口臭之人!

昨日鐘點到來打掃.  一向同佢冇兩句.  因為佢嚟我就去返工.  但係今次放長假, 梗會O係屋企.  所以, 先發現佢都係一個口多之人.

第一次, 佢一入門口肥仔阿媽同佢講我醒咗.  佢即刻大大聲話"梗係啦!  佢唔驚我嘈醒佢呀!".....佢以為我O係房.  其實我係飯廳.  所以, 入晒我耳囉.....

今次咁啱我出街行去著鞋.....都唔知係我飄出去所以佢唔知定係點......佢又同肥仔阿媽講"你個深抱D高踭鞋咁鬼高, 仆死佢呀!".....跟住我拎鞋佢先為意到我出咗嚟.  幾想話比佢聽, 我著住追巴士都仲得呀!