終於等到星期一, 好期待去博殺。
肥仔今日見到酒店枱頭"楝"住張早餐餐單, 發覺除咗麵包仲有炒蛋......之前我仲同佢講話歐洲酒店淨係得麵包.....估唔到依家進步咗。 於是決定在酒店用餐才 check out。 行李先寄存在酒店。
用餐完畢就向目標店出發。 街外依然好凍呢!!!!
入到去想買的款因為係舊款, 只剩餘一個大的, 但實在太大了。 逛了一圈後, 先睇吓耳環。 這對我知道媽咪一定鐘意, 所以索性買多對送比佢。 不過 Chanel 都係要求每個 passport 只可以買一對。 肥仔順道問女售貨員其他限制......女售貨話一個 passport 30 天內只可以買一對耳環, 一個 classic bag + 一個其他 collection。
揀完耳環, 女售貨問我其實想搵咩款......我話 classic 款, 但係佢拎比我個羊仔皮同我個荔枝皮一樣......咁無理由買啦! 金色我又唔鐘意......跟住就得 peach colour, 但係我唔鐘意....大 classic 我嫌重....淨袋都重, 再加埋我手袋裡面O既O野...真係頂唔住。 後來見架上有個布款 classic, 但係 last one.....問價之後覺得幾抵買, 所以買入。
後來見隔離個女仔試緊個 cruise 款, 個色好鐘意, 所以買埋。
香港間店成日都排到死, 入邊又多人。 呢度買冇咁多人, 可能國內嚟嗰啲好多都係學生, 而且佢哋鐘意 LV 多啲, 依家又少咗日本人, 不過返而韓國人多咗, 不過都唔使排隊, 也可能我早去吧!
買完見有時間兼肥仔之前一次過買了十張地鐵票, 還餘下數張, 所以決定去春天百貨逛逛。
在春天的 Chanel 店要排好一陣子。 不過找到了我想找的款 travel bowler bag。 都係 last one!!
之後以極速逛了春天一個圈, 因為唔想肥仔咁悶, 所以冇買到什麼東西。 加上easyjet 只容許一件 hand carry, 仲要係連手袋都要塞落去....而我又要將手袋的盒保留, 所以我已經將空間用到盡, 再買就放不下了....
哈哈, 等到星期一先可以買返夠本 ^.^
午餐不想浪費時間在西餐廳吃, 我們隨便在春天百貨後面的小街找到一間賣壽司盒外, 還有不同中國餸, 又有蝦蛟、燒賣等食品。
吃過後我們就折返酒店執行李。 最後的 travel bowler bag 沒有盒子給我, 可以省回一點空間, 但最後肥仔幾經努力, 只犧牲了一個 LV 大盒。
酒店外有機場巴士, 雖然車程約一個小時, 但最少不用轉來轉去。 加上我們為了搞退稅而提早出門, 所以也預留了充足路面時間。
去到 orly 機場南面, 先找退稅 counter, 但係個死佬一聽見我哋話去 geneva 佢就死都要我返瑞士個法國海關做, 肥仔話瑞士唔屬於 EU 呀, 點解唔做得.....但係佢死都話叫我哋返去嗰邊做。 講老實, 都唔知係唔係搵我笨, 邊有第二個國家個海關喺人哋個國家度O架!? 唉! 我最擔心O既事終於發生......不過佢死都唔肯做, 我咬佢咩!!!!
仲有成三個鐘先上機....真係無所事事......坐喺度見到有個指示牌可以搭無人架駛列車去西面, 我問肥仔試唔試......應該每個機場都有退稅 counter 吧!
於是我o地去另一邊個機場個退稅 counter, 但係無人值班, 要打電話 call 人前來辦理, 在電話上個關員又問我哋去邊, 今次肥仔話我哋經瑞士返香港, 講咗好耐, 最後佢嚟到睇完我哋張登機證係去瑞士, 佢都肯幫我啲退稅單給印.....唉! 真係一額汗 >.<
上機前還買到這個蠻平直的滑雪眼罩, 35 歐羅。 不過真的不能再塞進行李去了, 我就插在我的褸袋內。
候機時, 擴播提醒每位乘客每人只可以帶一件行李, 手上所有相機袋、手袋及電腦都必須放進行李內, 好些乘客非常狼狽, 有個鬼婆塞不了手袋入個行李喼, 於是發老脾向職員理論, 不過, 人家話無辦法, 一係比錢寄、一係你自己諗辦法塞佢落喼...於是鬼婆面懵懵地去將喼內的衣服加在身上, 然後塞個袋入去 (佢個手袋仲係硬身的), 不過, 其實人家在預訂機票時已經講明, 真係比你就人情唔比你就道理。
返到 geneva, 去咗小雜貨店入貨, 跟係再去對面間港式飯店吃晚飯, 點了個羊腩煲 (幾細煲) 約 chf 17, 再點了個海鮮豆腐湯 (其實係羮), 不過好多料又大, 約 CHF19。
巴黎之旅就在這裡劃上句號了!
沒有留言:
張貼留言