買酒比人查身份証

昨日去超市買餸, 順便買樽白酒煮餸用, 比錢O個陣個收銀"渣"住樽酒同我講一輪法文.....我望住佢, 心諗.....唔通又係買一送一叫我拎多支?  (因為之前試過買盒裝 cream 係咁.....最後佢叫個同事拎多包嚟我先知)....

我同佢講 "sorry, i don't understand".  於是佢另轉同隔離個收銀又講一大輪, 最後那個收銀員話 "I.D.!".....哦!  原來要查我身份証睇吓夠唔夠秤.....真係邊諗到佢係要睇我身份証丫!  幾廿歲人.....都未試過買酒要比人查証!