boxing day 諗住去睇吓一些時裝小店, 可惜, 星期天不開門營業。 那轉移目標去 LV。 因為早一天看過門外貼著的營業時間, 星期天也營業, 那就去走碰碰運氣吧!
不過, 先到凱旋門走走吧!
之後到 LV 碰碰運氣, 咦! 真係有開喎......雖然 LV 今期唔係我目標, 不過, 即管入去睇睇, 見有位小姐試揹這個款, 想著 550 歐羅, 蠻抵用的, 所以先買一個給自己, 再想想是否多買一個送給家人.......其間詢問店員其他品牌及春天百貨是否開門營業, 她表示大多都不營業, 如百貨店, 她代我們打電話去問, 非常友善。
另外店員告知如果搭火車離開的話做退稅較麻煩, 因為要打電話叫人到火車站搞。
離開後跟肥仔逛 h&m, 他買到了裇衫及冷衫, 而我就買到了一件平價皮褸。
再在旁邊的店買了一條為港紙一百三十元的頸鍊。
跟肥仔再去昨晚的餐廳, 試試海鮮拼盤。 拼盤兩人百多元歐羅, 而海膽則每隻 8 歐羅。 海膽真的很鮮甜, 其他海鮮也很好, 只是一次過吃得太多生品有點膩.........
這頓海鮮餐用上了差不多兩小時才完成......不過還有五份一吃不掉......
其間 SMS 日本婆要不要冒險 (未知退唔退到稅, 因為我在這邊將會住好幾個月) 代她買同款的 LV 包包, 得到回覆 "yes, pls"。 而我又想多買一個送給家人, 所以折返 Lv 再多買。 雖然要排隊, 但係不消十分鐘已經可以入內。
當我表示要買兩個時, 那女售貨員表示要兩本 passport, 填完資料後, 我不悟有咋, 佢問我哋係唔係同一個地址, 我答"係"。 冇耐個女 sales 返嚟話同我哋早上其中一本 passport 已經買過, 所以唔可以再買......跟住再話, 同一個 family 就算兩本 passport 都唔可以買同一個款......嘩! 真係火火哋.....肥仔同個售貨理論但不果.......個售貨員仲話以前一個 passport 只可以買一個袋, 近兩年先可以一個袋、一個銀包....肥仔知我好唔開心, 於是發揮佢理論精神, 表示要見經理, 經理好忙, 等咗一陣終於可以同佢講, 佢仲話你大可以返香港 LV 買。 肥仔話返香港唔一定有呢個款, 經理話一定有......跟住肥仔話咁唔一定有貨喎! 加上佢 (即係講緊我) 要嚟送比佢媽, 佢兩母女最鐘意用埋同一個款.....最後經理同意比我多買一個......
咁上次已經令同事失望過, 所以今次算啦....自己放棄。
售貨員表示, 一本 passport 只可以一、兩個月內買一個包包 & 銀包。 衫、褲、鞋、襪無限制。
之後睇中一對 LV 平底鞋買返補數。
返酒店先放底戰利品, 讓肥仔小休一會先出去食晚飯。
晚飯都係去返泰國菜館, 今晚因為肥仔突然個胃唔舒服, 唔知係唔因為 lunch 食得太多海鮮, 所以只係叫咗兩碗湯、炒雜菜、青咖喱雞及兩碗飯......不過, 肥仔食到一半都係覺得唔係幾舒服, 所以沖沖埋單返酒店休息。
沒有留言:
張貼留言