25 Apr 2010, 天晴
這天天氣好得很. 出門前, 叮囑各人帶上羽絨服. 因為今天將加入原不在行程內的藏王雪山.
扺達山腳後, 碰到前來滑雪的日本人. 肥仔諗住問吓佢我哋係唔係可以在這裡乘坐纜車. 誰知, 打開閘子後他就沒有停下來了. 日本人實在有點奇怪.......有些人一聽見講英文就雞咁腳走. 有些人明明唔識講, 又知道你唔明都好佢都會用日文講過不停......經過一輪"哦"、"唔"後.....終於找到機會脫身了.
不過, 還是在纜車站內重遇. 他熱情地向我們講解掛在牆上的照片內的樹冰由來. 他加插了少少英文, 再加上身體語言. 還好, 都大概明白他在說什麼.
我們就是乘坐這種纜車了. 在纜車上那位日本人又興奮地向坐在他旁邊的日本人說我們來自香港......哈哈......不過, 好在他找到了談話新對像.....如果唔係都唔知同佢點溝通.
前往樹冰的纜車分兩段. 第一站停山腰 ~ 樹冰高原駅. 中途要轉換再前往標高 1661 米的藏王山頂站.
相信在吊車看樹冰一定很壯觀. 但這次我們可沒有機會了. 畢竟做人都不可以太貪心. 已經看到了櫻花、又看到了雪景已經很不錯了. 又多一個籍口下次再來.
我們決定先前往山頂. 各人全副武裝. 除了沒有手套外, 所有頸巾, 帽/冷帽連褸上的帽都出動埋. 山頂好大風.
踏出纜車站, 寒風刺骨. 媽咪唔知仲咩, 行到東歪西倒, 好似人哋盲咗咁. 仲以為她的白內障又發作, 睇唔到嘢. 最後仲要我哋好似帶盲人過馬路咁, 帶佢行埋去這個地藏王前叫佢企定定幫佢影相. 原來係佢怕冷親條氣管, 帶上口罩後, 呼吸噴出來的氣搞到個太陽眼鏡蒙查查. 原本佢想將太陽眼鏡除下, 但被我制止. 因為我怕她受強光照射後患上雪盲.
原來這尊地藏已迄立在這個山頭二百多年了. 保佑了不少登山及滑雪客人的性命.
樹上的積雪已經溶化了很多.
樹枝都結了冰, 拍這張照片的原因是因為我覺得好似海底的珊瑚.
相信這個效果大概是樹枝上的積雪溶化變水前隨著大風吹而形成吧!!!
回程時從纜車看到一遠處, 湖面的冰正在溶化.
另一山頭的積雪亦不多.
另外, 值得一提就係返回山頂車站才發現站內放有雪靴給遊人自由穿著. 所以各位有機會去的話不妨換對鞋才踏上雪地. 免費O架!!
下山後驅車前往附近的溫泉街找間餐廳吃午餐. 這裡的溫泉街簡直水靜河飛.
兜個圈後選定了這間吃蕎麥麵的食店. 肥仔入內向職員查詢停車場在那裡. 打點一齊後才叫我們入內. 原來店內有一位食客能操英語. 所以肥仔得到了他幫忙. 進店後不忘向他說聲謝謝. 脫下外套後, 老父又開始病發.....話要過去跟人聊聊天, 話要跟人家學吓嘢......不過, 被我制止了......第一、人家正在用膳. 第二、佢自己又唔係精通日語. 人家再講多兩句佢就唔識聽.....咁去攪住人仲咩丫......唉!!! 好在, 佢都冇堅持.....
店內裝修蠻傳統. 但好整潔.
這份特大裝的板 そば 才 1100 yen. 我同肥仔 share 嚟食都夠食.
離開後向銀山溫泉進發.....不過, 又去了一條冬天禁止通行的路.....結果, 落山再等 GPS 從新規劃路線. 幸好距離不太遠, 所以都唔會走了太多的冤枉路.
途中竟然無意中路經一間大型電器店 ~ Yamada-denki, 停車給大家方便方便. 幸運地老父也找到合他用的記憶咭. 但價錢略貴, 但沒法子下他也買了.
而我在這裡看上了一個 sony 耳筒, 但店員找不到存貨.....唔開心.....
不過都買到一個合心意的相機套給我部 LX3.
下午接近三時抵達銀山溫泉. 由於溫泉街入口附近沒有停車地方, 所以車輛必須泊在銀山莊溫泉酒店附近. 肥仔為免要老人家們走這麼遠路. 所以先行送我們到溫泉街入口後再將車折返該處泊車.
等候肥仔其間我去了位於溫泉街入口的和樂足湯足浴. 免費O架!!! 大池好鬼多人浸, 所以去咗側邊的小池.....點知熱到飛起!!! 唔怪得人人都迫去個大池啦!!!
選擇前來這個景點是貪其帶有濃烈的古代色彩. 溫泉街面積細小. 兩旁都是三、四層樓高的溫泉旅館. 很有特色.
至於為何沒有選擇入住這裡的溫泉旅館, 原因是知道媽咪不太接受共浴. 雖然她咀巴說沒問題, 但最後她情願不沖涼你就知道她可不可以接受了.
這店手信款色蠻多. 在這裡買入了一串布掛飾. 好靚!!
由於整條街溫泉街很短, 短短數十分鐘已經可以走完 (唔計走去買嘢). 有見及此, 我在網上做資料搜集時, 觀光網頁介紹可以散策.
那小屋是延命地藏.
這是滝之不動尊. 是白銀之滝之守護神.
籟音之滝
由於前路被積雪阻擋, 所以我們走到洗心峽便沒有再前進了.
肥仔在這店試吃了黑糖糕覺得好好味, 所以買了一大件後叫職員馬上切件給我們吃. 除了老父因病不吃甜外, 各人試後都大讚好味. 於是肥仔走回頭再多買兩黑、兩黃 (包括媽咪 order).
不過, 永遠都係小吃多滋味, 再吃就不覺得太好味.
離開後用了兩個小時返回山形市.
這夜唔理收唔收咭, 一於返去第一間吃燒肉!!!
沒有留言:
張貼留言