24 Apr 2010, 天晴
離開秋田市前去了秋田市民市場.
這個市場就好似我哋街市咁. 但係人家乾淨得多. 地下沒有積水. 貨品都排得整整齊齊.
食品又新鮮、 又平. 我們當然唔可以錯過買新鮮海產機會.
肥仔在選購他最愛的三文魚子.
老父選了拖羅. 肥仔阿媽街市病發作.....佢話唔解佢哋唔即切比人?! 我話人哋做生意梗係想將攤咗出嚟o個啲賣走咗先o架啦. 佢話唔係喎! 佢去超市買, 人哋會即切比佢.....哈哈......是但啦! 費事同佢拗.
最後仲買多一板膽. 好平!!!
原本打算在這間書本上介紹非常抵吃的迴轉壽司 ~ 市場第一壽司用膳, 但 11 時才開門營業, 所以算吧!
是日目的地是山形縣. 沿途風景靚絕. 遠遠看到風力發電機.
上次跟一大班人旅行時吸取的經驗話我知, 我唔可以在車上播廣東歌. 因為老父對時下廣東歌歌詞極度不滿. 彈三彈四. 所以, 我今次帶備 Britney ~ the singles collection. 英文歌, 冇得彈. 好在這隻碟百聽不厭.
沿途一直留意櫻花, 突然眼前出現了一遍燦爛花海. 可惜我們在高速道上. 肥仔正切法找個地方走回頭.
嘩嘩嘩......等咗咁多日終於睇到O刺!!!
好靚呀!!! 原來這裡叫南極公園.
龍友們都專注取景.
公園內建了一條好大的船作遊樂場.
他們在櫻花下野餐. 其實, 我哋都唔執輸! 肥仔將朝早在市場買的魚子 + 方包拿來. 找了一個小亭開餐.
好靚好靚!!!!
坐o係櫻花樹下垂釣, 正!!!!
老父唔執輸, 化身做龍友.
這裡有個好似打高球的場地. 長者們都帶著一支木桿, 桿頭蠻大的. 將地上的球打入到期下的範圍就完成一個洞.
公園對面有一所"白瀬南極探検隊記念館"
好啦好啦!!! 睇夠o刺. 要向山形縣酒田出發o刺.
在車上老父表示他未能成功將咭內的相片抄到他帶來的 digital wallet, 眼見路程還要走好一段時間, 所以索性在車上跟他解決. 一著機, 又係冇電.....真係激死. 個 wallet 一插入我部電腦就係咁過電. 佢主要係想我幫佢將咭內的照片抄走. 但係我一插張咭入去即 hang 住. 要完全熄機先可以 release 返. 但係張咭熱到辣手. 好在再做一次成功將咭內相片抄走. 但係張咭放返入去相機之後就讀唔返.....大鑊!!!! 想 format 又唔得. 放入電腦幫佢 format 完再放返入相機又唔得.....真係敝敝都冇咁敝!!!
好在佢有細魔部細相機頂住. 不過, 始終死o係我手上, 真係好唔舒服....但係我都冇晒辦法.....好唔開心、又好擔心.......因為, 用開單返機, 有機在手但係張咭瓜o左.....
書本介紹來到酒田, 一定要去相馬樓來睇驗一下舞娘文化. 這座是江戶時代的建築物.
入場700 yen. 買票時有段小插曲....話說肥仔想以信用咭付款......但售票員不明白. 就算他展示信用咭並用簡單日語表示 カート OK?? 但對方登大隻眼看著他, 幸好, 有一導遊行經, 表示如我們能說普通話的話, 他可以幫忙. 經他溝通後, 只收現金. 另外, 等一會兒就有表演. 看罷表演後可以到樓下參觀.
表演間嚴禁攝錄. 但完場後約有10分鐘拍攝和合照時間.
700 yen 又有表演、 又有展館參館. 抵、抵、抵!!!!
連坑渠蓋都有心思過人.
書本介紹另一個值得去的地方就是由百年米倉改建而成的山居倉庫.
