其實佢知唔知咁做有幾討厭？！(*｀へ´*)

我真係唔知佢知唔知咩叫禮貌.....

話說回來後我將一堆戰利品、買給小鬼的裇衫和飛機上的 travel kit 分別放在兩個袋內。 再放在書櫃外牆角。

其實執行李時我已經問肥仔使唔使將飛機上的 travel kit 問佢阿媽要唔要， 佢話唔使。 我都明白， 因為佢都比咗好多個佢。 所以我話比我屋企人揀啦， 唔好嘥。

但係第二朝， 我見其中一個 travel kit 响書枱面， 仲有張 post-it 紙貼响上面寫住 “xx, 我要這個袋， 媽“。

見到真係火火哋。 原本有諗過問佢點解佢會摷我啲嘢， 後來忍住咗。 因為我知一問佢佢就會解釋。

後來我直接放到佢廁所洗面枱上算了。  其實冇所謂， 咁多。  只係唔鐘意佢成日摷完人啲嘢都覺得自己冇錯。

原本佢唔講我都唔提， 晚上我煮飯時， 佢去儲物室收衫， 同我講”你係唔係真係唔要？  你要我比返你。“  我真係滾滾哋， 但係都壓住道氣答返佢 ”唔要， 你要啦。 不過我奇怪點解你會搵到“。 如我所料， 即刻話”你唔好誤會， 我唔係摷你啲嘢， 我倒垃圾嗰陣睇吓有冇嘢要掉。”  我都費事答。 由得佢講咩就講咩。

但係好想吋佢， 第一， 呢堆嘢我唔係放响垃圾桶邊。 第二， 垃圾係响垃圾桶。 唔喺垃圾桶見到即係唔係垃圾啦！  不過， 我唔講喇。 橫掂佢次次都有籍口。