早上十時半船, 相約好大魔及大魔王到我家樓下集合一起出發去.
例行公事, 先去吃個早餐.
公司為了遷就住在不同區份的同事及家人, 分別安排了兩個出發點. 大家可選擇在信德或尖沙咀兩個碼頭出發. 我當然係老尖啦. 所以, 過到澳門後兩班人再合拼.
過到澳門後直接乘坐旅遊車到餐館"聚龍酒家"午膳.
用膳完畢後即前往下榻的酒店 ~ 威尼斯人渡假村. 由於兩位新華領隊要一次過 check in 四十幾間房, 為了不要浪費大家時間, 所以到達酒店後先行解散, 再請各團友下午四點返回西翼大堂集合.
我們走到商場, 有一隊叫 Stringfever 的小提琴家正在表演. 生鬼不沉悶. 好正!!
取得房鎖後, 當然先將行李放回房間啦.....
之後又相約大魔&大魔王到下面閒逛, 主要係影吓相.
五點又集合出發去京都酒店吃晚飯. 晚飯其間有遊戲節目....即係我哋所謂 team building.
第一環節, 家屬有奬問答比賽. 大魔都答中了問題取得一份奬品. 當然由我協助下啦! 因為係問有關公司O既嘢.
第二環節, 鬥快集合主持人所要的物品.
第三環節, 運乒乓球.
用餐其間我老闆走來問日本婆, 要唔要佢幫佢帶個仔去玩咩一級方程式.....攪到日本仔一聽完就扭佢阿媽話唔去睇 show. 最慘係之前已經跟公司 confirm 咗睇......人哋都派入場門卷先話唔去, 所以日本婆同日本仔講話冇得退票. 佢唔信, 問點解冇得退.....最後, 日本仔仲靜靜雞走去問 D 導遊. 最後我咁啱我有個同事可以要埋.....但係日本婆比佢個仔激到標眼水. 因為佢覺得好唔好意思. Confirm 咗又唔去. 因為咁同個仔成晚唔再啾啋.
吃飽飽後有份參加睇 ZAIA show 的團友隨車返回酒店. 其餘的可以自由活動. 除了睇 show, 公司為了照顧那些沒有興趣又或睇過 show 的團友另作安排. 另外定了幾個項目給團友們選擇. 團友們可以憑著發票取回費用. 每團友最高可以取回400元的費用.
睇 show 後才九點半. 我們決定到外邊走一走
手持部 LX3 拍出來的夜景還算不錯吧!!!
走了去新濠天地逛一逛.
入口有個水池, 蠻漂亮.
大魔要求我將牠拍下來, 因為好似她兒子 ~ 小虎
內裡有個虛擬的水族館, 透過投影技術展現出各式海洋生物及美人魚. 據聞還有個很值得一看的免費表演《龍騰》. 但我們已錯過了 show time.
之後決定找個地方飲杯O野. 回到威尼斯酒店去, 見到這間 Mcsorley's 有波睇, 所以決定在這裡落腳. 睇波唔飲啤酒好似差咁 D 嘢咁. 所以我都啤啤佢. 看罷球賽已是零晨十二時多了. 我呢類老人家要回房休息去了.
沒有留言:
張貼留言