這張相基本上綜合了這五天的行程。
1 Apr 2016, Day 1 班機 delay 咗差不多一小時。 所以一到香港時間都比較趕。 因為我約了到醫生打面。 其間要先乘車將細魔套 ski 送去佢屋企。 然後即刻到老尖做面。 我做面肥仔就去 bank。
5 點就趕去九龍法國醫院 check in。 今次回港另一主因是肥仔要做胃腸鏡。
最初他以為好易飲晒 3L 瀉水。 點知到了差不多十一點還有 1L 多。 他問姑娘可唔可以唔飲....當然唔可以啦。 所以他乖乖又飲過。
2 Apr 2016, Day 2 肥仔一早八點入手術室。 約一小時就完成了。 幾日冇啖好食,所以出嚟即 order 個腿蛋通。 而我就要牛通。
最後等不到肥仔出院就要趕下場 ~ 到銅鑼灣 hair 剪頭。 一剪又半天。
肥仔出院後就去酒店 check in。 然後就去反斗城買玩具準備明天的生日派對。
晚上去大魔家探六凱。
麗麗雖然有點驚青。 但比以前大有進步。 到步先在餐椅上摸摸她。 後來躲到梳化底的角落。 之後轉移到移動城堡去。 不過,我撫摸她的時候比以前 relax 多了。 當大魔王下班回來給小吃才再現身。 不過最後都係見得五凱,因為小武又使出神龍見首不見尾一招。
晚餐因為大魔王上班關係而要到附近酒樓用餐。 晚飯後再去深水埗食埋糖口先送額娘回家。 我和肥仔就到尖咀搭地鐵回酒店。
3 Apr 2016, Day 3 到細魔家探小公主之餘順道見見老父。 小公主好乖。 一日瞓到黑。 夠鐘食飯都唔起身。 愛妻號決定整醒佢要她吃奶奶。 食飽飽又瞓過。
在家中還找到一份小鬼給妹妹的"口"信。 他還不懂串字,所以口講,由細魔這個爸爸筆錄。
今次見老父身體狀況明顯轉差。 雙腳腫脹。 其中一隻出現皮膚潰爛。 要靠手拐杖行走。 每天到醫院洗傷口。 而另一隻腳也受影響。 所以肥仔拍下短片給醫生朋友們看看。 醫生朋友話該不是老父所說因感冒菌引起。 要驗血才知問題所在。
午餐陪他到附近越南餐廳用餐。 飯後送他回家。 我和細魔、小鬼到 mega island 幫他加添禮物。
接著就帶埋小鬼去開派對。
醫生朋友一對手除了做手術了得外,連煮嘢食都一樣咁叻! 唔做醫生可以開私房菜!
空姐太太大派糖果、朱古力。 呢隻小鬼食食吓朱古力蛋將裡面的朱古力漿自塗成一隻花面貓。
又一張記錄住他們成長的經過。 小鬼這天很乖。 自己跟大哥哥在房中玩 star war 和 lego。 好聽話。 我叮囑他的都做到。 但日間在家裡鬧脾氣時,他跟我說學爸爸。 所以細魔還是要好好檢討這方面了。
4 Apr 2016, Day 4 早上 1030 就約了酒友到 timesquare 的鐘廚飲茶。 結束後就去改電話 plan。 但早上一直頭痛,所以改完 plan 就回酒店休息。 肥仔就去鰂魚涌幫太后配藥。
下午四時多見有點好轉後就去 timesquare 濕平。
約傍晚六時就去阿姨、阿爸屋企飯聚。
乘的士回酒店時遇上很有禮貌的司機。 真係做人咁多年,遇到有禮貌的的士司機真係十隻手指都數得晒。
5 Apr 2016, Day 5 下午四時多機回上海。 上午逛一會再相約額娘飲杯咖啡短聚才回酒店取行李離開。 乘的士到香港站又遇著一名非常有禮貌的司機。 真好彩。 香港多啲呢啲司機 uber 都生存唔到啦! uber 生存到全靠你哋一手做成! 近嘅嫌近,過海嫌遠。 坐喺度收錢最好!
在機場免稅店代細魔個上海客買了兩盒綠色熊貓煙帶回上海。 一盒有 5 小包。 每盒 1550 港元! 店員告知這款煙只有香港機場免稅店才有出售。 撞鬼!
5 天又匆匆地過去了! 連班 bitches、舊同學都冇機會見。
沒有留言:
張貼留言