短暫出血 @ HK

28 Apr - 1 May

因為日本婆從澳洲返港吹雞一聚，難得人齊，所以不得不回去一趟。  可惜的是肥仔要工作，到五一放假又得三天，所以沒有跟我同行。 因此，我也得速去速回。

最近愛上用 GP，因為實用又可上膊。  出門是其中一個不二之選的包包。

回港後第一天只有半天時間，但已經辦了很多事.....check in 完，先去剪和染髮。 比預期快。 四點半左右就已經走得。

酒店位置超方便。 位於邊寧頓街。  即係 regal 後面。 雖然房間不大，但舒服。  還可以選擇健康枕。  可以算係精品酒店。 hkd 3460/ 3 nights including breakfast。  不過早餐對地頭蟲的我來說是浪費。

房間的卷簾和窗簾都裝有電動系統。  另外防盗門眼都以電子門眼取代舊式的。

隆堡柏寧頓酒店
香港銅鑼灣邊寧頓街13-15號

剪完頭就約肥仔細佬交收比佢老爸部電話。 因為他上班中（揸巴士），所以我按他指示乘 19 號巴士去跑馬地等他開的車到站後上車。 下車後有點時間，先去對面郵局寄信。 然後第一件事去萬寧幫皇太后買佢啲染髮膏。 雖然佢無講話買幾多，但係唔好煩，一炮過幫佢買十盒。 但最初 SA 哥哥話得 8 盒，最後入倉得 6 盒，都殺！ 跟住又"拿拿林"路返條斜路上去等。

竟然突然收到佢通知話唔見我......死啦！ 點知佢話以為我行落山嗰個站等佢.....冇諗過我又跑返上山。 當然啦......我又唔熟，當然返去原位安全啲啦。

上咗佢車，陪佢去到終站。 傾兩句再等佢開車送返我去最近銅鑼灣個站。 打算行返酒店放低一盒二盒才去跟老朋友食飯。 途中再入萬寧買多 4 盒。  湊夠十盒了！！！

飯後跟老朋友行去怡東坐的士，發現人流少得多了。  跟老朋友說，確實人少得多了。 老朋友不禁一句"你望吓啲舖頭，都係冇人"。 連鎖返應下就係執粒、截員、失業....到時失業率高企.....

送她坐車後入 sogo H 逛個圈.....原來要關門了。 不過，SA 好好人照招呼。   原 target bags，咁夜，咩都冇啦。 再睇 Collier de Chien，好鐘意。 但可能隻 pan 仔都好大隻，另一邊再戴 Collier de Chien 又覺得 too much。  所以放棄了。 停一停、諗一諗先.....


29 Apr 2015

是日算是日本婆很晚才到，所以這天蠻自由的。 出門前就收到皇太后 whatsapp 話佢考慮到長期使用，叫我幫佢買夠 10 盒染髮劑。  我話我第一時間已經買咗 10 盒.....

插花堂安排了在下午兩點半。   時間唔三唔四。  所以早上先去巡舖。 去了 LG，打算入 H，但太早，準備中。 入咗 CC，但心不在 CC，所以無收獲。

去返 sogo，買洗面油。 原本買一支......女人就係咁......有 set 好似抵啲又買 set。

再去惠康買湯包。  因為有惠康現金卷未用，加上湯包上海選擇不多。 所以一於掃！

插花堂前去了佐敦大熱睇線介.....其間看到另一隻蠻特別的閃閃，大愛！ 所以一齊入手。 印象中右邊的線介約五千多元。 但當店員寫單時，我又左裝右裝.....

看到左邊這隻全圍，連邊都有閃閃的.......最終作出了取捨.....

放棄了線介而選擇了全圍.....最終一個 GP 還要多的價埋單......冇計，喜歡設計......

可以拼在一起。

又可以分開戴。

舊同事是 RV 的 VIP，出門前要求她代購了一雙 flat shoes。  由於必須 VIP 簽咭取貨，所以她請司機送到插花學校去。

是次課堂恰巧是母親節。  無理由唔送給母親大人㗎。 所以上課後到了阿娘家一趟。 順便看看她獨個兒搬出來的家是怎麼樣。

傍晚細魔話同客行完 fair，上嚟幫阿娘裝櫃，知我响度，所以返去湊埋姐姐同小鬼到來。 裝櫃後愛妻號直接到九龍城一起用饍。

晚飯後再到附近吃甜品才送我和阿娘分別回家去。



30 Apr 2015

這天全日定為 bitches day!!!  但我由於皮膚敏感，所以預約了皮膚科醫生 10:15。  從酒店到醫務所才不到 5 分鐘。 幸好不用等多久。 開了些敏感藥和洗面奶。  約十一時多就好了。

之後去滙豐入錢還給同事。  再回酒店掛些眼耳口鼻再出門。

由於日本婆要辦私事太多，所以要大概要下午才路我們見面。 既然如此，先到置地換鞋順便會合老朋友。 雖然之前買過著 38。 但這雙 38 實在太大。 於是到專門店換細半號。  大概是方頭吧！ 所以細半號剛好。

不過那位潘姓 SA 的咀臉實在想"刮"佢兩巴！  個樣好似我冇比錢買鞋仲要嚟麻煩佢咁。  但後來一位 follow up 比我試鞋的 SA 就好 nice.

之後跟老朋友去翠華午餐。 再去 PP 會合日本婆。

meet up 日本婆去了Marriott 傾八婆心事。  4 時多打的回銅鑼灣。 但司機選了最塞車的軒尼斯道，而非駱克道。 中途勢色不對，我要司機比我中途落車。

我們逛著逛著，吃吃牛雜。

逛到 logon，日本婆在 promotion area 買了一個皮袋。 我買了這個 clutche。  after discount 約 hkd961。

間格唔錯。  喜歡。

皮膚敏感關係，開始注意 skin care 產品。 Skin rescue balm 聲稱讚 100% 有機。 為乾燥及乾裂皮膚提供保濕。 另外和老朋友 share 了連 body wash 的 promotion package。  希望用這些天然產品沖涼後另皮膚好轉。

晚餐在泉將居。 席間還收到遲來的聖誕禮物。

飯後和其中 3 位去怡東 drinks。  約十二時多才離開。


1 May 2015

是日返回上海去。 晨咁早就幫肥仔去萬寧買腳噴劑。 之後大魔抽空到來接送到機場。

最初還擔心超磅。 因為之前細魔給我買了 5 瓶大碼裝的枇杷膏。  通通塞進喼去。  只將對新 RV 和少量東西 hand carry。  幸好，沒超標 (20 kG)。

跟大㭽到 pokka 食 lunch 才匆匆入閘去。  僅僅在 1315 到了閘口前。

起飛時間延誤了一點點。 在飛機免稅店看上了 rose body oil。 因為皮膚搽極都"鞋烚烚"，所以買一瓶，沖涼後抺身前用幾點塗全身。  想買兩瓶，但 stock 只有一瓶。 要過xxx才可儲分。 所以買埋 rose beauty Essentials。 兩個產品送了 hand cream。

回家後拆行李，肥仔看後對我說....原來你的東西佔喼不多，但出的血可不少！