27 Apr 2010, 雨天
這間酒店的早餐比東橫 inn 選擇多好多. 值得推介. 吃過早餐準備去完廁所到附近一帶逛逛.....點之發生了廁所事件....
話說兩位阿媽級去咗酒店 lobby 一男一女廁所, 突然之間櫃檯的警報響起. 職員走出來看看廁所發生咩事. 肥仔阿媽從女廁出嚟好似若無其事. 我阿媽O係男廁出嚟之後我問佢係唔係襟過個制, 佢話冇呀! 咁就出事O刺......我老豆即刻一句"黑狗偷食、白狗當災"......出事......所以, 我叮囑肥仔唔好比佢阿媽接近我老豆....因為老父實會為這些小事攪事.
跟住我入去女廁, 入面有個呼叫制. 肥仔去完男廁, 我問佢有冇呼叫制, 佢話冇.....咁即係肥仔阿媽慒盛盛所為.....
先經過酒店旁邊的教堂....再去到郡山駅東口廣場走走. 不過, 冇嘢睇. 所以打道回府.
由於我們返港航班在傍晚六時左右. 下午四點前要到機場. 肥仔見時間尚早, 決定補回我前好想去, 但係最後因為賞滝櫻而錯過了營業時間的三春高柴デコ屋敷. デコ = 木偶. 即係紙糊玩具. 是保護手工業之一.
婆婆坐在地上制作紙糊玩具. 見婆婆咁有心機做, 雖然有點貴, 但真係手工錢. 最後我買了她手上剛弄好的振首虎. 原本店員拒絕出售, 因為佢話未乾. 經紙筆用漢字溝通後, 他們接受我一個小時後回來取.
他們將我隻振首虎放在暖爐旁邊烘乾.
我們先行到附近另一間店逛逛......天正在下著毛毛雨. 這間店某些動物造型較我買振首虎的店靚.
往機場途中我老父又搬出他的威水史. 問我返到東京有冇時間, 想去搵佢個渣法拉利徒第......我話冇. 下次有時間你自己去. 有時真係想吋佢, 喂, 雖然人家曾經跟你學過師, 但係又唔係成日同人有聯絡. 仲要人家係超級有錢人, 你要見人都打個電話同人個祕書 make 個 appointment 丫. 你估老鳳去到你話見就見呀!
去機場途中停在友部休息站吃午餐.
這個休息站蠻大, 有手信店外, 還有快餐, 又有餐廳.
吃罷, 肥仔阿媽又慒盛盛, 攪到我家皇后唔係太開心.....話說用餐完畢, 各人相繼去廁所, 皇后去完就到肥仔阿媽去. 我哋同佢講"O係度等你". 接著, 皇后先行到手信店逛逛....點知肥仔阿媽一出嚟就走咗去手信店那邊, 見到我阿媽就問佢 "佢哋呢?". 我阿媽答 "佢哋係裏面". 但係佢冇返入嚟搵我哋......我哋繼續呆呆地等, 諗住佢可能個肚唔舒服. 於是我同肥仔講叫佢等, 我去逛逛.....一出去見到佢O係度閒逛. 我話 "吓, 原來你出咗嚟呀!" 跟住佢指住我阿媽話 "佢話你哋O係裡面". 大佬呀! 話咗等埋你, 你都應該返入嚟同我哋講聲丫........嘩! 我阿媽即刻好似覺得比人屈咁.....唉.....好在係最後一日.
這十一天帶著這三隻耆英實在不是易事......還好, 隨著飛機著陸香港機場總算完滿結束!!!
好攰.....尤其精神上.....因為要平衡各方的脾性.
沒有留言:
張貼留言