30 May 2011
是日返回日內瓦的航班是晚上九時。 幸好租了車, 所以不用被行李綁手綁腳。
肥仔見還有時間, 所以我幫他用 apps search 附近的髮型屋。 於是佢就出去, 其間發了一個 sms 給我告知一間沒有開, 一間就 fully book。 回酒店中。 誰知我等了差不多三十分鐘都未見人! 我 send sms 問佢係唔係返緊嚟? 點解咁耐? 你有冇事? 但係無回覆.....於是我 send 多次中文.....因為我驚其他人識睇.....都係無回音。
打比佢, 響了一聲就去咗留言。 再打就直頭去O左留言信箱! 再打都係咁! 嚇死我O刺! 我啱啱想出去搵人, 再打多次, 佢話坐緊 lift。 原來佢話一直酒店 lobby 同個香港同事傾電話! 撞鬼! 嚇得我丫!
我們酒店剛好就在 Stade roi Baudouin 對面。
on the way 去 brussels 市中心時, 在某公園發現這小塔。
第一景點是 Europees parlement。
車停在這銅像面向的一方。 肥仔泊車後去了買泊車票, 我站在車前等候, 恰巧有查票人員正在抄牌。 幸好我站在車邊告訴他正在買票。 不然, 買完票回來看到告票就真係唔知點算好!
其實這裡沒什麼好看....只是新式的辦公大樓......這些香港多的是。 等肥仔講完電話, 我們轉戰下一景點。
皇宮 ~ the royal palace "palais royal"。 肥仔停車後又繼續講電話。 我就自己落車去影相。
皇宮對面的公園 Brussels Park "parc de bruxelles Warandepark。 今日氣溫又突然升至三十度! 真係人都癲!
肥仔講完電話後就將車泊在 fine arts museum "Koninklijke Musea voor Schone Kunsten van Belgie" 的對面。 其實有點兒擔心有否違列泊車, 因為有張睇唔明的牌掛在柱上。 但係圍起的封條都斷了, 而且有車泊。 肥仔不管了, 照去入錶買票就是了!
我們走回 Place Royale。 這裡有座大教堂 ~ Sint-Jacob-op-Koudenberg。 不過外表一點都不像一座教堂。
附近有這座 Musical Instrument Museum (MIM)。
沿 fine arts museum 往下走去到教堂 ~ Eglise Notre-Dame du Sablon。 這教堂自 1436 年至 16 世紀初, 教堂由小變為大哥德式教堂。
再往前走就去到司法部 ~ Brussel Justitiepaleis。 它建於 1866 - 1883 年, 是比利時最重要的法院建築。
在迴旋處找到這兩個站在紀念牌碑上的士兵。
紀念碑 ~ Monument A la Gloire de l'Infanterie Belge。
車駛經這間泰國餐廳門外有一車位。 看到前前後後都有車停, 所以將車泊下來。 原打算行遠一點吃的, 不過總是覺得這裡的車位是不合法的。 所以我倆決定坐在這泰國餐廳門口的位置用餐方便看車。 點完餸飲緊啤酒, 我就見到有個著深藍色衫O既人, 拎住部機行過。 我同肥仔講, 小心這個人, 好大機會係"黃腳立"! 點知話口未完佢真係有所行動, 肥仔即刻衝過去。 執法員話這裡不可以泊車, 要將車駛走。 搞到肥仔"拿拿林"同我換轉個電話就走去泊車。
在歐洲裡混了一段小時間後, 發覺食物味道最有保證的除了本土菜就是泰國菜了!
Mam-mam s.p.r.l @ rue marche au charbon 72
飯後肥仔諗住去剪頭先返瑞士, 不過路經的不是滿了就是要等。 所以肥仔決定不要浪費時間, 繼續觀光。 不過, 他對 brussels 市內觀光已經去得七七八八。 所以, 想去多一個小鎮。 但係首要條件係來回時間不可以超過一小時.....因為已經是下午二時半左右了。
最後選擇了只有廿多分鐘車程的 Mechelen。
幸運地一抵達就找到一個最近地標的車位。 教堂 "saint Rombaut Cathedral" 97米鐘樓除了是地標之一外, 還被列入世界文化遺產。
十三世紀的小教堂 "Chapel of the Holy Ghost" 至今仍保留得很好。 不過現今已是 De Maan puppet theatre 的一部份。
往前走, 經過間髮型屋。 肥仔入去問有冇得即剪。 哈哈! 終於比佢搵到間可以剪O刺! 所以佢去剪, 我去逛。
走到 grote markt。
在 Grote markt 的市政廳。 市政廳由兩座大樓組成。 由這座沒有完成鐘樓的 cloth hall (右邊)。 據介紹 cloth hall 沒有完成的鐘樓已被列為世界文化遺產。
在旁的 paleis van de grote raad。 跟旁邊的建築風格很不一樣。
還有這座 Schepenhuis。 現在已改為博物館。
Church of Saint Peter and Saint Paul。
旁邊有這座 Palace of Margaret of York。
Court of Savoy。
肥仔剪過頭後去跟他會合, 然後逛逛購物街。 不過大部份都休息中。
又比我見到平到震的 le creuset。 大碼賣 199 歐羅。 中碼賣 129 歐羅。 不過今次想買都唔得......因為人家沒有開門。 另外, 我坐 easyjet 沒有買寄倉行李位置。 激氣! 個綠色仲好鬼鐘意添!
中間的行人道有這幾條小水柱。
左手唔知仲咩鬼....突然腫到好似豬手咁。 我有點懷疑我對花生敏感。 從小到大, 久不久就發作。 不過從來無考究係咩原因。 今次嚴重少少, 腫到去手腕。
Church of Our Lady-across-the Dyle。 逛罷肥仔決定留在這小鎮吃晚飯才去機場。
回到 grote Markt 的 De Keizerin。 我點了 Spaghetti, 肥仔吃扒。 由於雙手仔腫賬, 肥仔唔准我飲啤酒.....只准飲 ice tea。 這頓只需 39 歐羅。
在機場終於找到了我一直想買作紀念品的啤酒杯。 19.9 歐羅。
還買到了這之前試食好好味的朱古力橙皮條。 機場買貴咗少少。 不過, 其他想同品牌的機場反而有 10%, 比較平宜。
沒有留言:
張貼留言