5 Feb 2011
是日我們準備去一個靠近巴塞的小漁村 ~ Sitges。 車程只需半小時。
早一晚車子經過這座建築物時被吸引......不過晚上太黑了。 所以等到早上才去。 原來這座 Placa De Toros Monumental 是鬥牛場。 我還以為什麼中東色彩的建築物。
往漁村的方向剛好會經過巴塞隆拿沙灘的地標 ~ the fish。 這尾藝術魚由美國建築師設計的 。
上車前往漁村時不知何解, 覺得很累, 所以在車上睡了一會兒。
雖然個漁村細細, 但係邊度打邊度都唔係好知, 所以都係去旅遊中心拎些資料參考參考。
旅遊中心旁有這個大型購物袋。 但係我又唔覺得呢度係購物區喎。
by ip4
好多西班牙火腿呀! 不過一點都不平宜, 全部價錢是以 kg 計算。
走到一條好似赤柱的購物大街。
by lx3
走到沙灘大街。 好鬼熱!!!
by lx3
午餐後才走到教堂 ~ Esglesia。
by lx3下午二時多, 很多店舖都關了門, 連街市都落閘, 所以我們決定返回巴塞市中心逛街, 順便再試試能否找到肥仔想買的 camper。
過程中我也買到了圍巾, 小茶包及一件 top。 全部都是便宜之選。
找了三、四間專門店也沒有他的尺碼.....但後來無心插柳下被他在另一間非專門店找到, 而且只是比專門店貴十歐羅。
買鞋後也差不多六時了, 我們先返酒店稍事休息。 因為球賽在晚上十時才開始。
by lx3由於球賽交通繁忙, 所以酒店職員建議我們乘搭公共交通工具。 為了早點出發, 我們七時左右就步行往酒店介紹的餐廳。 可惜, 人家成八時半才營業......但路過的餐廳又不太合心意。 所以最後返酒店取車去第一天的海鮮飯店那邊找吃的.....
不過逛了一個圈, 那些餐廳一個海鮮飯等同一個套餐的價錢...加上我們不想再浪費時間, 所以走回第一天的餐廳。
by lx3由於趕時間, 我胃口都沒有了.....海鮮飯吃得數口就嚥不下了.....
沖沖離開將車駛返酒店泊下再取些衣物出發去球場。
by ip4入場時才知道我們網上網票的, 必須憑列印到票務處換票。 於是又沖沖走去票務處。 即時購票的窗口很多人, 我看到有些窗口沒有人, 所以叫肥仔看看。 原來我估計沒有錯....在換票期間, 有一貎似土耳其男子在我們身後裝來裝去.....我即時用身擋一擋.....肥仔也將銀包握緊.....成功換票後, 我們趕往閘口入場.....就在展示入場卷給閘員時, 我感覺到褸袋好似被摷......我即時按著再轉身一望身後的男子......他即時舉起雙手 (其中一隻手有一本書) 表示唔關佢事......老實講, 我只係望一望, 佢唔係身有屎使咩咁驚呀!
褸袋條拉鍊已被拉開了三分二.......差點個電話被偷去......幸保不失......唔係就 在歐洲佢簡直係我哋支盲公足.....冇咗佢真係唔知點算
發生這件事之後, 我的神經質嚟料.......肥仔袋住都成日問佢我個電話同埋部細相機喺唔喺度....
後來我醒起那個人就是在我們換票時裝裝"貢"的那個人......
講回球賽, 我們坐山頂對落一個區......都要 65 歐羅一張入場卷......山頂票要 53 一張.....但係眼見入坐率有九成以上......佢哋真係好捨得花錢睇球賽......
是夜巴塞對馬體會......這場球賽有點悶......只有美斯一人入三球.......好似佢個人表演賽咁.....加上球場沒有大銀幕重播.....所以有些時候對判罰球都一頭霧水......
我們為免人多擠迫, 提早在完賽前十分鐘離開。
到酒店已差不多十二時了.....累透了!
沒有留言:
張貼留言