昨天早上準時十點半到網上辦理哈蜜瓜總店的預約並成功取得排號。 而肥仔遲了 3 分鐘登記就無法最得排號了。 但安排我的接待時間是關門前的十分鐘😅😅。 咁即係約到都無意思。
不過肥仔話既然約好了就早點由 fontainebleau 返回巴黎去逛逛。 早點去幫甲友仔買絲巾。
check in 完先馬上到店先幫甲友仔買絲巾。 絲巾買好了肥仔順口問了一下我個 appointment。 店員表示剛好可以給我馬上安排接待。
接待我的是一位女 sa。 問我想買咩袋。 我話 B & K。 佢話今日呢兩款都無返。 C 可以幫我入去 check check。 我仲以為有機。 但出嚟都係無。 拎咗這個藍色細 size 的 verrou 比我。 雖然個色同個 size 都好啱。 但我一諗起以前廁所鎖個鎖頭真係過唔到自己嗰關。 於是我 reject 咗佢。 咁佢當然問我仲有咩想要。。。我突然個腦一片空白。 佢問我 garden party? toolbox? 咦！ toolbok 都好喎。 呢個款未買過。 佢有兩個色 blue jeans or pink。 我當然選擇 pink 了。 因為我個 vintage B 就係blue jeans。
原來係玫紅。 都唔錯。 夠 sharp。 之後再配 twilly。 然後問我仲有冇嘢要。 諗起自己想買鈪。 佢拎咗三隻比我睇。 Collier de Chien bracelet, medium model（EUR 2020）、Chaine d'Ancre Enchainee bracelet, medium model （EUR500）和一隻有 4 粒碎鑽的 Kelly bracelet, small model （EUR 6550) 比我。 得個 toolbox 我真係唔會買隻六千幾歐羅嘅鈪囉。 三隻都唔係我想要。 我想要第一隻的幼身版。 後來她問同事後找到給我了。 可以去埋單。
返回酒店放下東西就去春天、老佛爺打個轉。 櫥窗外看到 cc 這個款都好鐘意。 無可否認 cc 啲款比較精緻。 但最近聽講質量已經大不如前。
還去了酒店提供的雜誌上那間 vintage shop "Brocante de luxe" 看一看。 啲貨真係好舊。。。。都幾殘。 仲幾貴。 所以算羆啦。
今日總算完成了最後衝剌。 避過雨後走到同事推介的餐廳 L'Oseille 晚餐。
好抵食。 set dinner 冷、熱頭盤各一個＋主菜和甜品才 EUR37 （約 HKD326）。 冷頭盤大家都點了湯。 熱頭盤肥仔選了扇貝。 我選了蝸牛。 扇貝非常鮮甜。 蝸牛拆肉後用豬耳做成塊狀再煎香。 好好味！主菜肥仔 dish of the day。 我選了白汁炆小牛肉配飯。 甜品侍應推介無花果 tart。 肥仔選了黑朱古力 mousse。
連半瓶 rose wine ＋ 水 ＋ 茶消費了 EUR99.3 （約 HKD874）。 很滿意。
L'Oseille **需要預先訂座
3 Rue Saint-Augustin, 75002 Paris, 法國
+33 1 45 08 13 76
預約 ： lafourchette.com
在冷冷的天氣中走回酒店。
這天入住到步那天同一間酒店 Vendome opra hotel。 房間比上次深紫色的大和明亮。 酒店位置非常好。 徒步到哈蜜瓜總店才 6 分鐘。
*************************
講一下總店買袋預約方法和流程
1) 在預約日期前一天的法國時間 1030-1830 之間上 www.hermesfaubourg.com 進行預約。 （只可使用手機或平板電腦登錄網頁進行登記）
2) 填入資料。 登記時手機號碼是用來接收 SMS activation code。 登記完成後電郵和手機是用來接收預約結果（法國晚上 1930 ）和預約當天的時間變更。 所以每項都重要。
3) 如沒預約成功就在翌日法國時間 1030-1830 從新登記。
如預約成功，當天帶備成功預約通知和所登記的 passport。 passport 和付款信用卡必須是被預約的人。 隨時留意手機的連結網頁和 SMS 看看預約時間的變動。 所以別逛太遠。 到店後直接到皮具部給 sa 看。 然後等待安排接見。 預約只可用一次。 沒有合適的袋而棄權離開的話就要重新玩預約遊戲。
記著接待預約的店只在 Rue du Faubourg Saint-Honore。 別去錯 george V 啊。
沒有留言:
張貼留言