TORiNO 3 DayS TRip Day 2 @ TORiNO

23 Aug 2014, Sat

買唔到哈蜜瓜就專心一點去當個遊客啦！

咪咪嚒嚒去到第一景點 "Basilica di Superga" 都已經下午十二時了。

教堂歷史記載 1706 年 Torino 被法國軍隊入侵，當時的領軍首領登山為方便視察戰場情況而在這山頂的小教堂裡向聖母前起誓如果獲勝，他將建立一個更大的教堂以紀念聖母。  結果經過一輪苦戰後取得勝利。 所以他履行他的承諾。

教堂內這兩幅大型雲石立體雕塑栩栩如生。

另外紀念發生於 1949 年 5 月 4 日 torino 欖球隊的飛機於這裡後山撞毀的紀念墓碑已重置到教堂去。

在此可以一覽無遺 Torino 的市景就知當時點解首領要選這裡作觀察點。

離開後車駛到了近河的一個廣場 "Piazza Vittorio Veneto"。

懶得走到對岸，就在這裡看看 Chiesa della Gran Madre di Dio。 這教堂建於 1827-1831 年期間。

下游多了一道人工灣道，另河以水流過時更美更壯觀。

而另一邊上游就顯得平靜多了。

Torino 地標之一 "Museo Nazionale del Cinema"。  這座電影博物館於 2000 年開放。

在電影博物館附近的旅遊咨詢中心查問了工作人員那裡較多餐廳後，我們就向著那個方向出發。  範圍在 Piazza Carlina 附近。

老老實，行到附近真係寥寥無幾。 求其見呢間有咁大個牌 specialita Gnocchi di Patate。 用 google translate 查一查大概係 special 意大利雲吞。 加上後生仔侍應一口流利英文招呼我哋，於是落搭。

有時真係唔知好嬲定好笑。 坐底後後生仔遞上 menu 後就忙其他的。 識英文嘅就唔過嚟。 唔識英文嘅老闆娘就捧住盆自家制生的意大利粉走過來，好似意思係叫我哋㨂。 但係其實肥仔睇中鄰枱的 set lunch。 問佢，佢就用意大利文同我哋講。 好似都係叫我哋㨂佢手上盆麵。 最後走鬼埋。 隔離原來係法國過嚟。 英文唔錯。 同佢哋傾咗兩句後老闆娘又再過嚟。 我求其指個扁條意粉，然後指 menu 海鮮番茄煮法。 肥仔死都指隔離枱。  雞同鴨講下最後都嚟到我哋想食嘅嘢。  個意粉又真係幾好味。 肥仔嗰份就叫細份咗啲。 不過味道都好正。

用餐其間見後生仔侍應送食客飯後品。 一瓶用烈酒＋不同香料或水果皮去浸的方糖。  還將方糖點火後放入一位太太口中。 飯後我們都試了一口沒點火的。 含在口中.....hm....."拿拿哋、灼灼地"。 肥仔就覺得好似食 washibi 咁，我就冇咁強烈。 檸檬皮浸的都幾清香。 椒粒＋薰衣草的就較濃味。  原本仲送一杯飯後小酒。 不過已經食咗成 4 粒酒糖。 驚飲埋嗰杯一陣就暈咗。 所以婉拒了。

為免飯氣攻心，走走先。 經過 18 世紀的建築 "collegio delle province"。 好似係以前大學生宿舍。

Tempio Valdese 屬新哥德式風格。 建於 1851 - 1853 年之間為慶祝由 Valdesi 爭取宗教自由取得了勝利。

Chiesa di San Massimo 教堂是為奉獻給 Torino 第一位主教而建的。  它建於 1844年 - 1853年。

現在歐洲大部份國家都提供單車給遊人使用。 收費視乎每個地方。  torino 要先買儲值咭，基本上每個地點取車後頭半小時免費。

在單車站旁有教堂 Chiesa di San Michele。 是希臘某種族的天主教徒使用。

走回 via pro 準備行街街。 教堂 Chiesa della Santissima Annunziata 位於這條街上。 建於 1648 - 1656 年之間。 最特別係覺得教堂好少見有露台風格的。

走入這座有天幕的 Galleria Subalpina。

話去行街街，行行吓又行咗去啲大大舊建築物。 這座係 Turin National University Library。

對面有 Museum of The Risorgimento，達國家級的博物館。

穿過博物館去到另一面的 Palazzo Carignano。

廣場上的住宅陽台都種滿燦爛鮮花。  亞洲人窗前、露台就算種得幾靚一般都種到亂七八糟。 真係要學習一下。

咦！ 好熱鬧喎！ 終於有條似樣啲嘅街行吓喇。

在一條走廊下有這排銅雕塑。

取車時，車被曬得熱辣辣，但係又發現架車冇冷氣。 真係想殺咗肥仔。 成日啲租車公司話架車有冷氣，次次遇著呢款車，5 次有 3 次冇冷氣。  想熱死人咩。 有點不服氣。 趁肥仔去廁所，我又研究一番。 無理由其他車都有個"雪花"制，呢架冇㗎.......

見到個"雪花" icon，但係拎嚟拎去都唔著.......原來係襟落去㗎！ 撞鬼！ 上次拿波里咪自己拙咗！  唉～  人蠢無藥醫...苦了自己。

黃昏回酒店時車經過 Piazza Vittorio Veneto，遠看山上的教堂 "Chiesa di Santa Maria del Monte"。

晚餐見酒店對面的意大利餐廳 "Pizzeria Cernaia 31" 用餐環境好似唔錯，所以決定不重複到 eataly。 

論食物都好滿意。 最重要近近哋，肥仔唔使開車，可以同我暢飲一番。