香濃菜乾豬骨粥

用智能煲煲粥真係快好多。  又唔使睇火。  但係出味始終差少少。  所以今以我用智能煲煲完再落普通煲翻煮兩次。  每次約 15 分鐘。  其間頻密地攪動免其痴底。


材料
菜乾
豬骨

米 1/2 米杯

做法
1）菜乾浸半小時洗淨，然後切／剪碎再加水和油浸至少一小時或過夜。 落鍋前將水揸乾。
2）豬骨洗淨， 用鹽醃最少 1 小時或過夜。
3）將豬骨汆水備用。
4）米洗淨連所有材料放入智能煲內鍋，加水至半杯刻度以上。 用蓋蓋好, 按“湯／粥”功能。  將排氣口轉動去”儲氣“。
5）完成後待自動排氣完成後再將排氣口轉動去”放氣“來確保煲內完全減壓後才開蓋。
6）稍作攪拌後加鹽過鍋／煲。  冷卻後再翻煲 15 分鐘。 冷卻後食前又再翻煲。 其間除了頻密攪拌外，還將肉壓爛讓其更加出味。