京都出名神社、寺廟多, 不過係唔係間間都值得去就因人而異了。 那天契爺選了數間給我們。 其如的一律接獲大交叉!
建議包括 (排名不分先後) : 平安神宮、 清水寺、八坂神社及北野天滿宮。
不過, 是日我們先去銀閣寺。 因為我和大魔兩家都未去過, 而細魔上次跟老爸到來的時候剛巧遇上修復工程。
雖則名字叫銀閣寺, 但主建築物的外由牆並不是由銀鑄造。 跟金閣寺不一樣。
銀閣寺是世界文化遺產之一。 原為一將軍於公元1489年興建。 庭園內鋪設的白沙主要以幾何線條作圖案。
我和肥仔最想佑道的就是銀閣寺前的杯型沙丘是真的用沙堆砌而成......還是一塊石.....如果落雨會化為烏有嗎? 到現在還是一個問號.....
行經這個池見到這麼多人許願.....原來有兩個傻佬也在拋銀仔......兩個傻佬就係大魔王和肥仔!!
據細魔回想, 曾有人跟他說那些錢有少部份是由有關單位放下, 利用人的心理作餌誘, 因為很多時人們會下意識拋下錢幣試試自己的眼光, 又或者為自己祈福及許願。 這樣就能積少成多啦!
山路比較多, 兩位壯丁幫小鬼的私家車抬上山去。
小鬼又扭計o刺!!! 好似係扭眼瞓。
走出銀閣寺, 前面一小店有熱茶免費給遊人享用, 另有軟雪糕、泡夫售賣 。 愛妻號買了泡夫來品嚐。
小鬼只小睡了片刻, 當然唔夠皮啦! 唔喊就有鬼O刺!
經過這店門前看到煎餅, 見有芋頭味, 於是肥仔叫我買一個來試.....
不過, 原來芋頭係冇得煎 >.<
這條街有間專門出售店主畫的貓, 產品包括 T-shirt、畫 、postcard 等等。 記住店內不准拍攝。
走罷就先去醫肚。 車隨便在紙園一帶鑽, 停下第一間被男仕們打交叉。 肥仔話價錢一點都不平宜, 而且不是什麼特別貨色, 所以 "bang" 咗。
之後去到東山區西町一帶, 見有少許食店, 於是大魔王將車靠邊, 然後肥仔去做探子。 經過他篩選回報, 這間 Miyako restaurant 最多工人在用餐。 應該既平民化又好吃。
估唔到又幾OK喎!!!
其間小鬼有"嗅嗅"......細魔這個父親大人竟然提出在店內換片片喎!!! 不過, 即時被大魔否決了! 學大魔話齋, 人家話晒都係食店, 點可以呢!
憑這些小事就驚覺為人父母真偉大, 只要仔、女有事, 平時唔會做的都會做! 真係不可思議!
食完有氣有力, 又點可以唔繼續行程呢!? 先去到平安神宮。 記得上次到來的時候, 肥仔覺得攰, 所以他選擇留在車上找個地方小睡, 而我卻獨個兒去拍照。
今次可不同了!!! 三家人一齊, 仲有小鬼!!!
小鬼的私家車在沙地上留下了軌跡。
接下來細魔一家選擇到紙園逛街。 絕對明白! 因為我們會去幾個神社和寺廟, 而清水寺也有少許山路及梯級要走, 所以帶著嬰兒亦不太方便。 就讓他們一家將車駛走, 我和大魔兩家繼續。
清水寺....最後過門而不入.....因為大家都曾到此一遊。
沿著清水坂走下。 原來大魔第一次走這條路。
走到高台寺, 看到靈山觀音, 不過大魔覺得似"謀人寺"多啲。 途中路經一些小街之前跟肥仔曾到過的, 問他可曾記得? 他竟然話冇印像!!!! 激死我了!!!
再去到八坂神社。 完成了八坂神社也是時候跟細魔會合了。
會合後正煩惱晚飯在那兒用餐, 原本細魔建議在紙園一帶的橫街找吃, 但我們考慮到那些橫街的店大多是小店, 帶著小鬼未免不太方便。
所以最後決定到火車站的大樓。 順便讓大家逛一逛。
找到了這家 ~ 田ざと。 這店主打橋麥麵。 圖中左下的 そば 仲係放題添! 雖然個牌係咁寫, 但係其實我哋都唔係好肯定.....細魔想添食的時候我才硬著頭皮用我啲半鹹淡日文寫咗句句子 "そばは食べ放題てすか？” 竟然人家睇得明! 哈哈!!! 真係放題。
肥仔同樣點了這個放題套餐.....不過, 佢唔使添食, 仲要有一盤比埋大魔。 唔係唔好食....係我哋細食。
我則點了右上的套餐。 連埋個飯真係飽到上心口。
沒有留言:
張貼留言