29 號那天天未光就出發。 差不多到機場才𥌓光初露。
帶上為中學同學準備的肉乾。
由於怕 delay，所以這天除了晚飯外都不敢安排打面、剪髮和插花。 不過老朋友好好，請了半天假跟我濕平。 但實在太耐無見，大家太多嘢要 update，所以最後在海洋中心🙊🙊🙊坐底飲咖啡傾過不停。
晚上約埋鬼婆到 cwb 食街 simply life dinner 聚聚舊。
30 號這天 1130 就去打面。 接住 1430 返山林道上插花。 點知去到先知自己搞錯時間。 原來校長將我原本這天 1530 的堂改到 1 號 1430。 但我以為同一天只是改早。 如果當時無睇錯我就會將剪頭改這天。 咁突然就無法改了。 就因為這樣無端端多了個空檔。 諗吓約了同學們 1930。 不如打去睇吓小鬼是否在家。 諗住同姐姐講比個 superise 小鬼。 點知係小鬼接電話。 我問佢你知唔知我係邊個呀？ 佢話媽咪....再問都話媽咪。 因為佢從來無諗過姑媽媽會出現。 跟住再問佢就估到了。 問我身處那裡。 我話去搵佢，佢即刻同姐姐講。 好搞笑。
就因為咁我就買咗啲蛋糕上去。 小鬼全副裝扮和姐姐帶埋妹妹落樓接我。 於是就陪了他們幾幾個小時。 小鬼連朋友仔叫佢去玩佢都話姑媽媽嚟咗唔去玩。 真係甜死。 其實係他們陪了我好幾個小時就真。
妹妹太少見我，雖然只係扭眼瞓才大哭，但笑唔出。 而且其他時間佢會不停望我。 最後一去返姐姐度即刻笑容重現。
其間我就湊妹妹邊問小鬼有冇功課，佢話好難要等媽咪返嚟教。 之後我問有幾難呀？ 淨係話好難。 於是我叫佢拎比姑媽媽睇有幾難.....佢就拎出嚟。 原來係寫生字。 我話寫字我覺得 20 分鐘可以做完。 我話你做完仲可以返嚟話比媽媽聽你自己做晒功課。 咁媽咪咪會讚你乖囉。 跟住佢話佢十分鐘就可以做完。 就咁佢就將功課做晒。
依家睇過爸爸去那兒都發覺小朋友唔可以用大人思維想要佢做咩做咩。 係要用佢哋啲思想然後引導佢。 加上只要花時間跟他們玩，聽佢講佢下玩具經等等他們都願意靠近。
六點半相約在泓景台的同學一起出發到九龍酒店聚餐。
這班中學同學印像中已經好幾年沒見了。 所以特別準備了一人一份肉乾給他們品嚐。 傾傾講講都到了十一點半了。
1 號 11點就去北角牙醫洗牙。 原來上次洗牙已經係 13 年嘅事。 接住個 appointment 就係剪頭。 但有少少時間，所以去千両醫肚先。 因為一整就要到晚飯了。
今次剪、染和電。 所以又整個下午了。 仲要走前遇上大魔王。 真係約都無咁啱。 又被捕鑊😅 好彩唔係去偷食😂。
一搞掂即撇。 因為老朋友＋舊花友仔已經在 PP 的夜上海等我開飯。 又一天了。
2 號一午兩點多航班。 空姐太太㓮好在尖沙咀覆診，所以相約我走前聚聚。 於是 check out 後索性到九龍站 check in 然後去食個早餐聚聚才出發到機場。
4 日 3 夜之旅又匆匆的過了。
沒有留言:
張貼留言