這天是平安夜, 雖然京都沒有節日氣氛, 但我同肥仔為了隆重其事, 我倆特別安排在這天參觀京都最出名的清水寺.
真係好靚, 好宏偉.
清水寺果然係京都最人氣的寺院. 沿途已經人山人海. 走到清水寺正門"仁王門"進入.
這是一所位於清水寺本堂北邊的地主神社. 據書介紹這是當地年青善男信女常常到這裏參拜祈求戀愛運的神社. 寺內有兩舊石頭名為"戀占之石". 兩石相距17公尺, 據聞女生們若閉上眼, 念住你意中人個名, 若能由一端之石頭走到另端的石頭, 就會心想事成. 我就冇試o刺. 未有意中人o既你不妨試一下.
沿途下山見到依山而建的茶寮. 一直都好想試吓茶寮的風味. 又想趁機暖一暖身. 所以, 我倆特別要求等候店外位於山邊而建的塌塌米席坐.
稍增能量後起程經過"音羽の滝". 這三條水道從右至左分別代表長壽, 健康, 智慧. 好多人排隊o架!
我o地用o左一個半鐘頭行清水寺. 其實, 我o地唔算好細心睇. 所以, 想細心睇又或者想影多d相o既人就要預多d時間呀!
第二站去o左東寺. 不過, 覺得唔係太吸引. 所以, 在門外週邊的景物逛逛拍拍照便算了.
西本願寺為這天行程中第三站. 這寺並沒有被我在我香港買的旅遊書內介紹. 我是從日本京都旅遊網站所推介的寺院中挑出來去參觀. 西本願寺內的唐門最靚. 由於正殿御影堂正在維修當中, 所以, 只是在園內走走看看而已.
最後一站去了京都著名的城堡"二条城". 這是德川家康在京都的家. 後來政府接收了二条城。 城內"台所"開放參觀. 不過, 不許拍照. 但真係很值得一看.
庭院又大又靚.
二条城之後已經唔夠時間多去一個神社了. 因為一般最後入場時間都會在四時半左右. 但又唔想白白浪費時間去等食飯. 所以, 叫肥仔車我去通往銀閣寺的街道拍拍照及購物....嘻嘻
這天因為係平安夜, 肥仔認為不容有失...穩陣起見, 佢決定返去第一晚吃燒肉放題的一間餐廳"やる気"豪食. 肥仔嫌放題品質麻麻. 所以, 今次散叫. 今次還遇上一位叫吉野的年輕待應生. 雖然英文不太好但勇氣可嘉. 當所有人避之則吉的時候, 他自篤成為我們的指定待應生. 還在我們重點一道貴價和牛時向我們推介一個較化算但他認為相差不遠的選擇. 真係值得表揚他! 這夜我倆都盡興而返.
食飽之後, 我o地好想將o個幾日當早餐食o既即食大碗拉麵買返香港. 所以, 我o地決定去Lawson度搬貨. 原本想買一箱返o黎. 點知冇貨, 要等到26號先有. 所以, 我o地索性將貨架上o既貨都掃晒. 嚇死個店員.
沒有留言:
張貼留言