早餐安排在峰景餐廳. 沒有相約大魔們一起. 因為想多睡一會兒. 不過, 最後都在餐廳碰上. 我和肥仔沒有吃太多. 因為知道好快又去食午餐.
早餐後正準備離開時在門口遇上日本婆, 她又被兒子遺棄了. 所以, 聯同我們一起到商場逛逛. 因為十二點要 check out, 跟住十二點半要集合, 所以無咩地方可以去.
check out後又係食.....官也街的熊貓葡國餐廳午膳.
多到真係食唔晒, 而且味道都唔錯.
飯後有少少時間, 所以導遊推介我們吃莫義記大菜糕.
順道掃埋鉅記手信. 好在拖個喼仔. 買完都可以塞、塞、塞. 唔使"一揪二Lang"
B 車司機蠻守時的, 車子準時駛到. A 車不知所蹤, 所以我們也讓 A 車的團友到車上涼住冷氣侯車.
等待之際, 目睹一宗交通意外發生. 的士掉頭時沒有注意小綿羊殺到. 連車帶人被撞倒. 幸好, 綿羊仔司機只受了輕傷. 就因為這樁意外, 我們的旅遊巴要急急離開. 因為警察到的話會牽連我車都被抄牌. A、B 車來個大兜亂. 害得導遊在點人數上無從入手. 因為午餐後一批人會隨團繼續市內觀光. 不隨團的就在午餐後離團.
我們幾個都隨團觀光、觀光. 澳門旅遊塔是其中一個景點
原來這裡的笨豬跳生意蠻不錯, 一個接著一個.
日本仔幾專心睇吓人家點做笨豬. 因為, 他曾經要求日本婆比佢跳, 再唔係就到外圍行個圈.....日本婆真係比佢激到生蝦咁跳.
第二兼最後一個景點就係大三巴.....大家可自由活動. 要跟車前往碼頭返港的就要四點半集合. 不然, 大家就自行安排返港時間, 因為公司已派發為大家代購了不同時段的船飛.
原打算晚飯後才返港, 但真的滿肚子食物還未來得切消化, 又見沿路走到新馬路都 people mountain, people sea. 所以我們到了海天堂吃個龜膏就決定到碼頭等候補位.
入去時, 我們直接將十點半船飛遞給配位員, 他對住大魔王講了一輪但大家都基本上聽唔到佢講咩.....anyway, 佢照樣將配好位的飛還給我們. 接過後就明白怎麼一回事了. 原來, 他將我們其中一張換成五點半的. 叫我們將這張放在最上就可以順利登船了. 這樣, 我們也不需要在外邊輪候.
沒想到這樣的旅程我也見累......唔好講少, 真係年紀大!!
沒有留言:
張貼留言