下了第一場大雪

27 Nov 2010

起床看窗外還沒有下雪.  點知洗完個頭出嚟, 花園已鋪上一層簿雪.

從睡房窗外望

再跟肥仔走出街時, 雪已下得厚厚的.  肥仔穿了對跑鞋, 因為他沒有更合適的鞋可穿了.  但在雪地上走除了越來越濕外, 還有點跣.  後來經過超市旁的一間鞋店, 走進去找找有沒有合適的鞋可買來代替.

找到了這雙類似爬山鞋的短 boots.  內裡有毛毛, 好暖!  仲要個底 D 坑紋可以反轉換上有釘的.  這樣方便在冰上行也不會滑倒.  CHF99.9 (約八百元港幣).  都算好抵.

是日打算去聯合國總部.  從家走到第一個巴士站 Contamines 都走了廿多分鐘.  點知買完票我發覺方向不對勁.  於是再走到另一個對方向的巴士站 Florissant.  坐在那裡等了廿多分鐘都沒有一輛巴士駛過, 後來有一男仕路經叫我們不要等了.  沒有巴士.  原因不明.

於是我帶住肥仔走到 Rive.  因為佢除咗返工及到家附近超市條路, 其他的都不太熟悉.

走到了 shopping area 附近, 有一個 sat market.  大多都係賣疏菜、水果等.  只一、兩檔賣芝士.  而賣好似 pamaham O既就只有這一檔.  我哋買咗 chf20 元.  相片中的份量是已經被我們吃掉了一半有多.  其係真係唔知係唔係 pamaham.....因為佢哋唔識講英文.  所以我哋亂打亂撞買嚟試.

花園時鐘都鋪上白白的雪了

幾大雪!!!

過湖後, 湖邊長廊的街道都鋪上了白雪.

這座小塔很別緻.  在 Quai du Mont Blanc 路上.  白雪紛飛, 原計劃被泊取消了.  肥仔決定帶我到以前他經常住的酒店附近那間中國餐館吃午餐.

在 Rue Pellegrino-Rossi 間中餐館吃.  待應小姐係國內人, 但師父係香港人, 聽到師父不停用廣東話說東說西.  我們是第一枱客, 原先店內播放鄧麗君的歌, 我們點完餐就改播古巨基.  都好!

食物味道一般啦!  比起以前O果 D 好好多O架O刺.

吃飽飽肥仔知我成日想加碼糯米粉, 因為我哋成日搓湯圓, 但係兩大超市都冇賣.  我香港帶得一包嚟.  我原本想打肥仔將要過嚟出差同事主意....不過, 佢當然唔係好想啦!  我都知O既.....如果人哋真係為我帶兩包糯米粉比海關以為佢帶白粉扣查咁就出事啦.  所以佢順便問咗女待應喺邊度有得賣.  原來那小店跟餐館隔數個舖位而已.

出餐館後往右手邊走, 在黃色郵筒前.  店名 ~ Thu Hang.  地址 : Rue de Monthoux 52, CH - 1201 Geneve.  是泰國人開的, 但內裡連豆腐、芫茜、牛筋丸、豬肉丸、老抽、腐竹、枝竹、片糖、冰糖、粘米粉、糯米粉、紅/綠豆、豆鼓鯪魚、菜等等.....

應有盡有.  搞到越買越多.  仲可以買返舊泰國糕點 ~ 千層椰汁糕食

嘩....簡直就係大滿足!  不過, 難為了肥仔.....佢揹住咁多o野行返去屋企.

揹住咁多嘢, 邊度都唔去 LU.  路經o既就會影張相.  好似呢條街 R. du  Mont-Blanc 有些露天攤檔.

之後路過這間小教堂 ~ Eglise @ R. du  Mont-Blanc.  最後經 pont des Bergues 去返 R. de la Confederation.

順道走入去 Coop 帶肥仔去睇對勁平皮手套.  不過, 最後 size 太細.  唔啱肥仔.  出到大街, 電車都停下來, 司機都落車剷雪.

剷雪車都在街上忙於剷雪.

中途有諗過坐車, 但係一諗到電車都要停下來剷雪就諗住又唔佑等巴士要等到幾時.  所以, 放棄了.

晚上, 咁凍.  梗係打邊爐啦!  今次仲有肉丸 & 豆腐.  不過, 超市買 Chinese Fonude 的牛肉實在失望.  "鞋霎霎".  仲要 20 法郎 (約160港元)!