StAUb の 茭白笋木耳炒肉片

太后話街市好多人買。 唔知咩嚟。 所以佢又買一份。 佢就係咁㗎喇。 成日話見好多人買，問完人個菜名又唔記得。 但奇怪在佢唔知咩嚟都買。  買完返嚟叫我諗吓點煮。

上網搵咗出嚟原來叫茭白笋。  順手當然搵食譜啦。 話晒都未食過，又唔知點煮好。

參考食譜 ： 心食譜 ～ 茭白木耳炒肉

材料 ：
茭白
猪肉
黑木耳
薑片
蒜蓉

肉片醃料 ：
生抽
糖
紹酒
鹽
麻油
粟粉

調味 ：
蠔油

做法 ：
1）新鮮茭白去掉最外層表皮洗淨，斜刀切片備用。
2）豬肉切片加醃料醃最少 30 - 45 分鐘。木耳提前泡發洗净，撕成小塊。
3）staub 鍋中下油開中火加熱至見淚痕下薑片，肉片下鍋炒前拌入少許食油防痴鍋。 肉片下煱炒至轉色後加入蒜蓉拌炒至蒜蓉散出香味後盛起備用。
4）鍋內重新下油，油熱后下茭白笋翻炒，如果太乾可以適量加水。
5）茭白熟后，下黑木耳翻炒，撒少許糖和鹽調味後將肉片回鍋下少許蠔油翻炒均勻後即成。