24 Dec 2010
肥仔兩個月前已經訂咗 easyjet 機票在聖誕檔期同我去巴黎渡過, 懷住極興奮的心情, 因為可以去 shopping。
不過由於買廉價機票的關係, 每人只可以帶一件手提行李, 手袋都必須要放入行李箱內, 行李大小必須符合要求, 否則多出的行李必須付費寄倉。
因為這個原因, 要成功回戰利品, 我決定只帶傻瓜機、叉電器、ipad、一件冷衫、化粧品及護膚品, 一套衫著足四日.....哈哈!
起床時馬上上網查詢一下航班起飛狀況, 好開心呀! 無公佈被取消。 不過外邊下著大雪, 所以肥仔決定 call 的士去機場。
想入閘o個陣先見到班機 cancel 咗, 真係晴天霹靂! 肥仔走去 counter 問, 佢話我哋可以自行買票轉乘法國航空, easyjet 會補回差價。 但係乘客選乘其他交通工具的話就要自行付費了。
排了法航一陣, 肥仔走去問, 不過法航話得一班機, 飛唔飛到都成問題, 於是肥仔決定轉坐火車。
最快一班都要下午二時多, 仲有成三個鐘.....都唔知去邊到 hea....所以同肥仔坐火車返 city center 後食埋麥當當之後決定返屋企先。 等肥仔眠一眠先出去。
午餐去火車站附近那間港式餐館, 肥仔吃了碗牛腩麵, 我就點了碟雪菜火鴨絲炆米, 唔錯唔錯, 每樣都係 cfh 16 / 17 元左右。
火車真係好多人, 我諗因為好多人的航班被取消了而改乘火車。 不過, 由 30 分鐘機程變成 3 個鐘車程。 冇辦法啦......總好過掃興一場。
車廂的暖氣教人想睡, 但係突然驚見眼前 ipad 的花痕! 我的東西一向都保護得很好, 估不到今次放入個手拖喼, 由於東西不多, 它滑到喼底個廘位兩口鏍絲位上。 真係極度唔開心。 因為這事, 坐在車上, 心情 down 咗良久又良久.....因為咁唔啋肥仔好一會兒....
走出地鐵站, 沒有下雪, 只有少許積雪......咁點解解航班被取消咗呢?! anyway, 好凍!!! 是次下榻的酒店很靠近凱旋門。
Hotel Balmoral。 check in 已經約晚上七時多了, 放下行李先到對面一間小士多買飲用水及生果。 放回酒店後就出外醫肚。
晚上七時十五分平安夜的街就好似香港零晨兩時多的街.....水淨河非.....
走過兩條街見有間泰國菜館, 所以走入去一試。 兩個套餐加埋先五十幾歐羅。 比瑞士平得多。 其間向老闆打探節日店舖的營業時間。 老闆告知平安夜一般都提早關間時間, 明天聖誕節 99% 都不會營業, 後天星期天又是不營業.......唉! 心情跌至谷底.....這樣的話, 星期一就要速戰速決......
食飽飽去行一陣幫助消化。
為咗慳行李位, 我連部單返都唔帶, 只用 lx 3。 部機唔使落腳都交足功課, 真係一部好機。
走到香謝麗舍先覺得條街比較熱鬧。 人多一點, 但九成店舖已關。
反而車行卻開門做車展, 給市民多一個消遣地方。
由於只剩下星期一給我衝刺, 所以先行做點功課, 確定店舖的位置所在。
大概記得名店街在那裡.....點知目標出現.....但係晴天霹靂!!!! 吓, 唔係黑成咁呀!? 雖則我知道春天百貨都有分店, 但都不及酒店走過來來得方便......我O既情緒由沸點變冷點.....唉
沿著香謝麗舍大道返回酒店的路上, 肥仔開始留意一下旁邊的餐廳, 起碼餘下三天的飯餐有點概念。
這部概念車是 toyota 的。 店舖已關, 只能隔著廚窗看。
沒有留言:
張貼留言