2010 帶耆英們到日本東北追櫻 ~ Day 6 @ 松島 > 秋田

22 Apr 2010, 天陰有雨

 by LX3

雖然酒店早餐照吃, 但來到松島, 點可以不親身到市場試一試即買即食的新鮮海產呢?!  於是, 在我們往秋田之前, 帶各人去了松島最大的海鮮市場 ~  松島さかdな市場.

 by LX3

這個是千人鍋.  是用時令的魚類和貝類一齊煮.  千人鍋只在 10 月至 4 月期間, 逢星期六、日及假日開煮.

 by LX3

這個市場唔似築地那些咁熱鬧.  可能不是星期天或假期, 所以人流不多.

 by LX3

食堂也空無一人.

 by LX3

這桶生蠔, 400 yen 一隻.

 by LX3

師父即買即開給食客享用.

 by LX3

size 有一張十元紙幣咁大.  買咗兩隻.  肥仔同佢阿媽 share 一隻, 老父跟媽咪 share 一隻.  我由於昨天吃完蠔宴後都未"落格", 所以見到都打冷震.

 by LX3

細隻, 仲平!   每隻 117 yen.

 by LX3

由松島去秋田路下都一直下著雨.

 by LX3

肥仔繼續以時速 120 -130 時速前往.

 by LX3

停了在一個小休站讓大家上廁所.

中午十二時四十七分到了秋田.  第一站先去了秋田市民俗藝能傳承館.  入場料金每人 100 yen.

按指示先參觀館側的 "舊金子家住宅".  據書本這是秋田市內少數僅存的明治時期歷史建築藏屋之一.

 by LX3

土藏內 ~ 土牆倉房內部作展示廳

 by LX3

和室 ~ 明治 33 年加建的部份.

 by LX3

舖面.

 by LX3

正式參觀民俗藝能傳承館.  由上而下.

有鼓樂體驗活動.  參觀者可以自由體驗打鼓樂趣.

二樓展示廳展示各式祭典用品

詳細介紹各種祭典服裝

最後到了地面樓底有三層樓高的展示室.  師父會為參觀者示範.  用額頭頂竿燈.

再分別示範用膊頭及腰.

到肥仔親身體驗.  佢只不過係加高一截而已.  但已經非常吃力.

代表不同團隊的燈籠.  100 yen 實在超值.

 by LX3

師父一知我哋係香港人, 即刻拎本旅遊書出嚟話書中表演者正是他.  我即刻拎我本新版書比佢睇, 順道叫佢簽個名.  佢不知幾開心.

 by LX3

成兩點半先去醫肚.  選了一間在西武地庫內的稻庭烏冬店.

 by LX3

門口有個木頭娃娃.

 by LX3

上圖係肥仔點的.  有點似炸醬撈麵.  我則點了冷、熱烏冬.  超好味!!  同埋食晒都唔會話飽到"溜".

天寒地凍又落住雨去千秋公園.

車停泊在秋田市立中央圖書館.  這座就在圖書館旁邊的平野政吉美術館.

下車前換上能擋雨的 D.M.  阿媽換上另一對短 boot 來代替對 UGG.  當然, 我倆這個舉動些少引起老父不滿....女人真係麻煩.....真係想問佢"麻煩你又娶?"

雖然千秋公園是賞櫻花名所之一, 但這次又落空了.  只見到公園的遊藝會檔攤準備營業, 但沒有花就沒有遊人.

這道城表門是當年作為久保田城最重要守衛的要塞.

兩旁都種滿了櫻花樹.  櫻花盛放時一定很壯觀.

佐竹義堯像.

這座是在 1989 年為了慶祝秋田市成立 100 周年而重建的久保田城御隅櫓.

內部有歷史資料展示室.  遊人仲可以登上頂層一覽市內風景.

by LX3

這隊由和紙制作而成的隊伍也在展室中展出.  非常細緻.  這輯照片真的要讚讚部 LX3.  室內、隔著玻璃都影到咁鬼清.  超讚!

這所建在公園內的八幡秋田神社.  新O既一樣.

五點左右決定到酒店 check-in.  由於酒店連接車站商場.  所以讓大家自由活動.  終於可以暫且放下他們和肥仔去拍拖拖.

上房O個陣一出 lift, 媽咪"慒盛盛"咁拖行李拖"冧"埋側邊棵樹.  搞到 D 泥倒咗出嚟.

 by LX3

這間集合了很多不同商店出售紀念品及手信.

 by LX3

另外這間 ~ Ito Yokado 百貨是被譽為平價手信入手的商店.  店內模式跟吉之島差不多.  只是這裡賣的都是當地各式名物.  地庫有大型超市.

 by LX3

車站有一排象徵秋田市的大竿燈.

 by LX3

是夜選了一間秋田地道料理 ~ ちゃわん屋.  這是一間樓上食店.

 by LX3

好細間.  而且比較舊.  和式雅坐夠晒傳統.  最重要係沒有任何公仔 menu.  連日本慣常有個臘像放在門外的飾櫃都沒有.....哈哈.....今鋪真係靠自己.

不過, 老父又o依o依哦哦.  又話點解冇個比外國客人睇的 menu.  我心諗香港茶餐廳都冇英文啦!  咁點丫?!  又話本旅遊書冇用, 有寫明這裡只有日文 menu.

by LX3

這個是店內其中一個主打菜式 ~ だまっこ鍋.  我們分別點了米卷和米丸.

 by LX3

點了三個鍋物 + 兩條魚.  但係都好似唔係幾夠吃.  所以, 再點了燒蝦.

 by LX3

點知燒四隻蝦要成廿分鐘.....等候其間, 隔離檯又食煙, 店內又開暖氣, 焗到我阿媽好似要瞓咁.  我老父就好似又眼瞓又窒息咁.....唉....呢四隻蝦真珍貴....

 by LX3

食店送上小吃作禮品.  不過, 這一餐......"唔掂".  應該話唔啱我哋口味.

 by LX3

是次下榻東橫 Inn 秋田駅東口.  NHK 秋田放送局就在酒店旁.  是次酒店最失敗就是停車場.  之前所住的酒店都有自己停車場, 所以收費一次, 無限次進出.  但這間東橫 Inn 在商場內, 停車場屬於商場, 而酒店收費一次是一次進出.  如果要多次出入的話就要自行按次付款.