內部包括大型手信商店、食店及博物館等.
仲有 fast food corner.
在這裡吃了個烏冬, 一串好似蒟蒻物體的東西.
仲食埋杯雪糕先走.
車站有免費借用的單車.
之後驅車去到鶴岡市. 經過鶴岡公園, 見櫻花開得非常燦爛, 而且正有賞花會在舉行. 不過, 肥仔決定先以車極速兜個圈, 再找個落腳點. 快速地到一到鶴岡天主堂. 只來張到此一遊照. 沒有花時間入內參觀. 因為好想去睇櫻花.
找到一個停車場在庄內藩校 致道館側. 但停車場職員伯伯大概示意很滿, 要我們找別處, 但我們裝作不懂意思, 他見這樣就讓我們進去並跟同事講讓我們泊傷殘人事車位. 其後, 被後面跟著的一輛車投訴. 車上的女乘客更下車追究伯伯. 見佢不停指住伯伯鬧. 就算伯伯比佢泊埋o係我o地個傷殘位, 佢都未肯收口....唉! 真係呢個世界, 好人難做. 但係我o地事實係語言殘障人事喎.....
好熱鬧呀!!! 好有氣氛!!!
當然唔少得熟食攤位啦!!!
仲有小朋友玩撈金魚攤位
釣禮品攤位
唔知咩o黎......不過, 個樣都好似幾好食.
好多唔同種類食品
我o地當然又幫襯賣牛o架啦!!! 不過, 麻麻地.
黃昏時的櫻花.
鶴岡公園是賞櫻名所之一. 亦是前庄內藩主在酒井市一間住所.
這隻天鵝一見我行埋湖邊即刻游過來"鴨、鴨"聲叫, 大概以為我有食物餵牠吧女!!! 同佢 say 句 sorry. 因為我真係冇o野可以餵佢食. 牠失望地離開.
拍下黃昏的櫻花, 別有一番味道.
盛放中的櫻花多燦爛.
大寶館位於鶴岡公園內. 是紀念大正大王上位而建.
取車後不忘向泊車伯伯說聲多謝. 雖然伯伯講了一大堆日文, 但大概也知道他講述剛才的委屈. 不過, 他依然笑容滿面. 還幫我們開路讓我們可以轉出路口燈位.
是夜入住東橫 Inn 山形站西口. 由鶴岡市去山形市酒店要兩小時多車程. 到步後看見一間烤肉店, 蠻不錯. 不過, 又係唔收咭. 肥仔諗住留返多 d 現金o係身, 所以打消了在這裡用膳. 他想著到酒店 check in 後, 問問酒店職員有咩好推介. 酒店對面是 Aeon 百貨. 仲要係二十四小時o個種. 一停車, 即刻叫老爸跑去找找看有沒有他的 CF 記憶咭出售. 可惜, 空手而回.
酒店職員反而不及旁邊正在辦理入住手續的住客幫得上忙. 他幫我們問了好幾間燒肉店, 很艱難才找到一間名為燒肉 くろげ. 放下行李後馬上出發.
找到該店後, 肥仔先行入內問問店員車可以泊在那裡. 點知店員一聽見講英文的客人, 即刻推說沒有停車場, 亦不知車子可以泊在那裡......原本, 肥仔諗住讓我們先進店內坐下來, 他獨自去找停車場.....誰知店員說訂位已滿......肥仔話明明見到吉檯多的是......但人家擺明唔做你生意......咁有咩辦法.....
最後, 唯有周圍兜, 但係都搵唔到燒肉店. 串燒店就有.....算啦!!!! 死死地氣去搵返第一間. 現金就現金啦......點知到搵到o個陣, 人家o岩o岩閂門. 職員已經相繼離開......其實只係九時四十分左右.......撞鬼!!! 咁鬼早就閂門......
卒之, 為咗唔再浪費時間去搵......我哋決定去幫襯斜對面的吉野家......唉!!! 是夜晚餐最失敗......
沒有留言:
張貼留言