有陣時真係想殺咗佢！ （>.<）

煮餸
1) (肥仔放工時間） ： 你咁早煮呀？
2) 皇太后 : 你個荳想點整？
我 ： 炒牛肉
皇太后 ：我雪櫃有樽欖菜， 你加....

我個頭即刻頭頂有烏鴉飛過......我真係唔覺得欖菜同牛肉可以同住一間屋。 所以最後我索性唔落牛肉.....


電飯煲煲粥 （類似潮洲粥）
皇太后： 明火好食啲。
肥仔 ： 無咩分別啫。
我 ： 電飯煲唔使睇火。 加上我真係唔覺得好大分別。

煲湯
皇太后 ： 你煲湯咁大煲水呀？ 啲骨汆吓水好喎！......你使唔使較細個火？

煲綠荳沙
皇太后 ： 我幫你熄細咗個火， 就嚟滾潟.....

真係想話 ： 關你 Q 事呀。 我煮、我洗。 成日人煮嘢就走去掀蓋。  綠荳沙我次次都大火， 熄細火就好易燶底。  次次人煮佢都走去 check， 又意見多多！  所以我盡量都會趁佢瞓覺先去搞。 但係佢到時到候又會彈出嚟。 真係想話， 你隻手無事就接手煮返。 唔好人煮就意見多多。 如果唔係， 我煮就按我時間／煮法。