重溫 ：
OnE daY TrIP to LausANNe
OnE daY TrIP to AnnEcY, EviAn @ FRanCE + MoNTreUx @ SwisS
港童既壞習慣無得改變，因為係一種風氣⋯
回覆刪除依家仲細。 希望可以改咗去啦。::_351
刪除