philips airfryer 試機菜式 ~ 燒牛排 ＋ 燒三文魚頭 ＋ 煎黃花魚

先以 180 度 3 分鐘預熱部 airfryer。 牛排以 180 度叮 8 分鐘。  我和肥仔覺得唔錯。 唔使煎到周圍油煙。 如果不喜歡太生的話， 可以調至 200 度 13 分鐘。 唔夠可以加時。

見肥仔阿媽有條黄花魚， 借來試機。

洗淨抺乾， 用鹽、胡椒粉醃一陣。 入爐前先撲上生粉。 如果唔想痴網， 可以先在網上塗點油。 然後將魚放上。 先用 180 度叮五分鐘。 跟住拉出在魚身上噴少許油 （噴一下就夠了）。 之後入爐以 200 度叮 10 分鐘 。  皮好脆， 肉好滑。  但係唔覺得油膩。

其實這個三文魚頭是用來滾魚湯。 所以用 airfry 嚟做煎香嗰部份。 以 200 度預熱 5 分鐘。 之後每邊叮 12 分鐘。

試咗三樣都覺得部機真係超方便。 入爐後如果想間中 check 吓又可以隨時拉出。