團購 ~ Thomson 光波爐 12L

老父較愛煎炒肉類， 見 airfryer 好用， 但又驚兩老搞佢唔掂， 所以趁團購有光波爐， 388 就有交易， 平平哋買了給他們用。

上星期趁得閒入去教佢哋用。 竟然我阿媽都好快上手。

買咗百佳醃好的叉燒及雞扒試燒， 好 juicy。  成品跟 airfryer 一樣。

阿媽鐘意個蓋同玻璃鍋係分體式， 咁樣就唔驚唔夠空間掀蓋。  佢話從此唔使煮到個廚房烏煙瘴氣。

個玻璃鍋容量為 12 公升， 加上附送的高圈就可以擴展至 17 公升。

隨機還有煎碟、高架、低架、多士架和取物夾。

唯一唔好處是光波在側看較刺眼。  所以著他們著機後要看進度就要從機頂向下望。