今次去純粹因為同事結婚請飲. 所以, 去咁短時間.
不過, 未發生過的事都發生了......去到機楊先記得自己未買旅遊保險. 拿拿冧打去渣打度買. 好在 check in 咗未入閘都仲得.
同肥仔食完早餐入閘又發生不可思議O既事. 話說我平日都好謹慎, D衫唔會袋O野嚟過x-ray. 點知今次冇響機都要搜身兼搜手袋....肥仔話係抽樣檢查喎.
去到新加坡, 落鬼咁大雨. 返到酒店 check 埋 in 大概4點幾. 等到成5:30冇雨先出去. 行咗一陣冇咩睇.....可能因為香港依家係冬天關係. 見到夏天嘢唔係好想買. 雖然見到佢哋都大減價中.
今次住返同事擺酒間酒店 Le Meridien Singapore. 話就話5星, 覺得有D舊. 不過, 勝在房間夠大.
仲要原來呢間酒店就係我上次住O個間 cheap cheap 酒店對面.....今次要比多一倍價錢O架.....
原本今次去沒有告訴我之前在那邊好好朋友的舊同事, 因為不想打擾她. 不過, 佢都搵上門....我倆為免擔誤去飲O既時間, 跟她只在酒店附近找間食店邊吃邊聊天.
我點了肉骨茶及一碗馬拉式湯粉, 又飲薏米水及吃芒果布甸. 聊天其間她告訴了我一個壞消息. 相信這個消息不到幾個月便會發佈. 但我也希望這個消息永不公佈.
喜酒大概四十幾圍. 但係佢哋係7時cocktail. cocktail 時係冇影相環節. 影相係到新人逐枱敬酒時才拍.
這是一對新人送給賓客的小禮物. 據同事門說這次開席時間較一般遲. 8:45才開席. 所以, 有些人吃到第五道菜就走了. 散席也差不多11時了.
航班是今早11:35. 大概9:30就去到機場, check in 後地勤小姐告訴我閘口較遠, 最遲9:45分要到閘口.....等我趕侯趕命去到......點知過完x-ray諗住登機....點知人哋做緊飛10:10分O個班. 我又諗住過咗x-ray又唔返得出去. 攪到我企O係閘口又冇得坐, 因為x-ray 之後要過冇boading pass 先可以入侯機室. 咁counter 都未開.....最後空姐走嚟問我點解企喺度....一輪癈話後佢問我返唔返出去...不過, 又話counter都就開, 如果我想就由我喺度等. 點知過咗一陣x-ray關員要我返出去.....激死我.
返到嚟大概三點....一個短 trip 就完了
沒有留言:
張貼留言