是次旅行雖然沒有買到心儀牌子的包包， 肥仔怕我冇收獲， 所以看到我對這個品牌 zadig&Voltaire 的包包有興趣時， 落力地遊說我。
第三天在 wartburg 才買了這個小小紀念品。
第四天在 Weimar 買到了一些小木刻塊。 每片 1 歐羅， 所以每款買了一片回來。 小木刻祝台座約 3 歐羅。 雪櫃磁石鴨仔約 4 歐羅。
到商場如廁時， 在家品店買到了這一對可愛小兔。
同場見到平平地， 還買了個冰酒桶及醒酒器。
德國真係冇咩買.....第六日去到 Quedlinburg 先在一間家居飾品店買到了這些。 上面隻雞雞爉祝好得意....不過都幾貴， 淨係上面舊爉祝都要幾蛟。 見到下面嗰三隻兔仔就好似我哋三姐第咁.....在這家小店還買了兩個鐵藝爉祝掛架。
Day 7 一早行露天市場時在一小檔找到了這兩塊大羊毛。 又厚、又柔軟才 35 歐羅一張。 只係羊騷味的那陣“除”到現在還可以嗅到。
在 shopping mall 的花店買到了這隻小白兔。
等肥仔講電話時買了這個閃石頭箍。 7 歐羅都唔算貴嘅！
這兩個看以木雕的小擺設.....每個都有命名。 持花的稱之為 ”surrounded by love", 張手的稱之為 “happiness"。
在 potsdam 的家品店看上這隻坐在蛋蛋上的小兔。 但沒有即時買下， 因為肥仔想等第二天店內將酒杯補貨才一併購買。 這天肥仔留下我看車， 他獨個兒進店進行任務。 可惜， 酒杯還是缺貨。 於是肥仔幫我買了這隻兔回來。 不過， 我真係唔知佢有冇帶眼出街， 兔仔頭頂有個窿都睇唔到！ 激死！
day 11 終於在肥仔崇擁下買入了這個包包。 第一喜歡個紅皮， 突破我所擁有包包的顏色。 第二， 長短帶。 公仔 display 係揹長帶， 短帶隨意下垂。 覺得好型， 所以想前想後， 最終都買下來了。
另外路經一間家品店 "betlers berlin 12" 看到了這兩款白酒及香檳杯。 每隻 3.99 歐羅。 以這個價錢， 款色和價錢都合我們心意。 所以每款買了 8 隻。 哈哈....一共 16 隻打包返港。
到了 Dresedn 在 Karstadt 百貨公司， 竟然看到我們心愛酒杯品牌做推廣。 49 歐羅 18 隻杯， 真係超抵。 雖然在 berlin 已經買了 16 隻。 但係肥仔話唔搬返嚟真係對唔住自已。 所以又搬！
Day 12 在 Karstadt 百貨又有新發現， 找到了專清洗酒瓶的鐵珠仔。 因為醒酒器有不同形狀， 所以很難清洗的。 雖然效用有幾大， 我都未知。 但係只售 7 歐羅， 而且這些小東西香港很難買到。 所以有殺錯， 冇放過。
肥仔在商場上還看上了這隻手錶。 雖然唔係咩名牌， 不過肥仔好鐘意。 佢話我個客過百萬買隻柏德菲臘都話行一段時間就會慢， 錶係講求準時， 比咁多錢買隻唔準時O既錶要嚟仲咩喎....所以對佢嚟講錶唔使貴。 最緊要準。
其後還在出售德國全統手工藝的紀念品店買到我最喜歡用爉祝上升的熱力來推動的木風車。 其實以前也買了一個， 不過也想買這個小巧的。 雖然有點貴....29 歐羅....教堂大大舊才 15 歐羅。 雪人稍平， 幾歐羅就可以了。 坐櫈仔的小兔當然要過 10 歐羅啦～
最後一天的早上， 在小鎮 zwickau 買了這塊木雕給大魔。
老闆娘附送這片小的給我們。
還買了這些醃肉回來。
雖然又杯又羊毛， 但肥仔一向是包裝高手， 所以回港時都唔會話好麻煩。 我們大膽地將酒杯寄艙， 最愛品牌的酒杯一隻都冇事。 平的就爛了兩隻。 所以我們都好滿意。
沒有留言:
張貼留言