這天終於有我最想去的島嶼 ~ Mykonos.
因為我好想睇塘鵝.
不過行程第一站是先乘船到 Mykonos 幾哩以外無有居住的島嶼 ~ Delos 參觀神殿遺跡. 整個島嶼只有這個大型遺跡. 這裡是 Apollo 的出生地. 有導遊為我們講解歷史. 但因為船期表的關係, 我們只有兩小時停留在這個島上. 所以, 聽了一會兒, 李察 (在船上認識的美國退休律師) 鬼鬼鼠鼠的走來問我要不要離隊去影相. 那當然好啦. 所以我哋偷偷雞走開咗.
這裡是一個劇場. 舞台利用山坡斜度而建築. 現在只剩下爛石一堆. 為了拍得這個劇場全境, 我不惜走上相片最上有幾個人的位置.
舞台及座椅都是大理石造的.
去旅行D運動量係我 3 年o既運動量. 相片右手邊是古代酒店的遺跡.
到了!! 好辛苦, 但好值得!!! 兼沿途看到更多歷史遺跡的. 而且從高處望向劇場, 個感覺真係好唔同. 正!!!
酒店個牌仲喺度添. 但係當地政府對遺跡沒有做任何保護措施, 只有派幾個工作人員在遺跡守衛. 遇到有遊客站在大理石上即叫"come down!! don't stand on it!!!".....that's all.
遺跡還有供市民使用的儲水池.
殘留大理石之像的大富豪之的住宅遺跡.
呢度有櫈有枱, 幾得意!
Lion Terrace 被盜取而剩下 5 隻. 有一隻冇入鏡. 3 隻碎咗. 有兩隻是複製品. 原作收藏在博物館內展示.
博物館是唯的現代建築在遺跡區.
我們乘搭1330hrs的船去我最渴望去的 Mykonos.
好多白色小屋呀!!! 好興奮呀!!!
船公司沒有安排任何觀光活動在這個島上. 所以, 我們可以按個人喜好去安排行程. 我唯一的要求就是無論如何都要找到塘鵝. 全島得返 3 隻. 仲要佢哋都係自由活動派. 所以, 要搵佢哋真係要睇運氣.
下船後懶理肥仔去找 information center, 我一支箭在左邊走.
先找到這座民俗博物館.
但我被前方這座 Paraportiani Church 吸引過去了. 這座是經常出現在明信片上的教堂. 所以是必拍景點之一.
這天沒有花時間在午餐上. 我們只買了兩個 Souvlaki-Pita 醫肚.
一直沿著小街走著走著終於找到這是 6 個一起屹立在小山丘上的風車. 是島嶼的象徵, 也是遊客必拍的風景照. 這些風車已經停止運作. 而且內部也不對外開放.
這是位於風車下方的海灣. 餐廳林立.
貓咪蹲在白色的樓梯上, 主體拍出來都特別 sharp. 一邊走一邊留意塘鵝的出現.
終於被肥仔注意到附近有一群人圍觀, 應該是我偶像大駕光臨. 他走前一看, 真係!!! 好大隻, 毛又白. 唔怕人. 不過唔可以摸佢. 如果唔係, 佢會 "DUAN" 你.
真係好鐘意佢. 幾想留多一陣. 可惜要爭取日光時間拍照. 所以, 忍著淚說 Goodbye~
街道非常整潔. 隨便拍都可以有一張好靚o既相.
行咗成日真係好攰. 所以, 去了一間 Internet Cafe 歇歇. 我倆就坐在這裡. 嘆咖啡後, 決定登山去那座對外開放的風車.
到達時正值黃昏時分. 行到我一隻"屐"咁.
原來婆婆要收檔. 不過, 佢話等我哋睇埋先.
要走上窄窄的樓梯才到風車轉動組件.
離開 windmill 後再走上更高的地方拍 windmill 的日落景.
從另一角度看 windmill.
下山時路過這個小教堂.
周圍都好靚. 所以, 呢日影咗成三百張相. 冇o係這個島住實在有點可惜.
這間考古博物館位於市鎮北面、港口附近. 不過去到已經關門.
晚餐被安排到左手邊第二間餐廳.
餐廳格調很好. 我們選了一個角落. 兩邊窗戶盡開. 可以遠看Mykonos的夜景及對開停泊海上的遊輪.
呢個沙律好好味. 醬汁係芒果味的.
海鮮燒烤拼盆.
好攰呀!!!!
沒有留言:
張貼留言