今日轉場去了 Kiroro。 前往途中又闖進了迷之金三角。 每次都被 gps 引導去同一位置。
細魔到步即走到學校幫妹妹報堂。 可惜因為妹妹未滿三歲被拒絕。 雖然妹妹只差一個月就到 3 歲，但職員表示因保險問題無法接受申請。 所以無計。 愛妻號繼續帶著妹妹在新手區練習。
細魔安頓妻女之時，我們和小鬼一行三人先上山。 記得上次綠色 run 平路太多。 所以捱過開頭一段平路後要在紅綠交差口作出選擇時，我們最後三人都決定走紅色 Asari Dynamic。 衝到崖邊一望。。。。Au Man!! 😱，呢條係紅色？ 好似黑色喎 😅😅 好彩 board 可以企住飄葉式落山。 之不過當我專心落山嘅時候小鬼成日叫我睇呢樣睇嗰樣， 最後我要大聲同佢講 "唔好再叫我啦" 😂😂
成功落山後好鬼攰。 換出細魔跟他們再上山。 我留低陪愛妻號練習兼幫妹妹練習。
妹妹性格同哥哥剛好相反。 大膽，有主見。 咩都要自己做自己試。 好似搬 ski，有人肯幫你搬咪好囉。 但係佢堅持話自己識。
今次他們三人大中招。 選了全綠 Asari Panorama 接 Yoichi Course。 我哋唔等得，先去餐廳午餐。 他們這條路線平路撐到想死，最後有段平到一行三人決定除板行。
我們女子組的午餐。 食完男子組都仲未返到落嚟。 snowboard 最怕就係冇斜度。 加上我哋係 board 新手，速度唔夠好難衝過平路。 太長的平路真係索性除板行無咁嬲。 前後他們用了成粒鐘。 男子組用餐完畢已經 4 點了。 Gondola 已經停止運作。
趁人少，愛妻號想走到高一點的斜坡滑下。 這個媽媽好勤力呢！ 小鬼自己跑去雪橇 🛷 區玩耍。
妹妹繼續接愛訓練。
今日回到小屋已經差不多六點。 換掉衣服就出發去湯の花浸溫泉。 由於午餐吃得比較遲，所以在這裡的餐廳買了點小吃醫肚。 其間收到酒友告知一家在朝里溫泉區。 而且入住在我聖誕剛住過的酒店。 真係約都冇咁啱。 我們用餐後馬上到超市買點 snacks 去他們房間開 party💃💃。
早上出門前幫小靚女拍了些照片。
沒有留言:
張貼留言